لا للخلطات :

اختي مرض السرطان ماهو واحد الاورام انواع متعددة, تختلف في نوعها وحجمها وموقعها ويختلف التشخيص والـ stage او المرحلة وبالتالي يختلف الـ prognosis - او التطور المتوقع للحالة فـ الاطباء طبعا بمعرفتهم بنوع السرطان اللي في اختك - الله يشفيها ومرحلته ومدى انتشاره يقدرون يحددون نسبة تقريبية للشفاء او كم باقي لها تعيش والعلم عند الله طبعاً بس هذا طبعا مبني على الاف الدراسات اللي عمرها سنوات يعني مش اعتباطاً اما البول وحليب الابل معليش مع احترامي هذي مافي دراسات موثوقة اثبتت فاعليتها والبول اصلا فيه نسبة سموم كثيرة لأن الجسم يطرد السموم عن طريقه بالنسبة للعلاج الكيماوي والاشعاعي, اذا كان المرض في مراحل متقدمة جدا ومنتشر , يكون بهالحاله غير نافع ولا فيه فائدة منه الا التعب على المريضة ممكن احيانا تكتب لها عدة جلسات بجرعات بسيطة فقط لتخفيف الالم او ايقاف النزيف وماشابه فمالكم الا التسليم والرضى بالقضاء صح الموضوع مو بسيط ابدا الله يكون بعونكم بس هذي ارادة الله سبحانه من ناحية تخبرونها بمرضها ولا لأ انتو اقرب الناس لها والاعرف في حالها بس لو تبي رايي, تخبرونها بالتدريج يعني اولا تخبروها ان الطبيب قال حالتها ماهي قابلة للعلاج وشوي شوي تشرحون لها المرض اقلها تستعد للدار الاخرة, تقضي ان كان عليها صلاة او صيام او دين او نذر او عندها امانة او وصية اشوف هذي الامور مهمة ما تنغفل , لأنها واجبات وفروض وحقوق الله يكون بعونها وبعونكم

اختي مرض السرطان ماهو واحد الاورام انواع متعددة, تختلف في نوعها وحجمها وموقعها ويختلف التشخيص...