اختي في حيرة من امرها .. هل تقبل بهذا الرجل ؟؟

اختي بنت الحضر ..

انا اشوف ان فارق السن بين الزوج والزوجه مو اساس ابني عليه قبولي او رفضي لشخص ..

لان ياما بنات تزوجوا رجال اكبر منهم بعشر وعشرين سنه وعاشوا في منتهى السعاده

وياما بنات تزوجوا ارجال بعمرهم واكبر بسنه وسنتين وما حصل توفيق بيناتهم ..

انا زوجي اكبر مني بثمان سنين وعمري ما حسيت بالفرق ابداااا ..

المفروض الشي الي لازم تفكر فيه هوشخصية رجال نفسه وطريقة تفكيره ..

وبعدين اختك الله يخلي لها والدينها الي مخلينها تتأخذ القرار بنفسها من غير ما احد يفرض رايه عليها ..

نصيحتي لاختك انها تسأل عن الرجال عن طريق الحريم .. لانهم هم الي يجبون كل الاخبار ..

لكن الرجال حتى لو سأل عنه اخوك ما راح يجاوبونه الجواب الي يبرد القلب ..

لكن ضروري تعرفون مكان بيته و المكان الي يشتغل فيها بالضبط

وبعدين يروح ابوك ويسأل عنه في المسجد هل يصلي ولا لا يسأل عنه جيرانهم ويسأل عنه في الشغل ..

ترى مو حرام ولا عيب وهذا من حقكم ..

وبعد كذا تشوفه اذا ارتاحت نفسي واعجبها تفكيره تبدأ تستخيركل يوم وتتوكل على الله

اذا هو خير لها بيصير فيه نصيب واذا شر لها بيصرفه الله عنها ..

لكن لا ترده علشان عمره او علشان اخواها ما دخل مزاجه مذا والطريق ..

الله يوفقها ويكتب لها ما كان فيه خير ..

..

,الله يااختي انا تزوجت في نفس العمر وبالعكس سعيده واحس بالعطف والحب من زوجي :24:

انا ما اشوف بينهم فرق كبير ولا هو سبب كافي للرفض .. وبعد الشكل مو سبب كافي .. لانه الانسان جميل

باخلاقه مو بشكله .. اسألوا عنه اكثر عسى تسمعون عنه صفات تقنعهم ويتغاضون عن شكله وفرق السن ..

الله يوفقها ..:27:

اختي ......
فرق السن مو كبير وعادي بلعكس يمكن يكون احسن لها ع جدام ......مثل ما هو معروف المراة تكبر وتبين ملامح اكبر عليها اسرع من الريال >>>>> وهذا راي انا

اما بالنسبه لموضوع قبولها او عدمه فخلي اختج تسال اي حد في محيطها عن عايلته واخلاقه وشغله واهم شي دينه واذا يات اخبار طيبه عنه فخلي الوالد يسال عنه اكثر ....... واكيد اخوج ما راح يتخلى عن اخته ابدا بس هو يسوي جيه لانه له وجهة نظر ما فهمتوها >>>> :17:

واهم شي خلي اختج تصلي استخااااااااره لحد ما تنتهي السالفه وتدعي الله انه يوفقها معاه اذا كان ريال فيه الخير والصلاح ويبعده عنها اذا العكس

الله يوفقها يارب

عزيزتى بنت الحضر /
كيف حالك وأنا حضرية مثلك .. والحضر عقلهم كبير .. ما يطالعون للجمال ولا لكبر السن ولكن مثقفين جددددددا
ويسألون عن ثقافته وعلمه وعمله ... والأهم من ذلك ((((( خلقه ودينه )))))
مادام الرجال فكر بالزواج وراح يدور حرمة .. اعلمى يا عزيزتى ان اختك راح تكون باذن الله سعيدة معه .. بس تسمع كلامه وتحلى أخلاقها معاه .. والله يوفقها باذن الله تعالى ..

تجملى بالحياة واعلمى .. انك زهرة ... والزهر باسم
لاتغفلى فالحياة انما .. وجه لوجه .. فعطر ومبســــم

:26: الوداد :26: