اختي فيها فصام عذبتنا

السلام عليكم كيفكم اخباركم صبايا بشتكي لكم من اختي جاها فصام باروني والي ماتعرف الفصام الباروني هو فصام يتمحور حول انه في احد مستقعد لها ويهاجمها ومن هنا بدات المعاناه صارت عنيفه جدا معانا ومع اختي الكبيرة المسؤله عن البيت كله وصارت تدخل دورة المياه وانتم بكرامه بالظلام ضنا منها ان اعدائها حاطين لها كاميرا بالحمام وتتكلم تقول يذموني ويقولون علي اني رجال وان لي شنب يعني عايشه بمتاهه طول الوقت والعنف وصل لنا انا واختي الكبيرة واختي الاصغر صارت تسب وتشتم وتقذف على اتفه سبب وصارت عدوانيه وعنيفه طدا لحد مااقنعناها ان الي تعاني منه هو اكتئاب قلنالهاانتي مكتئبه وتحتاجين علاج حبوب واخذت دواء للفصام والحمدلله اتحسنت رجعت اختي الاولى الطيبه الحنونه المحتويه للجميع ورجعت اعقل من الجميع لحد ماسمنت وبدت تنقطع عنها الدورة وراحت لطبيبه نساء واستشارتها وقالت لها الدكتورة ان سبب خربطه الدورة عندك والسمنه هومن العلاج الي انتي تاخذينه ومن هنا بدات المشكله تركت العلاج ورافضه رفض قاطع تاخذ العلاج وانتكست انتكاسه فضيعه جدا وصارت بس تسب وتشتم وتقذف فينا هذا غير انها بدات تصرف فلوسها ومدخراتها تجيب فساتين ومكياج بالالوف وتلبس وتتمكيج وتشتري عطور بالالوف على اساس انها تبغى تقهرهم وانهم يراقبونها يعني فلوسها كلها بح راحت وفوقها بدات تتهجم علي وعلى اختي الكبيرة وشغاله سب وشتم وقذف فينا وصارت منعزله بغرفتها واسمعها تسب وتشتم بصوت عالي على اساس انهم بيسمعونها ويراقبونها يعني البنت انقلب حالها ١٨٠ درجه ورافضه العلاج رفض قاطع
ابوي طبعا متزوج وعايش مع زوجته وعياله ومشغول فيهم ونخاف اننا نكلمه يعالجها اوينومها بالمستشفى ويروح يعلم زوجته وزوجته تنشر الخبر عند القاصي والداني انه اختي تعبانه واننا نبغى نعالجها وش الحل ي بنات بحثنا واستشرنا دكتور وقالنا فيه ابرة نقدر نعطيها الابرة بالشهر مرة واحده لكنها رافضه رفض قاطع موضزع الابرة لدرجه اختي الكبيرة تعبت وهي تكلمها وتقنعها ونفسيه اختي الكبيرة اتدهورت جدا وجاها اكتئاب وجاها فرط تصبغ بالجلد والبشرة بسبب الضغوط النفسيه والمشاكل الي مسببتها لنا اختي الي،فيها فصام
انا طبعا متزوجه وبعيده عن البيت لكني حاسه بااختي الكبيرة وشايله همها مسكينه متحمله اختي الي،فيها فصام وشايله الهم كله فوق راسها ؟!وحتى انا ماسلمت من لسسان اختي الي،فيها فصام يوصلني سب وقذف وشتم عالواتساب وعندها ٤ جوالات ووضعها مايسر ابدا  وكل مال حالتها تتطور اكثر واكثر حاولنا نطلع تقرير طبي عن حالتها بمستشفى خاص رفضو يعطونا تقرير طبي يقولون لازم هي تجينا ومعها هويتها ويجيها رمز على ابشر وتعطينا الرمز ونطلع لها تقرير طبي وش الحل ي بنات والله نفسيتنا اتدمرت والبيت صاير زي كورة النار لايحتمل ولايطاق بسبب مرض اختي وتعبها فكىنا اننا نكلم ابوي يكتفها ويخليهاتاخذ ابرة العلاج غصب عنها ولاينومها ولايشوف لها حل بس خايفين من انه يعلم زوجته لانه مستحيل يخفي،عنها اي صغيرة اوكبيرة ابدا ونهائيا وهي راح تنشر خبر،مرض اختي وراح تنفضح عالملئ والحل ي بنات