السلام عليكم كيفكم
بنات عندي اخت اكبر وحدة ومتزوجة وعندها اولاد وهي ساكنا بعيد عننا مو بنفس منطقتنا واذا جت عندنا لبيت اهلي قالت امي جارتنا عازمتنا وعازمتك المهم واذا راحت مع امي تفشل امي تخيلو تسولف عن زوجها وعن القروشة الي تصير بالمطار بشكل عام عن حياتها مع زوجها وتتكلم عن خالتها اللي هي ام زوجها تقول ماادانيها وتقول الشبنه عنها وتهل العلوم تقول امي تفشلت منها احاول اسكتها واصرفها قلت يله يابنت اشربي كاستك خلينا نمشي وتحسبونها شربتها وسكتت لا قالت لحظة يمه تو الناس وتسولف عليهم وتعرفون الحريم مايخلون شي وقد مره كانت تسولف عن زوجها وكل شي يصير بينهم عند جدتي الله يرحمها وعمتي يابنات ماعندها سوالف الا عن زوجها وسالفة وراء سالفة وصراحة تفشلت اختي تسولف عن اسرارها مع زوجها وانا وقتها ماتحملت اشوف الحريم يضحكن لها وهن يسحبن سوالفها وينشرنهن بين خلق الله وتوصل بكرا لزوجها وش بيقول ؟ المهم وانا جالسة اقهويهم قلت خلاص تقهوي بس تقرقرين ترى بعض السوالف مالها داعي وهي تناظرني وتسكت وكلن سكت ماحد تكلم وواضح انقهرت مني وسكتت بس والله قهرتني وقتها وبعد تقريبا ثواني وتقوم وتروح وتقول لاختي اللي اصغر منها متزوجة بعد اختي اللي اصغر منها قالت شفتي وش سوت تقصدني انا وعلمتها كل شي صار ولما راحو واجي واقول اي انا صادقة كم مرا ننبهك ان بعض الكلام ماله داعي الناس ماتعطي خير وبعدين عيب كل سالفة فيها زوجك ومواقفك معه وتحشين بأمه وتعذربين فيها
يابنات ربي يسعدكم لو انتم بمكان امي وش بتسوون ولو انتم بمكاني بتسكتون واللي سويته غلط او صح؟؟!
RORO.22 @roro22_2
عضوة جديدة
يلزم عليك تسجيل الدخول أولًا لكتابة تعليق.
اموله سعاده
•
اللي سويتيه من حقك والله أجل كيف الواحد ينبهها ويسكتها
تولاي~•
•
معك حق صراحه اسلوبها غلط...
تفضفض لكم مو لناس غريبين والله الكلام بكره يرجع لزوجها وام زوجها وترجع تندم انها تكلمت بكلمه...
تفضفض لكم مو لناس غريبين والله الكلام بكره يرجع لزوجها وام زوجها وترجع تندم انها تكلمت بكلمه...
تصرفج صحيح صراحه وهي يا انها ناقصه عقل او مادري لان مب طبيعي تتكلم بهل طريقه عن بيتها وحياتها للعموم
الصفحة الأخيرة