اختي جاها عريس توافق اولا؟

شوفو حبيباتي

عندي 3اخوات طبعا انا بالنسبه لي اقول تاخرو عن الزواج 2منهم ماراح اقول عوانس :angry2:
البنت بنت دامها ماتزوجة حتى لو تطق 50سنه


الكبيره فيهم عمرها 35سنه هذي طال عمركم كانو يجونها خطاب بس :(الله يسامحها ويسامح اللي كان السبب

المهم الكبيره هذي قبل سنتين تركة التدريس في تحفيظ القران وجلست ترعى ابوي اللي صار اسير الفراش والاكسجين وامي اللي صارة اسيرة مرض السكر وابر الانسولين وكرسة حالها لخدمة البيت والداخل والخارج واخواتي اللي وحده عمرها 33سنه معلمه ايضا والصغرى عمرها 24سنه معلمه ايضا وقالت ابي اهتم في ابوي وهم يباشرون شغلهم وهي البيت لان سبق وجبنا شغاله وممرضه لاكن مافيه فايده ابوي انشلت رجوله بسبب غفلتهم يوم جته نوبة ضيق تنفس ونقص اكسجين فطردو اخواتي الشغالات وفضلو يبقون يرعون ابوي وكل يوم وحده تلازم رعايته ونومها معاه واليوم الثاني الدور على الثانيه ويوم يروحون شغلهم الكبيره تدير بالها عليهم كلهم لحد مايردون

ابوي غالي غالي غالي عندهم مايرضون احد يلمسه غيرهم ابدااااااااا ولله الحمد

المهم الكبيره فيهم جالها عريس اللي هي ترعى امي وابوي قبل يومين وهي محتاره وبتتجنن ماهي قادره تاخذ القرار
العريس اولا ابوه سعودي لاكن امه غير سعوديه ومتجنسه ومطلق زوجته وعنده منها ولد وبنت
المهم العريس عسكري عنده شرط انه عنده دوره بعد شهرين وبيتزوج وعلى طول بياخذ عروسته معه لبريطانيا يعني في حين تزوج اختي بياخذها بريطانيا ؟؟؟؟؟؟؟؟؟؟؟

بصراحه اختي حنونه وتحب الاطفال وهي ماعندها مانع ترعى اطفاله وتحطهم في عيونها واكثر من امهم بس ماتبي توافق تقول ماابي ابعد عن ابوي ابددددددددددددا لان ابوي خلاص باخر عمره والله كل شهر يمر ندعي الله يمد في عمره الشهر القادم لان خلاص نصف الرئتين معطله وهو اسير فراش
ومااقدر اوصف لكم شئ يعني حالته مثل حالت اي شايب عمره مثل ابوي 98سنه ؟؟
الله يحفظه ويخليه

كتبت معاناتنا
ودنا تتزوج بس ماودنا تترك امي وابوي وهي ماودها ابدااااااااااااا تقول مااتصور ابوي يموت ويندفن وانا مااشوفه ولااتصور يمر يوم ومااشوفه واشوف امي تقول خلاص انا ابي اعيش كذا لهم ويوم القيامه ربي بيعوضني خير على صبري
وصعب اخواتي الموضفات يتركون شغلهم بالنهارلاجل يرعون ابوي وامي ؟؟؟؟؟؟؟؟؟

وهي خايفه بعد من ان الاقارب يعايبونها في مسالة النسب ؟

هاه يابنات وش رايكم اختي توافق والا لا ؟؟؟؟؟

على فكره تراهم صح ماتزوجو بس عايشين حياتهم ومبسوطات وسعيدات جداااااا اللهم مرض ابوي وامي اللي مكدر عيشهم ومخوفهم علشان كذا يفضلون الجلسه على الزواج كانه بيجلب لهم الهم والحزن بسبب بعدهم عن ابوي وامي