الله يهديها ويصلحها ويشفيها ويصبر امك عليها
أختي ابي اوصيك خلي أمك دائم تدعي لها با الصلاح والهدايه وحتى إنتم إدعو لها
خلي امك تدعي لها بدل ما تدعي عليها الدعوة مخرجها واحد بس إذا كانت با الصلاح تكون لها فائدة قولي لأمك كل ما سجدت تدعي إن الله يهديها ويصلحها ويلهمها رشدها ويبعد عنها بنات الحرام ولا عاد تدعي عليها ولا تقول حسبي الله عليك فهذة الدعوة قويه جدا قالها سيدنا إبراهيم عندما ألقى في النار فجعلها الله عليه بردا وسلاما لا تدعي بهذة الدعوة على بنتها وقولي لها دائم تدعي لها با الصلاح والهدايه مثل ما قلت لك وتتخير اوقات الاجابه والله سميع عليم
وثاني شئ خليها تعرضها على شيخ يقرآ عليها قرآءة شرعيه وخليها ترقى نفسها بنفسها ولو كان عندها ماء زمزم تقرآ فيه وتشرب منه حتى ولو ما كان زمزم أي ماء عادي مقرى فيه قرآن فيه الخير والبركه
أيضا إعرضوها على طبيب نفسي يمكن نفسيتها تعبانه ويارب تلقى لها علاج
إبعدو عنها الاغاني والافلام الهابطه فهذة معاصي وتجلب الشياطين للبيت
الله يشفيها ويهديها ويصلح حالها

لاحول ولاقوة إلا بالله العلي العظيم

أولاً ودوها لشيييخ

ثانياً طبيبه نفسيه

ألحقووووها

الله يشفيها

عزيزتى ........اختك محتاجه طبيب نفسى .واضح ان عندها مشكله نفسيه من الصغر.والدليل تعلقها الشديد بمص الاصبع ثم نتف الحواجب .
اختك محتاجه تعديل سلوك والمفروض عرضتوها على طبيب من زماان.
والاطباء اللى من هالنوعيه ما شالله الان وش كثرهم .واذا ما رضت تروح على الاقل اتصلوا على طبيب واشرحوا له حالتها او روحى انتى بنفسك واشرحيله حالتها من يوم كانت صغيره وشوفى وشرايه .
بص نصيحه لا تتركونه فريسه لها الحاه لان ما فيه بنت سويه تضرب امها واو تسرق جوالات اواى شى من هالسلوك الغير مرغوب فيه .
ثانى شى ياعزيزتى ان اسلوب الشده والحزم فى التربيه ماهو دائما صحيح ولا يعطى النتيجه نفسها مع جميع الابنا ء.
وهذا اللى صار مع اختك لان شخصيتها قويه وعنيده فما تقبلت هالاسلوب فى التربيه.
ثالث شى.ليش ما تجونها بالطيب والحنان وتحاولون تعرفون ليش تسوى كذا وش الشى اللى مضايقها.حاولوا تحتوونها بالحب والسياسه والليونه انتى او امك او احد خواتك .
يمكن هاللى تسويه ردة فعل لاشياء تضايقها بس تعبر عن رايها بطريقه غلط.
رابع شى وهواهم شى حاولى تنمين الجانب الدينى عندها وبطريقه ذكيه .
ارجوا انى ما اكون ثقلت عليك والله يهدى اختك ويشرح صدرها وينور بصيرتها وييسر امرها امين .

اختي الحبيبه

اختك هذي مو محتاجه لا دكتور نفسي ولا شي
هذي بس تبيلها احد تخاف منه ويوقفها عند حدها
اذا ابوها ينفذ كل طلباتها ...

وامها تخاف منهاااا طيب وشلون تلتزم بحدودهااا

اختك تعدت حدودها ويبغالهااا حل للمصيبه هذي

سكوتكم طول الفتره عليهااا كان غلط

انتي تقولين ان الهيئه ماسكينها وهيا بالسوبر ماركت تتضحك وتتغنج
طيب مين الي سمحلها تطلع بالحالها ...

واصلا من الي وصلهااا للسوبر ماركت وخلهااا مع صدقاتها وتركهاااا

يعني مراهقه شافت كل الابواب مفتوحه قداااامهااا اكيد ما راح تحسن التصرف

اختي الحبيبه ...

اجلسي مع اختك تقربي منهااا افهميها وافهمي تفكيرهااا لحد ماتعرفين الي يدور براااسهااا
وحاولي بقدر الامكان تنصحينهاااا عن سلوكهااا وتصرفاتهااا الغلط

لاتنسين ان الشي لازاد عن حده قلب ضده
ولو ان الواضح ان اختك تعدت كل الحدود خصوصا وانها تمد يدها على امك
هذا تصرف ماينسكت عليه ابد

نصيحه من قلب ...
وعن تجربه ...

لازم احد اخوانك يعرف بتصرفهااا مع امك ويوقفهااا عند حدهااا
صدقيني هي لو بتخاااف بتحترم نفسهااا ...

وبصرااحه انا ماقطع قلبي بالموضوع الاامك

الله يعينها على بلواهااا ويصبرهااا
ويهدي اختك ويثبتهااا ويستر عليها

ارق تحياتي

السلام عليكم
حاولي تتقربين من اختك وتصيرين صديقتها
وتكسبينها بالكلام الحلو والتشجيع ولا تغلطينها في كل شي تقوله حتى لو كان يتخالف مع طريقة تفكيرك او تربيتك وتذكري انها من جيل مختلف لانك ان خالفتيها بتبعد عنك وتنفر وما تقولك اسرارها , وبعدين خلي نصيحتك بالحسنى وكلميها عن قصص بنات مشوا بطريق السوء
وخسروا شرفهم وسمعتهم ومن هالكلام لكن باللين .
وزي ما فتحت لها الوالدة مغارة علي بابا ( المادية )
افتحولها مغارة علي بابا المعنوية ( وهي قلوبكم )
واتصور ان الوالدة الله يحفظها ذكية مثل اختك والدليل انها تراجعت عن اسلوب القسوة القديم اللي كانت تتخذه معكم وفشلت انها تخلي اختك نسخة مكررة منكم.
واللي سوته الوالده حركه ذكيه بحيث انها قللت استفزاز لاختك وان شاء الله ترجع لطريق الصواب.
بس اسمحي لي اختي اعترض على شي انتوا غلطتوا فيه بحق اختك
بأي حق تحرمونها من التعليم ومن تحصيل الشهادة؟؟؟
هذا ظلم لها واتصور بعد عشر سنين مثلا بعد ما تنضج انها صعب جدا تسامحكم بتدمير مستقبلها مهما كانت الاسباب, يا أختي التعليم حق مشروع ومكتسب للجميع,
رجاءا رجعوها تدرس وعطوها ثقه وتشجيع وادعوا لها بالثبات .