اختي صارت تجيها حالات صرع ونفسياتنا بالحضيض

خواتي بقولك عن اختي

قبل كم شهر مرينا بحالة مؤلمه لان واحد من خواني جاه مس ماادري سحر وكل الشيوخ اثبتو هالشي وبعضهم يقول كذا وبعضهم كذا المهم اخوي الحين توفى بالسبب هذا والله سالفه طويله بس ماابي اتذكرها لانها تسبب لي حاله حزن الله لايوريكم

المهم وبعد وفاته الله يرحمه لاحظنا اختي الي عمرها 28سنه نفسيتها تعبانه حيل ووديناها عند الدكتور الصغير وصرف لها علاجات نفسيه وافادنا انها حالة اكتئاب بسيطه
وبعد فتره تقريبا شهر صار يجي اختي حالات صرع بالشهر مره وبعدين المده صارت تقل واتصلنا على الدكتور وقالنا انها تحتاج لتخطيط وكشف على الاعصاب وان العلاج ماله اي دخل بحالتها

والله ثم والله ياخواتي حالتنا سيئه مره ماادري وش صار باختنا نخاف انه مس قرينا عند شيخ ومافاد حتى هي خايفه

مع العلم انها بنت لم تتزوج وخايفين ياثر هالشي عليها وخاصه ان الصرع يجيها مفاجئ وجاها كذا مره بكذا عزومه

يابناات الله يجزاكم خير من عندها معلومات ممكن تفيدنا ابي اعرف الصرع هذا تتوقعون انه من العلاج او من شي ثاني

وللحين هي تستعمله لان الدكتور طلب انها تستمر عليه
حنا نقول ليته من العلاج ولا يكون من شي ثاني


الله يجزاكم خير ويجنبكم شر الامراض