اختي حيرتها مع مديرتها

السلام عليكم ورحمة الله وبراكاته
انا الصراحه ابقي اقول لكم قصة اختي مع مديرتها ... طبعا مش قايله لكم اسمها ولا اسم مدرسه علشان ما تروح فيها ... زين بس ابقيكم تحكمون عليها .. برواتها .
ا
سمعوني يا اخوات انا بكتب لكم قصه معاناتنا مع مديرتنا والله انها متعبتنا معاها اب تصرفاتها وحركاتها وكلامها معنا واسلوبها في التعامل تقلون كأن احنا عيالها الصغار
سمعو
لما تكون هاديه اخذي منها كل اللي تبين الإجازه والتاخير حتي الخط الأحمر يعني بتراعيش كثير وتصير مثلنا أنسانه لها ظروف عيال اصغار وزوج متأخر في توصيله لنا المدرسه والسياره تعطلت في الطريق ووووووسعات ماينحط لين نجي كلنا كله عادي و نطلب من المطاعم فطور وغدا عادى انسولف ونضحك معاها بعد جدا عادى وعليها اخلاق ولا في الخيال

بس ها لما تجي امعصبه قال ايش قال متنرفزه
1 ) لااحد يدخل عليها وحطي في بالك انها يوم تكون امعصبه اب تجي اول وحده تدروت ليش علشان تحط الحط الاحمر وتقعد تخز في كل وحده متأخره وتحاسبها على كل دقيقه واهي لكا تتأخر اتخلي المساعده بعض الأحيان اتوقع عنها لما اتقرب من المدرسه

2 ) باب غرفتها مسكر لا احد يدخل عليها إلا اذا عنده شغل مهم يعني كلمه ورد غطاها

3 ) المبات مطفيتها ومتمدده على الكنب ترتاح وتريح اعصابها على الإضاءه الخافته

4 ) دايما قاعده على الجهاز الكمبيوتر على النت شتسوي الله اعلم ودايما تتفاخر علينا انها تعرف في الكمبيوتر دايما انا وانا

5 ) الجدول غصب تاخذين اللي تقولك عليه واللي تقول لا ياويلها اصراخ وخناق تعولين اعيالها ولما تصرين على رايئك تكرهك وتحطك قي بالها وعلى كل شيئ ابتتحاسبين زين ولما تستسلمين وتاخذين اللي تبي لا تظنين انك سلمتي لا الأداء الوظيفي اتنقص منه الله ياخذ الحق منها

6 ) تكمن انها تطعن في شرفك يعني مدرسه مره تاخرت وقالت لها والله يا ابله فلانه انها ظروف وما قدرت اجي غير الحين وياالله اني اقنعت زوجي يستاذن من العمل ويوصلني ردت مديرتي الفاضله أنا وش يدريني انك جايه صحيح مع زوجك ومن هنا نشبت الحرب مع الثنتين لدرجه ان زميلتي المعلمه تضايقت وغابت بعد ويوم سألنا عنها اتاريها المسكينه اتنومت في المستشفي يومين وبعدين راحت حق حرمه تقرى عليها

7 ) عندها المساعده دايما اتصرخ عليها وتهزئها وذيك المسكينه امطاوعتها ولا كلمه ولا نص ماغير ان شاء الله يا ابله فلانه دايما اتقول لها انتي ما تفهمين ولا ترسلها علينا باوامرها التعسفيه ولا تطيح فيها الا اهي من كلام المدرسات والتعليقات نسيت اقول لكم تراها المراسله الأولى لها لكل حركاتنا وكلامنا حتى لو مع بعضنا

8 ) مره احرمتنا من ان احنا انسوى الفطور في المدرسه والسبب تقول ان احنا ما انظف التدبير بعدنا واحنا اصلا امقسمين الفطور كل يوم على مجموعه حتي التدبير يكون على المجموعه اللي مش عندها الفطور اليوم ومره كانت جايبه تعميم وكنا جالسين مع بعض في غرفتنا وجابت التعميم وقالت اقروه زين وقعوا عليه بالعلم واخذته مدرسه وقالت انا بقراه بصوت عالى علشان الكل يعرف مضمونه قالت المديره انتي فلانه لا لا لا انتي ما تعرفين تقرين قدامنا كلنا وانحرجت المعلمه احنا سوينا روحنا ما سمعناها مره سوينا دوره كمبيوتر في المدرسه وكانت اهي مشتركه ويانا وادخلت يومين علشان ماعجبتها المدربه لأنها بنت عاديه وصغيره قالت ايش لون تدرسني هالبنت وايش لون ادرس انا مع المدرسات وانا احسن منهم اعرف كل شيئ

9 ) مره بعد تهاوشت مع وحده ليش ما ندري بس سمعنا اصراخها على البنيه والبنت هذي نعرفها الصراحه طيبه وخلوقه وعلى قد حالها حتى سمعناها تطردها شر طرده من مكتبها والله اكسرت خاطرنا البنت وكل اللي نعرفه ان هذي البنت تعز المديره وتحترمها , ياناس حتى لو اغلطت البنت ما تطردينها بهذا الشكل

10 ) والمشكله انها سوت لنا بعد العوده اجتماع وكانت تنصحنا ان احنا لازم تحترم بعض و لازم يكون عندنا ذوق في التعامل وانا احنا ما نجرح بعضنا .. ياناس من شكى لك حنا راضين مع بعض مالك إلا العمل انسويه على اكمل وجه والله حاله . قال ايش ليه اتنادون بعض في الغرفه بـ نوير و اسوير وهدهد ياختي قلتيها في الغرفه ويعني حتى لو نادينا بعض بره بهذا الشكل انتي وش دخلك ؟ احنا نادينا اسمك . يعنى ما شفتي نفسك موقفك مع البنت في رقم ( 9 ) وينك وين الذوق فليقل خيرا او لصمت .

11 ) في الأجتماع كانت تتكلم عن الأحترام والذوق زي ماقلت لكم قامت وجابت لنا مثال على المواقف اللي صارت بين المدرسات العام الماضي قالت زي مها وحصه طبعا هامعلمتين انتقلوا ما كانوا معنا في الاجتماع يوم مها قالت حق حصه احصيصه شغلي المكيف قالت مها اشغلة بس كم تدفعين ؟ بالله عليكم هذا موقف يذكر اجتماع , وبعدين الثنتين راضين ولا في بالهم الموقف لأنه عادي , بس مديرتي صار الوقف قدامها وصارت محتفظه فيه لين هذا الإجتماع .. اساسا حرام تجيبين سيرة احد وهو موجود كانك اغتبتيها.. وبعدين هذا ذكرتتي زميلات لنا بهذي الصوره كيف ناخذ بكلامك (( كبر مقتاً عند الله ان تقولوا ما لاتفعلون )

12 ) المستخدمه ياعيني عليها ماتطلع إلا متاخره لأن المديره قاعده في المكتب ومسكره الباب عليها قاعده على الكمبيوتر .. كل هذا ولاء للعمل .. ياعالم اذا انتي ما عند مسئوليات وعيالك على الشغاله ها الفقيره عيالها جواعا جايين من المدرسه بيقون غدا وامهم حابستها عندك مع ابوهم . ارحموا من في الأرض يرحمكم من في السماء

انا هنا ما احاسبها واعدد اغلاطها لا والف لا لأني انا عارفه ان كل انسان يغلط ومااحد كامل غير الله سبحانه
بس يا عالم احنا نتحاسب وترفع اسمائنا للإداره ونعاقب وناس لا كونهم اصحاب مركز وسلطه
وبعدين تعاملنا على مزاجها ليه وبأي حق ...
تعبانه ومش رايقه قعدي بيتك و لا تضايقين الناس
وتحملين على نفسك ازوار غير اوزارك .. بعدين الدين معامله . مش الدين على حسب مكانتك وسلطتك.. لازم العدل في العمل والأخلاق مع بعضنا احنا مسلمين
اخيرا وش رايكم بهذا الموضوع .....و عفوا على الاطاله .....