اختي رومي وكل عضوات عالم حواء تعالوا حلولي هالمشكلة..

السلام عليكم ورحمةالله وبركاته...
اول شي انا طلبت المساعدة من الاخت رومي لاني قريت موضوعها الراااااائع
ولان مشكلتي تدور حول نفس الموضوع تقريبا...
المشكلة اني البارحة طلعت السوق ويا خطيبي وعجبني عطر شريته ويوم رحت السيارة
عطيته فلوس العطر وماكان يبي ياخذها وانا الحيييييييييت انه لازم ياخذها وهذي مشكلتي
لاني كل ماطلعت معاه وشريت شي انا ادفع فلوسه لاني بصراحة استحي انه يشتريلي شي
او اني اطلب منه شي... وهو دايما ايقولي اذا خاطرك بشي او ناقصك شي او تبين اي شي
قولي بس انا استحيييييييييييييييي اطلب منه اي شي..
يوم رجعت البيت وحكيت السالفة للوالدة عصبت علي وقالتلي الحرمة المفروض ريلها هو اللي
ينفق عليها وانتي شلي ناقصج عشان تصرفين على نفسج وقالتلي باجر ريلج بيتعود انج ماتطلبين شي وانج تصرفين على نفسج...وانا بصراحة كلامها اقنعني.
الحين ابي اعود خطيبي انه يصرف علي وابي اتجرأ واطلب منه اللي ابيه بس نفس الوقت خايقة اثقل عليه لانه للحين طالب فالجامعة بس عنده تقريبا اربعة وثمانمية ريال مرتب شهري وعقب مايدفع اقساط السيارة وفاتورة التلفون يبقى الف ريال تقريبا....
ارجوكم ساعدوني ولاتبخلون علي بنصايحكم.....