اختي تكرهني تعببببببببببببببببببببت

السلام عليكم
يابنات فعلا انا تعبت من اختي ما ادري وش اسوي ما ادري اكرهها ولا احبها ولا وش لازم احس تجاهها

انا واختي بينا سنه وحده بدت المشكله من ملكت على زوجي

هي وخوات زوجي بنات عمي يصيرون مره علاقتهم قويه وصداقتهم قويه واخت زوجي الكبيره تكرهني وتحرش اختي علي واختي تطيع كلامها طاعه عميااااااااااااااااااااء
الحمد الله تزوجت بالرغم من المشاكل اللي سببوها لي وسافرت مع زوجي لبريطانيا لانه يدرس هناك وحسيت بالغربه والشوق لاهلي كلهم حتى اختي ونسيت كل المشاكل اللي سببتها لي
وشاء الله سبحانه وتعالى اني احمل وكان وحمي شديييييييييييد وتنومت في المستشفى ثلاثه اسابيع تخيلوا غربه ووحم وتعب
اول ماطلعت من المستشفى رجعت السعوديه وكنت مشتاقة للكل وتعبااااااااااااااااانه

فرحت بأمي وابوي وخواتي
بس يا فرحه ماتمت
تخيلوا امي تحلف لي ان بنات عمي ماكنوا يعطون اختي وجه ولا يتصلون عليها الا بس يوم جيت انا
وقبل يومين جاء زوجي من بريطانيا في اجازة وراح عند اهله في الرياض وانا في الخبر عند اهلي قلت قالي انه بيجي ياخدني ونقعد في الرياض لين تخلص اجازته

قلت له طيب جيت انا بكل حسن نيه قلت لاهلي وتنط اختي بكل وقاحه وتقول بروح معاك للرياض انتي وزوجك بقعد عند بنات عمي انا استحيت وقلت لها يكون خير

امي طبعا رفضت انها تروح وانا بصراحه ماودي وش بيقولون الناس تزوجها واختها معها
قامت اختي وتهاوشت معاي ومابقى كلمة ماقالتها لي وجلست تدعي علي وتقولي اني انا غيرانه من علاقتها مع حماوتي لانهم يحبونها ويكرهوني وانا والله مادريت لا عن حبهم ولا كرههم انا همي في وحامي اللي ما اصحى منه وهم زوجي المتغرب
والله يبنات ان الكلام اللي قالته يقهرررررررررر وتصارخ بوجهي
وانا ساكته
اليوم الثاني حسيت في الم ببطني وكنت بكلم الدكتوره اسالها وكان الالم شديييييييييييييييد رفعت التليفون لقيتها تكلم سكرت السماعه وانتظرت نص ساعه رجعت رفعته مره ثانيه لقيته تكلم قلت لها بادب ابي التليفون صرخت علي بصوت عالي سكري السماعه سكرتها وصبرت والالم يزيد اخر مره رفعت التليفون وصرخت عليها وقلت لها تقفل التليفون لاني تعبانه
قفلت التليفون ونزلت من غرفتها وجلست تهاوشني مارحمت حالتي اني حامل وتعبانه وبطني يعورني وانا عصبت وجلست ارجف من التعصيب والخوف على جنيني ونفسي منها وقامت تدعي علي انا ما يقهرني الا دعوتها ولا كلامها الباقي ادري انه من تأثير حماتي ولا يهمني بس كيييييييييف اخت تدعي على اختها اخر ما قالت قالت لي ادا جاء زوجك ياخدك لاعاد ترجعين


يا بنات وش اسوي امي وابوي بين نارين هي بنتم وانا بنتهم واهلي ما يحبون يوقفون مع احد حتى لو كان صح لانهم بيخسرون الثاني

انا تعبببببببببببببببت منها ومن حماتي
يمكن مافيه حل بس ودي افضفض ودي اناقش احد في حالتي مع اختي ودي احد يقولي انتي غلطانه او هي غلطانه ودي افهم هي غيرانه لاني تزوجت؟ ولا هي فعلا تكرهني ولا وش قصتها الحين انا وياها مانكلم بعض وطبعا اريح لي بس والله قلبي يتقطع وانقهر من نفسي اقول ليش انا حنونه عليها وهي تكرهني وتدعي علي ابشع الدعوات