اختي رفيقة دربي

مشكلتي بالحياة اختي شقيقتي الكبيره عمرها 40 سنه ماعمرنا تفرقنا حتى يوم تزوجنا تزوجنا قبل 15سنه عيال خالتنا مع بعض ورحنا مع ازواجنا للسكاكا وسكنا كل وحده في بيت وما كنا نعرف احد الا بعضنا واهل ازواجنا يعني مفروض نكون على قلب بعض بس ااااااااااخ اختي عذبتنييييييييي ماادري كيف اشرحها هي الحق ينقال ماعمرها اغلطت علي بكلمه او اذتني بتصرف بس اذبحتني















ببرودهااااااااااااااااااااااا وتجاهلها لي ماكاني اختها كانا غريبات حتى اهل ازواجنا لاحظو واشمتو بنا بس ايش اسوي يعلم الله والله شاهد علي اني طوال 15 سنه وانا احاول اكسبها بس عجزت وتعبت ماتجيني الا ياما انا اعزمها واترجاها واذا جت ماتطول بس بسرعه بسرعه ولا تعزمني انا اعزم نفسي عندها واجيب الحلا واالفطاير ابي نستانس بس مافي فايده ماتونس حتى القهوه تحط لنا قهوه سوداء وبارده من الصباح مسويتها ودي نصير مثل هالخوات بس مافي امل والله العظيم اني اشتري لها وازورها واسولف معها عن الخوات ومره صارحتها بعلاقتنا المتوتره بس ردها بااااااااارد ولا تعرفني ولا تدق علي الا ياصارت بينها وبين زوجها مشاكل تشكي لي غير كذا انسي وصرااحه هي علاقتها باهل ازواجنا ممتازه لدرجه هي وحماتها زي الاخوات وانا عذول بينهن وحميانها بعد تعزهم ويحترمونها لدرجه انهم يسولفون ويضحكون ويااقبلت سكتو قسم بالله اني كثير ابكييييييييييي تعز علي نفسي احس اننا وعيالي نفرض انفسنا عليهم وهم مايبونا لدرجه اني مره بالعيد عايدتهم ومعي العب وهدايا نبي نسوي حفله نفرح بالعيد قامو اخذو الالعاب والي راح نام وخلانا والي جلس معنا مثل الجدار قمت حملت نفسي ورحت بيتي
والله العظيم هالانسانه غريبه بها تبلد احساس غير طبيعي ماادري كيف تفكر ماتحب احد ولااحد يحبه ولا حتى تكره احد عندها كل هالناس سواسيه عااااااااااااااادي ماادري كيف كيف تحس لو تقعد عن اهلها سنين ماهمها ولا طقت لهم خبر لو تقعد في بيتها سنيييييين ماتشوف احد ماتمل ولا تطفش تاكل تشرب تنام روتين ماتسال عن احد واذا سالتيها عن احد تزعل تقول لا تساليني الا عن نفسي الي حاز بخاطري عيالها انطوائييييييييين بس ساكتين وجالسين مايلجون ويلعبون مثل الاطفال واقولها ماهمها عاجبها لا وبس خايفه وتراعد من العين واكثر شي مني انا اختها الي ابي لها الخير لدرجة اني مره اجيب لها علاجات للحمل واركض لها ماادريت الا وبطنها طلع يعني كانت حامل وانا من خبالي على نياتي واذا سالتها عن دراسة عيالها بس تشكي يوم جيت اذاكر لبنتها الا مستواها ممتاز طب ليش كذاااا تسوي ماادري اتنكر واخاف من دمي ولحمي من اختي الي بيني وبينها عشرة عمر شي غريببببببببببب لا وقسم بالله انها ماعمرها احتاجتني الا ولقتني صدر وظهر لها ولا هو كثير هذي اختي بس هي للاسف بس مالي دخل مالي دخل لو اطلبها ماء ماسقتنيه لدرجة مره كنت نفاس ببيتي وماعندي احد غير زوجي وشغالتي ماجتني غير 3 مرات وساعه ومشت ولا جابت شي تقل ضيفه والموقف الي قسم ضهر البعير انها مره جتني تبكي تقول زوجي بيبيع بيتنا واستاجر لنا بيت ووصفت لي مكان البيت الي بيستاجرونه انا تاثرت ومانمت الليل وانا افكر فيها وبعد يومين اكتشفنا من الناس ان البيت هذا ملك لهم وان لهم سنين وهم يبنون فيه ولا علمونا وكلامها لي خايفه من عيوني عشان ماعندنا بيت تبي تمشيها علي المهم دقيت عليها اليوم الثاني قلت لها ايش رايك افضي المستودع واحطه غرفه لشغالتي قالت بالله لا تفتحين علي باب بكره شغالتي تشب علي تبي غرفه منين لي غرفه بهالاجارات قمت حلفتها اذا كلامها صدق ولا لا قامت ارتبكت بعدين اعترفت قالت وش دخل الناس بنا بيتنا ملك ولا اجار قلت الله اكبر حنا صرنا ناس انا اختك ورفيقت دربك وقمت ابكي انجرحححت وماقدرت اكمل وسكرت الخط انا خلاااااص بعد هالحركه غسلت يدي منها وتعوضت الله والحين نجهز انفسنا زوجي لقا نقل وبننقل من كل المنطقه الحمد لله والشكر