اختي حذرتها بالواتس..

السلام عليكم ..اخباركم عزيزاتي.
امس كنا معزومين عند خالي ورحت العزيمه وانا على سنقة عشره لابسه وكاشخه طبعا اهلي كلهم موجودين بالعزيمه اختي مرره قريبه منني حتى اني طوال اليوم جالسه ارسل لها على الواتس اش البس اوريها الصور وكذا
المهم يوم دخلت جلسوا حريم اخواني يمدحوني بقوه وامي وخواتي الباقيات وكلهم
مدري اختي غارت او اش السالفه ما جلست معي طوال الليل بالعاده تجلس جنبي ونعلق ونسولف
المهم وحنا بالسوالف قلت لها ان وحده من صديقاتي قالت ان ولدي يشبهك
طبعا هي ما تحب عيالي وتعتبرهم مو حلوين ودايم تسب فيهم وتقول انهم شيان بس والله يوم قلته لها ان ما قصدي اي شي الا اني اعلمها وبس
ام زوجها كانت معنا بالعزيمه
يوم رجعنا لقيتها مرسله لي رساله تقول ان ربي دايم يعاقبك لان نيتك مو طيبه ليش تفشليني قدام ام زوجي وتقولين ان ولدك يشبهني ..والله لادعي عليك لانك قلبك اسود ومستقصده انك تحرجيني
طبعا هي تكبر مني ب 5 سنوات وموظفه بس استغربت ليش تقول كذا
والله ما قصدي الا اعلمها وبس ولا قصدي احرجها لاني اعتبر ولدي حلو 😦😢
بس من جد جرحتني وكلامها زي السكاكين
قمت رديت عليها ان ولدي اشوفه حلو وعلمتها ان هي نفسيتها مدري ليش متغيره علي امس
وعلى طول حذرتها من الواتس لاني انجرحت من كلامها
وربي ابكي من الصباح ...
علموني انا غلطت ولا هي ولا اش السالفه