السلام عليكم
اول شي مثلم قالوا لك البنات الثقه نص الجمال و النص الثاني اشتغلي عليه
يعني ابداً لا تجلسين تقولين لنفسك انا كشه انا مو جميله انا سمرا انا دبا
بالعكس خليك ايجابيه و امدحي نفسك
و ترا القبح اللي انتي تشوفينه بنفسك من رسايلك السلبيه لعقلك الباطن




و اذا ع الالاف اللي تصرفينها ف المشاغل اصرفيها ف العيادات احسن و ادوم
يعني سوي لك هوليوود سمايل + توحيد لون + تقشير للبشره الداكنه + ليزر + فيلر للخدود عشان اذا نحفتي وجهك م يصير طويل
و شعرك سوي له استشوار ف المشغل قبل المناسبه بساعه و خلاص ليه يروح يومك كله ف المشغل


شوفي في ملكات جمال سمروات بس عارفين يهتمون ب انفسهم
و انا سمرا بس الحمدلله ملامحي جميله و خواتي اقل مني جمال بس اذا قارنت نفسي بشي من الحاجات اللي جميله فيهم تقل ثقتي ف نفسي و اجلس اتحسر ع عمري
مثلا خواتي افتح مني بدرجه او درجتين
و اختي جسمها ساعه رمليه و انا جسمي عادي
و اختي الثانيه شعرها كثيف و حيوي ما شاء الله مع انها قصيره و نحيفه
يعني ربي ياخذ شي و يعطينا شي ثاني
انتي شوفي وين نقط الجمال فيك و ابرزيها
و ابعدي عن المكياج الاوفر هو يزيد الطين بله حتى
اجمل الجميلات لو حطت اوفر بتطلع قبيحه
ادخلي اليوتيوب و تعلمي خطوات المكياج الفرنسي النااااعم و الكونتور للوجه الطويل و صدقيني انتي جميله بس مستنقصه نفسك
و بالتوفييييييق

حبيبتي لاتقولين عن نفسك قبيحه او شينه ولاتقارنين نفسك في اختك ابد عمر الجمال مايرفع من قيمة الانسان تذكري دائما ان الله خلقك بكامل الخلقه تخيلي انك كفيفه ماتشوفين اوعوراء او عرجاء او ماتسمعين وتتكلمين تخيلي هذا كله ابسألك هل كنتي راح تتشكين وتقولين انا مو حلوه انا مو مثل اختي ؟؟؟؟ بالعكس راح تتمنين بس تكوني مثل باقي البشر وبكامل خلقتك استغفر ي ربك انتي بكلامك هذا كأنك معترضه على خلقة الله لك وليش ماخلقك بالمواصفات الي تبينها ارفعي من قبمة نفسك وحبيها ودلليها قولي يارب لك الحمد على الصحه والعافيه ثقفي نفسك اهتمي بالاشياء الحلوه الي تخليك انسانه متفائله دايما وتحبي الحياه بكل مافيها واذا سمعتي اي كلام يجرحك لاتلتفتين له ابد قولي يارب اجبر بخاطري يارب اسعدني يارب جملني بعيون نفسي وعيون خلقك صدقيني اذا لجأتي لله راح يسعدك ويرزقك بالزوج الصالح الي يعوضك عن كل شئ.. الله يسعدك يارب ويبعد عنك الضيق والهموم

راح تشوفين حظك وحظها بالزواج واذا تزوجتي اذكري كلامي


الارزاق عل الله وعليك بالدعاء ربي بيرزقك بس خلي ثقتك بالله وتوكلي عليه

صحيح كلامها
حتى انا اعرف ناس ولدهم وسيم خطبو له بنت حلوه شعر ناعم وملامح هنديه وصغيرة ... وماعجبته
وراح خطب وحده كبيره وجدا جدا عااااااديه


واعجبته وتزوجها وطار فيها
حتى بعدين عيالها طلعو واحد حلو على أبوه والثاني على أمه .. وهذاها عايشه معه مرتاحة وحظها كبير. ..

واوجز كل كلام البنات في جملتين انتي الي بتتزوجين قبل اختك ..وأحسن من زوجها ...ان شاء الله