@@--اختي طلقها زوجها-- واخذ فلوسها--@@ الحقوووو

لسلام عليكم

اخواتي الله يخليكم ساعدوني ابي حل عشان نرد فلوس اختي من زوجها الله لايعطي العافية

اختي تزوجت قبل سنة من واحد ماشاااالللله ادب واخلاااااق و شهادة وتربية والله كلنا كنا نخاصمها اذا تضاربت معاه
المهم بالبداية قالها مابي اطفال عشان نتونس اول سنتين هي وافقت لان لساتها تدرس.. تخيلو يابنات ضحك علينا تمسكن لين تمكن ..اختي جدا على نياتها يعني ينضحك عليها بكلمة المهم قالها خلينا نروح عند اهلج بريطانيا عشان اكمل الماجستير هية فرحت بترد البلاد _هية اصلا مولودة هناك_ يعني اهلي عايشين بريطانيا من 22 سنة تقريبا بس انا الحين عايشة في دبي من سنة ونص لان زوجي هني. وهي بعد جات تزورني وشافها وصارت القسمة.
المهم قالها محتاج 50 الف دولار.... يعني تقريبا 180 الف درهم
طبعا ابوي وامي الله يطول اعمارهم يارب امين ماقصرو على طول بعد يومين كان المبلغ عندو.. المهم ابو الشباب كان داخل على طمع اختي جنسيتها بريطانية وماشالله راتبها جدا عالي في لندن والاخ جنسيتة عراقية ويبي يطلع مو عاجبتة البلاد العربية.. هذا مااكتشفنا واعترف فيه قبل كم يوم قال انا ابي الجنسية احصلها وعقب اطلقج..
المهم صارت بينهم مشاكل كثيرة يعني تخيلو مرة كلمتني ساعة 3 الفجر تصيح فديتها اثاريه ضاربها لين مكسر اسنانها وهية والله عمرها مانضربت بيت ابوها كلة دلع ودلال .. ضاربها لان زاختة مع مسجات غرامية مكالمات.
الحين وبعد سنة من الزواج خلااااااااص ماتتحمل العيشة معاه بخيل ومن يوم زواجها اهلي يصرفو عليها هو بيزاتة حق اهلة بس
المهم الحين اتفقو عالطلاق بس يقولها انتي ارفعي قضية الطلاق عشان تتنازلي عن مؤخر الصداق.. شفتو النذالة
هي قالت اوكي المهم تخلص منة بس يوم طابتة بالمبلغ الي طرشو اهلي ال 50 الف دولار قالها والله ماحد قالج استلفي عشاني يعني مختصر مالج شي عندي..
والله يابنات الكل مصدوم حتى اهلو طلعو انذل منو واخواتة سرقو ملابسها وذهبها وعطورها يوم سارت تزورم.
زوجي كلمو قال ياابن الناس حرام تاكل فلوس حرام اكتب وصل امانة للبنت وسدد المبلغ كل شهر من راتبك لان راتبة 25 الف درهم
قال ماعندهم فلوس عندي

يااخواتي الله يسهل امركم كيف نقنع الريال او كيف نسايسة عشان يكتبلنا وصل بالمبلغ الي اخذة
ارجوكم ردو بسرعة انا واختي محتاجين نصايحكم