اختي سبب همي ..ياربي انا على صح او لا .الكل يدخل

بنات مالي بعد الله الا انتن ابي افضفض ابي اشوف انا على صح او لا .. اول شئ ابعطيكن نبذه عني انا واختي ... انا واختي متزوجات اخوان وبجنب بعض وازواجنا من النوع اللي مع اهلهم ..امه وخواته راضيات على الزوجه خلاص هم راضين وصارت مشكله بين اختي وخوات زوجي وخلاص كرهننا وهذا مايهم عندي طقاق واستمرت المشاكل بيننا 4 سنوات وعلشان اكون ماني ظالمه احد اختي بالبدايه هي الغلطانه لانه تنقهر من خوات زوجي بس بعدين اختي حاولت اقنعها تطنش وبالفعل تركت المشاكل بس خوات زوجي من النوع الحقود خلاص كرهننا يعني كرهننا مهما سوينا بعدها من طيب واختي بالاخير كلتها صاروا يهينونها انواع الاهانات وهي صابره لدرجه اذا راحت لاهل زوجي يكرفنها بالمطبخ كرف الويل وتسكت وسببن لها مشاكل ويهينها زوجها قدام اهله وهن يسمعن واحيانا يضربها قدامهن يعني حاله يرثى له انا انقهر من اللي يصير بس يابنات اسلوب اختي من بدايته غلط اللي بقلبها على لسانها ودايم عند زوجها تتخانق معاه علشان امه وخواته وانا اقول اتركيهن منتي محصله الا الضرب من هالزوج لانه مايحب اختي تسب بخواته ..المهم باختصار اختي الله يهديها تتصرف بدون عقل وماينفع هالتصرفات لان زوجها يهينها وكارهها حيل ودايم تصير بينهم مشاكل واذا تخانقو طقوا علينا الباب ويالله انا مع اختي وزوجي مع اخوه وخناق وضغط نغسي واحاول افهم اختي ان وضعنا ماسمح للمشاكل بس هي ماتفهم وانا انقهرمنها ابيها تتصرف بذكاء لدرجه خوات زوجي يكرهني بقوه لانهن ماهن محصلات علي ممسك وزوجي طيب معاي صدق تصير مشاكل بس بيننا واذا رحت لاهل زوجي انواع القهر اشوف بس اطنش لاني مصيري لبيتي يعني اختي زوجها ضارب براسها الحيط ماهي هامته ..اي صح واختي موظفه وعندها اربع بزران ولاعندها شغاله ومن زمان متوظفه وزوجها يتعذر مايبي يجيب لها شغاله والتويتر حقه في خطابات مسيار واختي تقول انه متزوج مسيار وبالفعل وضعه مشكك يطلع العصر ويرجع اخر الليل مايودي اختي لمشاويرها يقولها روحي مع ليموزين ...وزوج اختي يكرهني ويسئ الظن فيني دايم يعتقد اني احرض اختي عليه ..
واللي هامني يابنات اختي وزوجها يبغون بزرانهم عندي من الفجر الين الظهر وانا يابنات نفسيتي بالحظيظ ماني متوفقه بحياتي والحين اسوي برنامج اقرا فيه علشان ينفك سحري لان زوجي دايم محملني مسؤوليه تاخر الحمل وانا يابنات مسحوره وجلست بدايه وظيفه اختي عندهم اسبوعين وبعدها جابت شغاله ايجار وكل فتره يمشن واروح اقعد عندهم يابنات ضاق خلقي اقولهم قدمو شغاله تقول زوجي رافض عاد الحين زوج اختي رافض حتى شغالات الايجار واختي تقول انا مابي حبشيات اخاف على عيالي وقلت لاختي وديهم حضانه معاك وبالفعل خذتهم معاها حضانه بس بكل فتره يقولون نبي نجيبهم عندك وارفض لان عيال اختي قلق والله يابنات احبهم موت بس مو معناته اكون حاظنه لهم كل يوم ابنام ابرتاح ابرقي واذا صرت عندهم تتعب نفسيتي واللي قاهرني زوج اختي اكرهه يابنات كره تخيلو حتى شرف اختي يطعن فيه عند اموه وخواته وسلفتي واذا حملت اختي يركض لزوجي يعلمه بصيغه يبغى يقهر زوجي وبالفعل يجي زوجي مقهور واختي ياحياتي تنقهر وتقولي يازينه زوجي يكرهك وميت على زواج زوجك وبالفعل الاحظه مره حرض زوجي يابنات ارسلته اخته وسلفتي كلمنه وحرضنه علي وبالفعل راح لزوجي وحرضه وصارت مشكله بيني وبين زوجي بس رحمني ربي لاني كنت الجأ للاستغفار والدعاء ... والحين زوج اختي يبغى يشتري بعد 4 شهور بيت ويقول نبغى زينه واخوي يسكنون معانا بنفس البيت وليش اخوي يتخسر اجارات وانا عارفه نواياه خبيثه يبغى يسكني عنده ويزوج زوجي ويقول لزوجي ماعندك عذر البيت اللي تستاجر لزينه استاجره للزوجه الجديده . لان ام زوجي اخر مره جيناهم تحاول تقنع زوجي بالزواج وزوجي تعذر بالديون ... ايه ويقول اذا زينه سكنت عندنا تمسك البزران عنده ..ويقول لاختي الحريم يقلن زينه واختها بينهن شئ او لا الحين الحريم يحسبن بينكن شئ قولي لزينه تقعد عند البزران.


اه يابنات مقهوره وانا مالي اهل ولا سند بالحياه ابد ابد ... وحاسه بالذنب تجاه اختي لاني ماقعد عند بزرانها بس وضعي زفت مايسمح يابنات هل انا غلطانه لتصرفاتي اني رفضت امسك البزران عندي بس ومقهوووره من زوج اختي ..اي صح يقول لاختي البيت الجديد انتي تاخذين قرض ميه الف وتاثثينه وانا هذا اللي قهرني زياده علما انه يهدد اختي بالزواج ومره شفت بقروبهم يرسل لاخته اخطبي لي ... يابنات اللي قاهرني زوج اختي يبغاني شغاله عنده واختي غبيه احسها احيانا ترجع علي وامس اقولها جيبي شغاله وتكلمت باعلى صوتها قالت زوجي بخيل ودخل زوجها وسمعها وزعل وقعد يخانق ويابنات على طول دق على زوجي يحرضه علي يقول زوجتك وزوجتي يتكلمن فيني وجيت زوجي ووضحت السالفه له وسكت زوجي ... تخيلن يابنات لو يلقى علي الزله على طول يحرض زوجي ... يعني اذاني كثييييييير وهذا جزء بسيط من سواياه معاي ومن زمان صارت مشكله بيني وبين زوجي وهربت لخالتي وانبسط هو وراخ اقنع زوجي بالزواج وجاء لاختي يرقص باكتافه يقول زينه بكرى ترجع باستهزاء وربي رد كيده وتفركشت الخطبه ورجعت لبيتي واستمر باذيتي ...والحين مستقعد لي اذا طلعت مع زوجي يعصب ويمسك زوجي يحرضه وماتعاد هالطلعه وصرنا نطلع بالخفى احس زوجي مايبغاه يشوفه واذا سافر انواع الطلعات انا وزوجي واذا رجع انحشرنا ...


الحين يابنات انا غلطانه اني رفضت اقعد عند بزران اختي اولا