اختي عندها مشكله في العلاقه الخاصه .. وانا مشكلتي حليتها بالطلاق

انا تزوجت من 5 اشهر و من 3 اشهر عند ابوي طالبه الطلاق ... الى الان ما طلقني النشبه

و كانت لي اسبابي ...
عمري 23 سنه وهو عمره 27 او اكثر لديه " اعاقه سمعيه " ... قبل الزواج كنت راااااافضه وانا الحمدلله لا اعاني من اي نقص
الامر و مافيه ان الوالد ما ياخذ رأينا و يتصرف باللي يشوفه ... رغم انه تقدم لي اثنان قبله و واحد منهم كنت ابغاه و الوالد رفضه " مسألة تكافؤ النسب "

الوحده تتزوج و هي فرحانه و انا عالكوشه اصيح و البنات يعدلون لي الميك اب كل شوي

كانت حجته اني اذا ما تزوجت بصير متأخره عن الزواج ..... و كان يقول عشان تخلفين و انتي صغيره و تكبرين مع اولادك

باختصار ( تفاجأت بالرجل و عقليته كانت متخلفه قليلا مو زي الرجل الطبيعي ... كانت تصرفاته غريبه و منفره .... الين ما قرات ان الحالات اللي زيه دائما يختلف تفكيرهم عن تفكير الانسان العادي )

كان زي الاداه يتحكمون فيه اهله ... كنت استحي اطلع على حريم اخوانه و الناس لانه كان يعلمهم عن كل شيء بيننا و يزودها حبتين من عنده

كنت ارفض العلاقه معاه لأني كنت اكره اسلوبه منعدم و لا عنده اي خلفيه عن العلاقه من كرهي له احس ريحته منفره

كان جاااااااهل جاهل ما يعرف شيء عن الزواج

اذا سمعت صوته دخل تجيني ضيقه و حسره ... و ماخذه هم اني زوجته و اتحاسب اذا رفضته
" غير عن طريقة ابوه و امه معاي ... مدلعين ولدهم زي البزر .. "

اعطيته فرصه شهرين و كانت كثيره عليه لأني ما استاهله

لا عقليتي و لا شهادتي و لا شكلي ولا صحتي ... تستحق ان تضمر مع شخص مثله

الحل الوحيد الطلاق رغم انه اخذ مني مبتغاه اكثر من مره بالاغتصاب

احب نفسي و احس اني ظلمتها و اللي حصل لي درس ...

الى الان لم يتحقق الطلاق رغم انه شرع و ربي حلله الا ان الرجال ضعيفي الايمان يستغلون كل شيء ضد المراه


الان يا بنات حواء
اختــــــي متزوجه من فتره ....الا انها الى الان اذا طلب منها العلاقه ما ترفض و لكن ما تستجيب معاه .. تاخذ هم الليل اذا جاء لانه لا تحس اتجاهه باي مشاعر ... زوجها عرض حالتها على دكتور و قاله "طبيعي في بداية الزواج يحصل كذا ... مع الوقت راح تجي عندك و تطلب منك العلاقه "

طبعا اختي عاقله قايمه بواجبه و ما ترضى الاثم عشان كذا ما ترفضه و رفضها داخليا كان يجي من 3 اسباب :

اولا : ما تحس ناحيته باي مشاعر ابدا و لا تحبه و تقول اللي يجمع بيني و بينه عقد زواج و شرع الله فقط
ثانيا : اهله صعبين و متحكمين في ولدهم " ما حست بالاستقرار مع اهله في كل شيء "
ثالثا : يزعل بسرعه ، عصبي و عاطفي جدا عكسها

سؤالي :

__ كيف انصحها عشان حالتها ما تتدهور اكثر .... لانها تعبانه و شكلها تغير من التعب .. كيف الوحده تتقبل العلاقه الخاصه ؟

__ متى يجي الوقت اللي تستمع فيه بالزواج زي البنات ؟ فيه طريقه تساعدها على تقبل زوجها من هالناحيه ؟