الله يعينك ياغرشوب صراحة كاني اطالع مسلسل

بس اسمحيلي صح ان الوحدة لازم تصبر وتضغط على نفسها عشان زوجها واهلة لكن بهالطريقة لالالالالالا كذا غلط

انت لغيت نفسك وحياتك وكرستيها لهم وهذا بحد ذاتة بالنسبة لي اكبر غلط

وبعدين اسمحيلي ممكن اسالك كيف زوجك رضا انك تتابعين المحاكم والبهذلة وانت حامل

المفروض انه هو اللي تابع او اخوة واللي يدورون على بيوت الرجال مو انت

حتى لو كان عندكم حرية فية شئ اسمة شغل رجال مو حريم

وانا آآآآسفة اذا غلطت عليك او زعلتك

بكمل القصة وبعدين برد على كل وحده من خواتي واقولكم من اللحين اني ماراح ازعل من اي تعليق او اي كلام راح تقولونه لي بس حبيت اقولكم شي اني اشهد ربي على كل كلمه كتبتها انها صدق واحلف لكم اني ماراح اكتب انشاء الله غير الصدق وانتو احكمو :)



المهم طلعت بعد العيد الفطر تقريبا بشهر من بيت اهل زوجي طبعا بيتي ما كان مخلص لا اثاث ولا ديكور ولا فرش ولا شي لاني كنت ماجره البيت من كم سنه لاني ما كنت حابه اول شي اطلع عن اهل زوجي لظروف مرض عمي وثاني شي لان كانت علينا ديون للبيت للمقاول وديون ثانيه فقلنا اول سنتين نسدد ديون البيت على راحتنا والسنه الثالثه نخلي اجار البيت للتأثيث
المهم من كثر الضغط علي واعصابي اللي انهارت ولا قدرت استحملت حلفت على زوجي وقلت له دخيلك الله يخليك لو على حصير بنتقل بيتي بس خلاص ما قدر استحمل اكثر من كذا خلصنا اجراءات البيت وطلعت المستأجره وسوينا صيانه للبيت وطلعنا مثل ما قلت لكم قبل حتى ما نخلص ديكور البيت لاني ماقدرت استحمل النظرات والمقاطعه اللي كانت مفروضه علي يعني تخيلو حتى السلام عليكم ما كان اخوه يرميها علي لما يدش الصاله مثلا ويلاقيني قاعده ولا حتى يقعد فيها احيانا طبعا هذا غير عمتي وتناسيها وجودي وتهميشي
طلعت من البيت لميت اغراضي واغراض بناتي على مدى يومين ووالله حتى محد قالي تبغين مساعده وانا حامل وقبل هالحمل اجهضت وتعبانه كانت خواته في البيت كلهن وامه محد حتى قالي مع السلامه وسكت قلت معليه مصير القلوب تصفى وينسون او على الاقل يذكرون المعروف وتصدقون خواتي انه محد دش بيتي من اخواته ولا اخوانه ولا حد زارني والا اتصل علي على عيد والا حتى يسال عن بناتي والا حتى يسال عن زوجي لا امه ولا خواته ولا خوانه ومع ذلك ثاني يوم انتقلت فيه رحنا تغدينا عند اهل زوجي وشوفو المعامله اللي لقيتها منهم :(
واستمريت على هالحال اروح لهم عشان زوجي وبناتي وعشان لا يكبر الموضوع اكثر ومع ذلك كانو يدورون لي المشاكل دواره حتى وانا بعيد عنهم حتى وانا ما اتكلم واخلي حالي حال الضيف في بيتهم اتقهوا واطلع وكل يومين يروح زوجي وبناته وكل يومين او ثلاث اروح معاهم راح زوجي طواري العيد الاضحى والله حتى محد شال سماعة التلفون وقالي يافلانه تبغين شي والا بناتك بحاجه لشي لما شفت الحال كذا حتى خالته اللي بيتها عند بيتي ما فكرت حتى تجي تباركلي بالبيت او تسال عني وتزورني وكله تتعذر وتتحجج ببنتها وبمشاغلها وهي تروح اعراس وعزايم والقاها هناك !!!
خذت عيالي ورحت اعيد عند اهلي وبيت اهلي بينه وبين بيت اهل زوجي شارع بسسسسسسسسس يعني قريب وايد منهم اول ايام العيد خذت البنات وراحو عند اهل زوجي وبعدين رحت انا وعيدت عليهم والله اني دخلت قلت عيدكم مباركم اخوه حتى مارد علي ولا وقف حتى يسلم علي قلت ما يهمني سلمت على عمتي ورجعت بيت اهلي لاني كنت ابغي اوزع لحم الاضحيه وخليت بناتي عندهم رغم ان ثنتين من البنات كانن مريضات ووحده منهن حرارتها جدا مرتفعه يوم الظهر تقريبا الساعه ثنتين او ثلاث بعثت الخدامه وقلت لها جيبي البنات عشان اعطيهن دوا ولا رحت عندهم لاني انشغلت ببناتي المريضات ثاني يوم كنت ناويه اروح عندهم بس بنتي الصغيره حرارتها مرتفعه ومريضه وايد قلت بوديها العياده وبعدين بروح عندهم لان خال زوجي وعياله كانو معيدين عند اهل زوجي وزوجة خالهم تصير صديقتي فقلت مب حلوه ما اروح اسلم عليهم بنفس الوقت ما لقيت بنتي الوسطى دورتها بالبيت ولا لقيتها سالت عنها قالت لي الخدمات ماندري وينها توها كانت بالصاله وقال لي ابوي انها توها كانت تلعب معاه واختفت انا ما قدرت اطلع اروح العياده بدون ما اتطمن عليها والاقيها قعدت ادور مالقيتها وهي مب من وعوايدها تطلع من النوع الخواف جدا وتوها صغيره توها مكمله اربع سنين !! بعدين قالت لي وحده من الخدامات يمكن راحت بيت ماما ( ام زوجي ) لان خدامتهم توها كانت هنيه فقلت اكيد هناك يعني وين بتروح رحت بنفسي قلت بسلم وبنفس الوقت بجيب بنتي لانها طالعه ببجامتها لقيت بنتي عند الباب ضربتها ضربه خفيفه على كتفها وقلت لها ليش تطلعين بدون ماتقولين لي ؟ هي قعدت تطالعني واتفاجئ الا بعمتي تصارخ من بعيد وجات تركض وتاخذ البنت وتهزء فيني وتصارخ وتقولي خلااااص حصل خير ماله داعي تضربين البنت قلت لها انا قاعده ادورها صار لي ساعه ما خليت مكان ولا هي قالت لي انها بتروح ولا الخدامه قالت بتاخذها وياها وقعدت تصارخ وتسكتني المهم كان خال زوجي واقف واخوه بعيد وزوجة خال زوجي جت تركض على الصريخ بنتي خافت لما شافت عمتي تصارخ وقامت تصيح جت حرمة خال زوجي تسكتها وتحضنها وتقولي حرام عليك ليش تضربينها قلت لها انا ما ضربتها انا اعاتبها ليش تطلع بدون ما تقولي وعمتي على نفس صراخها خذت بنتي ورحت البيت نزلتها ورحت اودي بنتي الثانيه العياده وكنت عارفه انهم بيقلبون السالفه علي وبيطلعون قصه على اللي صار وبالفعل اتص لاخو زوجي عليه ( اخوه هو هذا اللي السبب في كل المشاكل ) وقام يسب فيني وفي زوجي ويقول اني جيت البيت وقمت اصارخ وصفعت بنتي !!!! واني واني وهل الكلام كله اللي امه حاشيه فيه راسه ومتبليه فيه علي زوجي ماسكت له وقاله حتى لو حرمتي غلطانه انت احترم نفسك ولا تغلط علي ولا على زوجتي وسمعه كلمتين هو ما عرف شو يرد على زوجي وقام يحاول يرقع بالكلام ويطلعني غلطانه باي طريقه وبعدين ما قدر وبالاخير قال حق زوجي انا مابيني وبينها شي !!! واعتبرها مثل اختي ولا زعلان ولا شلت بقلبي عليها !!! قاله زوجي كيف مب زعلان ولا شايل بقلبك انت السلام ماترميه عليها وقلبت راس امك علينا وكل هالمشاكل واللي صار انت السبب فيه وانت عارفه واللحين بعد كل هذا تقول ما بقلبك شي ؟؟؟ المهم كلمه منه وكلمه من زوجي سكرو الموضوع على اساس انه راح يتناقشون وراح يحل كل شي صار بسببه اول مازوجي يرجع ( طبعا هذا ما صار منه اي شي وطلع من الموضوع مثل الشعره من العجين ) كلمني زوجي وسالني عن اللي صار قلتله وحلفت له وقلت له والله ما اروح مره ثانيه بيت اهلك لو مهما يصير وهو تفهم موقفي وقالي احسن لا تروحين وقلت له انا ام ولا لقت بنتها لو لا سمح الله صار لها شي وانا ما سالت ولا دورت عليها ولا عاتبتها او ضربتها لما طلعت هالمره منو اللي بيطلعونه غلطان مب اخر شي بيقولون امها مادرت عنها مب من حقي ادور واسال عن عيالي ؟؟؟ وهي لما ما كانت تلقى حد من اخوانك او يتأخر برا وهم اولاد وكبار بربك شو كانت تسوي فيهم مب تجلدهم بعصا ؟؟؟ قالي هدي اعصابك ولا تتضايقين
ثاني يوم رحت بيتي اطمن عليه واسقي الزرع شوي الا اخته الكبيره اللي كانت تحضر كل مشاكلنا وتكون موجوده بكل موقف يسوونه اهلها فيني وتهديني وتصبرني مسويه لي تلفون وتسالني انتي وين قلت لها في البيت قالت انا جايه قلت لها لا تعالي بيت اهلي لاني خلاص طالعه برد البيت قالت لاااااااا قعدي بجيك هناك وبالفعل جت وياريتها ماجت الاخت جايه تعلمني الاصول وتربيني تقولي ماتقدرين تمدين ايدك على بناتك لو كنت موجوده وانتي تدرين انها كانت عند اهلي بس ضربتيها كذا !!! حلف لها وقلت لها اللي صار وبعدها كذبتني وبالاخير مادري شو صار فيني وهزئتها تهزيئ بعمرها ما سمعت مثله وقلت لها انتي عيالك لما يطلعون ماتدورينهم قالت اي ادورهم قلت لها ولما تلقينهم ماتضربينهم وتعاتبينهم عشان لا يكررونها قال اي قلت لها عيل انتي ام وانا كلبه !!! مب من حقي اسال عن عيالي وادورهم واضربهم قالت بس ماتضربينهم قلت لها بضربهم واللي مب عاجبه على كيفه وبالبدايه انتو اهلم وكنت اسمح لكم تدخلون بس اللحين خلاص محد له دخل في عيالي قلت لها سالي الخدامات اذا مب مصدقتني اني ماكنت ادري انها في بيت اهلك وقالت اللي ماتستحي بروح وبسال الخدامات !! تخيلو قلت لها روحي وجبت الخدامات وسالتهن قدامها عن اللي صار واكدن كلامي بس طلعت وحده من الخدامات شايفه البنت وهي رايحه عند خدامة اهل زوجي بس خافت تقولي وقالت ماما كانت نايمه وبعدين انا ما قلت لها لما سالتني فقالت هي على طول شفتي انه الخدامه تدري وقلت لها وشفتي انها ما قالت لي واني ما كنت اعرف وانكم ما تستحون على وجوهكم تشهدون علي خداماتي وتطلعون مشاكلنا قدامهم قالت لا نحن مب مكذبينك قلت لها عيل ليش تسالين الخدامات ؟؟؟ وليش عشرة ثمان سنين تقريبا ما شفعت لي عندكم وليش كلمة والله اللي حلفتها ما صدقتيها وصدقتي الخدامه وبصراحه طحت فيها تهزيئ لين تابت بعمرها ما تتدخل في حياتي وسوت تلفون حق زوجي وهي ندمانه وتقوله احتقرت نفسي لما رحت هناك عند زوجتك قالها ارتحتي اللحين لما ظلمتي المره ؟؟ ارتحتو اللحين لما سويتو مشكله من لا شي واتهمتوها ظلم ؟؟
المهم من العيد انا ما طبيت بيت اهل زوجي يروح هو والبنات وانا ما اروح ومع ذلك والله ياخواتي ولا حد يسال والا يقول والا يعتذر وما زالوا لين امس يطلعون عني كلام ويتهموني وما زالو لين اليوم زوجي مسكين صار له اكثر من عشر ايام مب موجود وانا وعيالي عند اهلي ولا حد فكر يسوي له تلفون يسال عنه او يسال عن البنات
يكرهوني كره الله اعلم فيه بعد كل هذا الللي قلته لكم وبعد كل هذا اللي سويته عشانهم وفي واااااااااايد اشياء ما قلتها سووها فيني وسويتها عشانهم بس شو تقولون الله يسامح اللي كان السبب والله ان زوجي يقولي احس نفسي صرت مقطوع كني ما عندي اهل وانا اقوله الكره مب لك الكره لي انا هم ما يبوني انا بس انت ولدهم مهما صار هاذيلا اهلك ومهما صار الدم عمره ما يكون ماي وبتنصلح انت وياهم وهم بعد بكره اخوانك بيتزوجون لانها خاطبه لاثنين منهم وعرسهم قريب وبيحسون بالظلم وبتصير مشاكل وبيقدرون موقفك
وتسالوني ليش انا سويت كل هذا اول شي لان من طبعي اني احب اساعد ولا احب اشوف حد متضايق او مظلوم وكنت دايما اقعد مع عمتي وتشتكي لي من عمي ابوزوجي انه ما يبغي يسوي اي شي وان عيالها ما فيهم خير وانها تعبت وانها ما عندها وانها وانها فكنت احاول ادخل اهلي واخليهم يقضون مشاويرها الضروريه اللي في الدوائر الحكوميه وكنت اروح معاها وبعدين صرت اروح عنها واسوي عنها كل شي لاني اعتبرتها مثل امي وشلت همها وهم عيالها وشلت لها جميل انها تربي لي بناتي بغض النظر عن كل المشاكل اللي كانت تسويها لي وبالاخير شوفو شو سوت فيني وشوفو رد الجميل اللحين عيالها بيتزوجون وبيملون لها البيت عيال مب بحاجه لي ولا لعيالي حتى امي واهلي ما ترضى تسلم عليهم لما تشوفهم مع انهم عمرهم ما اذوها وبالعكس وقفو معاها طول عمرها عشاني وامي تتصل فيها وتسلم عليها وتسال عنها وهي حتى ما تتنزل تزور اهلي

اللحين بكمل لكم المسلسل اخر التطورات غي رالكلام اللي يطلعونه علي واني اسبهم ومادري شو اكتشف مصيبه ثانيه ان وحده من بناتي كان يتحرش فيها عمها اللي بالاعدادي ويجبرها تسوي اشياء غصبا عنها له طوال الفترة اللي كنت اودي بناتي عند عمتي عشان ما تزعل وما تقول اني اقطع البنات عنها !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! وطبعا هي خبر خير عن البنات ولا تدري وازيدكم من الشعر بيت اخته اللي جت تعلمني الادب في بيتي والاصول اخته الكبيره كانت تدري بتحرشات اخوها ببنتي ولا قالت بالعكس كانت دايما تدافع عن عمتي وتقول انها مهتمه بالبنات ولا تقصر عليهم ولا يغيبون عن عينها وووو
طبعا خليت البنت تقول حق ابوها زوجي انصدم هذا قبل لا يروح بكم يوم وحلف ما يودي البنات عند امه الا بحضوره يعين يقعد هو والبنات عند امه شوي وبعدين ياخذ بناته ويروح واللحين طبعا بيطلعون عني اني مابغي بناتي يروحن عند عمتي ولا يكون بينها وبينهن اي اتصال وزاد الكلام وكلللللللللللللللللللللل هذا خلاص ما يهمني لاني عرفت الدرس زين وعرفت انه الغلط راكبني من راسي لرجولي لاني لو خليت نفسي بعيد وبحالي ما كان كل هذا صار لي واني لو طلعت في بيتي من البدايه وابتعدت لا سويت خاطر حق فلان ولا علان كان ما صار اللي صار
اللحين انا ادور حد يعالج بنتي لاني خايفه تكون نفسيتها متأثره باللي كان الكلب عمها يسويه فيها وهي عمرها اربع سنين !!!!!!!!!!
تبغوني اسامح اختي درة البحرين عقب شو ؟؟؟؟؟؟؟؟؟؟؟ ومعقول قلبي يصفا بعد كل هذا لا والنكته اخوه الثاني يشتكي امس عند ولد خاله ويقوله اني انا السبب بكل شي واني سبيت اخوه الثاني قدام اهلي وقلت عنه خايس وحمار !!!!!!!!!! ( خايس يمكن قلت بس حمار ما اضني بس هو مب بس حمار هو يستاهل اكثر من كذا ) واللي نقل لامه ولهم الكلام تخيلو منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بنتي ام خمس سنين ونص الظاهر تسحب البنت في الكلام وكنت اتكلم عنهم او يمكن عن اخوي اللي اسمه نفس اسم ولدهم وكنت هالايام اللي فاتت دايما اشد عليه لانه توه موضف ويلعب براتبه وانا ابغيه يوفر وامون عليه لاني مربيتنه وهو دايما يحبني ويسمع كلامي وكنت اعصب عليه لما ادري انه لعب بفلوسه فيا عالم عن منو كنت اتكلم بس صدقوني ما يهمني قلت والا ما قلت كله واحد

يالله عطوني رايكم