اختي صارت انطوائية..كيف اساعدها؟؟

السلام عليكم...

يابنات اختي الصغيره عمرها 5 سنوات مجننه ماما..لا اكل ولا شرب ولا روحة مدرسة ولا طلوع ولا شي..كله جالسه في البيت ياقدام التلفزيون ياقدام الكمبيوتر..

حتى مع اختي التانية مابترضى تلعب وصارت انطوائية زيادة عن اللزوم بصورة مرره ملحوظه..الكل لاحظ

مدرستها
عمتي
ماما
بابا

صح هيا شافت كم موقف ورا بعض واتأثرت..بس كله صار من فترة..وهي دحين اللي اتغيرت

اول شي ماما ولدت بعدها..يعني بعد ماكانت اخر العنقود جا بيبي بعدها..وربنا مااراد انه يعيش فااتوفى وشافته وهوا في الكفن بس عادي تحسبه نايم فسلمت ومشيت قبل لا يدفنوه..

وبعدها بشهر و13 يوم بالضبط ماتت بنت عمتي اصغر منها بسنتين اظن..بس ماشافتها وهي مكفنه..

وبعدها سافرنا انا واخويا..وكانت متعوده اني انا اوديها الروضة واعطيها مصروف..يعني مره كنا متعلقين ببعض

وبعدها ولدت عمتي..حتقولو ايش دخل عمتك في الحكاية؟؟اقولكم لانه اختي كانت الصغيره والمدلعه ودحين جا نونو يتدلع وياخد الاهتمام

يابنات اسفه طولت عليكم بس قلبي حينفطر عليها من هنا..وماما كمان مو عارفه ايش تسويلها؟؟

بإيش تنصحونا؟؟؟

ومشكرين مقدما"

(اعتذر للمشرفات على كون عنواني مبهم في المره السابقه)