اختي ضيقة خلقي

السلام عليكم
بنات ابيكم تساعدوني اختي باخر سنه لها في الثانوي وصارلها شهر ماهي طبيعيه هي ماشاء الله مجتهده يعني درجاته حلوه ماهي التوب بس ان عقلها وتفكيرها سابق عمرها والكل ملاحظ هذا الشي حتى الابلات عندها يثنون عليها وبس مايطرون الا هي ويمدحونها قدام البنات والناس اختي تقولي الابلات بس يحبوني انا في الصف ولاحظت ع البنات الغيره لانه اذا جابوا الابلات اسمها ومدحوها او شي قالوا ليه بس هي وحنا وين كاننا محنا موجودين ،الحاله بدت من شهر كله جايها النوم وتعبانه رحنا اخذنا عليها تحليل شامل طلع عندها نقص حديد عالجنا نقص الحديد البنت تعبانه ماتحسنت الا تحسن خفيف سوينا لها تحليل دال طلع فيها نقص حاد يعني كل شوي طالع لنا مرض ومره يقولون عندها التهاب الاذن الوسطى وضغطها كل شوي يرتفع هي مافيها حالة ضغط مزمن شربتها وتقول بتهد الدراسه هذي السنه ماعد تقدر تحمل اذا دخلت المدرسه يجيها شي يغمت صدرها وتقول الموت اهون من روحتها المدرسه كل ماجا طاري المدرسه تصيح وتبكي ماتدري ليه وعندنا المدرسه قريبه من البيت كل مامرينا جمبها تضيق البنت وتحزن فجاءه حتى لو هي تضحك معنا على طول تحزن والحين تداوم غصب نوديها وكل شوي تتصل طلعوني واطلعها ونغضبها نقول كملي اخر سنه وروحي الجامعه اللي طول عمرك تحلمين فيها تصيح تقول والله ماقدر لاتلوموني الود ودي اخلص بس ماقدر من اللي فيني ابغى اجلس اتعالج لين اتحسن الحين هي دايم ع الرقيه الشرعيه وامس وديتها لشيخ يقرا عليها وقال نروح له كل سبت وثلاثا وعطاها ماء وسدر وزيت مقريين فيه امس شربتها الماي المقري فيه وكانت تصيح وتبكي من طاري المدرسه وتقول خلاص بترك هذي السنه واكمل السنه الجايه والاداره ملاحظين عليها من شهر تغيرها ماتشارك ومستواها نزل كلموني بالموضوع وكلموها قلت ان شاء الله ترجع مثل اول هي بس هالفتره مريضه شوي ماقلت البنت تتعب من المدرسه
اللي ابيكم تشوريني فيه هل اخليها تجلس هذي السنه واكمل السنه الجاية لين نعالجها وبحاول اخليها تداوم كل يوم لين تشرب سورهم بدون لايدرون مع انها بتتعب بس وش اسوي لازم السور عشان ع الاقل تحسن شوي لين نخلص علاجها هي مشكلتها بالمدرسه بس يعني غيره تضحك وتسولف ولجا طاري المدرسه والدوام تحول ادميه ثانيه حتى انها مكلمه الاخصائيه بموضوع انه تهد هالسنه وقالت ليه انتي شاطره ولا ماراح نخليك حنا والاداره حتى الوكيله كلمتها قالت شيلي الموضوع من بالك ومافي تخلين هذي السنه مستقبلك ووو البنت تقول هم ينصحوني ويفهمونيروانا داريه بهذا كله بس ماقدر والله تعبت قلبي يتقطع عليها قلت بتخلينها خليها كيفك اهم شي انتي عندنا
انا اقول سنه مهي ضارتها بس اهم شي هي تحسن وترجع مثل قبل تقول لفتحت الكتاب جاها شي مايخليها تكمل ويجيها النوم ماتقدر تكمل تدرس