اختي عمرها 37

السلام عليكم معليش السالفة شوي طويلة
اختي عمرها 37 سنة موظفة مو متزوجة وانا عمري 19 سنة
اعاني منها بشكل كرهني حياتي , شكاكة بشكل مقرف , بداية السالفة كانت تشوفني لما اتروش ولا اهتم بنفسي تجي عندي تقول لي مين اللي قابليته عشان بس اهتميت بنفسي تبغاني اهمل نفسي وما اتروش بالاسابيع عشان ماتشك فيني . مرة شافت الباب مفتوح حق الشارع جات عندي سوت لي سالفة تقول مين قابلتي اعترفي وتصارخ المشكلة كنت ببجامتي وشعري منكوش وتقولي ماشاءالله كاشخة له , وكل مرة كذا سالفة . كل ما اهلي يسافرون مايبقى احد في البيت تقفل الباب بالمفتاح شفلتها الوجيدة حاليا تقفل بيبان اجلس لحالي ف البيت ومافي اكل في المطبخ هيا تطلع عند اختي المتزوجة ونا اموت جوع في البيت حتى وزني نقص , لما راحت هيا واختي عند اختي المتزوجة اخويا وداهم ولما رجع لقيته مقفل ع نفسه باب العرفة انتظرت لين يطلع شفته جايب وحدة واليوم اللي بعده نفس الشي جايب وحدة ومقفل عليا الباب ميتة جوع لي يومين ما كليت شي بس خبز
وماعرفت كيف اتصرف فعليا كرهت حياتي , حتى امي صار تعاملها معي جلف من اختي تعبي راس امي عليا كل ما نطلع مكان ما تعلمني ع بالها بقابل واحد ولا بجيب واحد البيت
حتى في السوق مقدر امشي لحالي كاني طفلة عبت راس امي وراس اخواتي , لدرجة وحدة من اخواتي شافتني حاطة مكياج كنت اتعلم راحت قالت لامي واخواني والعايلة كلها اني قابلت واحد مع اني ف غرفتي ما طلعت منها وهيا شاهدة , وصارو يشيلون المفاتيح مني كاني مجرمة , اختي ذي اللي عمرها 37 ماكانت كذا زمان ابدا , الحين فيها كمية فراغ مو طبيعية بس تقفل بيبان وتراقبني ع كل حركة صرت ما احس اني بنت قد ماصرت مهملة نفسي , حتى اختي الثانية اللي تكلمت عنها فوق انغسل مخها منها صارت زيها شكاكة
مرة شافتني اتفرج سنابات جات نطت عليا تقول لمين فاتحة الكام؟ احسها غصب تبي تكفشني اكلم ولا اقابل واحد بأي طريقة محاولاتها فاشلة لانو ماعندي شي
لي فوق السنة وانا أحاول اثبت لامي انو ماعندي شي لما يقفلون الباب ما أتكلم عشان قلت يمكن يبطلون بس لهم سنة كاملة , صارو يسافرون بدون ما يعلموني واجلس انا لحالي معاها عشان تراقبني ع بالهم بجيب واحد وهم مسافرين , لما نجي نطلع مكان امي تفول بنروح السوق الفلاني واتفاجأ انو مكان ثاني عشان يمكن أكون متواعدة مع واحد
يابنات شوفولي حل معاها صارت معقدة بشكل مو طبيعي صارت تأخذ حبوب اكتئأب , حتى مكياج ماصارت تحط , ولما تشوفني احط مكياج بتاكلني بعيونها وتروح تعلم امي
مراقبتها لي كرهتني فحياتي ايش الحل معاها ؟ ايش رايكم اشوف لها خطابة؟ امي تغيرت مرررة منها ياويلي أقول كلمة عشانها كبيرة هيا صادقة بنظر امي , اما انا صغيرة وطايشة
مقدر اصبر ع ذا الوضع تخيلو لدرجة تقفل باب غرفتها مني ونا متشاركة معاها في الغرفة , لانو مفتاح البيت عندها نسخة منه وتخاف اني اروح اخذه وانسخه ولا افتح الباب وهما برا وكمان تحسبني اسرق من غرفتها لانو قبل 7 سنين انسرق منها 2000 ريال وكنا كلنا برا ولما رجعنا مالقيتها تحسب انو انا اللي سرقتها مع انو كنا برا كلنا الا اخويا في البيت , طولت بالكلام بس معليش تقفيل بيبان ومراقبة مقرفة ولارلت ساكتة مع اني تكلمت وقلت لامي بس ماقالت شي عادي راضية , انا قاعدة اكتب وهما برا تخيلو اخويا معايا فالبيت ومقفلة الباب وقايلة له يقفل الباب معاه وهوا قاعد فالبيت شافتني ساكتة تحسبني بقابل واحد واخويا فالبيت