رايي معهن بيتك الزم ترى الي بعيدعن العيييييييييييييييييين بعيد عن القلب ولوجامل خلك فطينه والشي الزايدعن حده ينقلب ضده
الي فهمته ان اهلك بمنطقه ثانيه
ونا اختك تونسي مع اختك ولاتنحرجين منها وونسي زوجك عااااادي ترى بنات اليومين هم يدرسونك بالشغلات هذى ولا تكبرررررين الموضوع
ونا اختك تونسي مع اختك ولاتنحرجين منها وونسي زوجك عااااادي ترى بنات اليومين هم يدرسونك بالشغلات هذى ولا تكبرررررين الموضوع
الصفحة الأخيرة
انا استغربت من ردود 70 بالميه منكم
اكلتوا البنت وانقسمتوا عليها نصين ولا وحده فيكم تمسك العصا من النص
قبيتوا في البنت واستنكر منها كيف تتضايق من اختها وكيف هي ميته على زوجها والقعده معه والنومه معه وماادري ووشو وقالت كلام بعضه جارح وبعضه وقح عن البنت عشانها بس طلبت مشوره
ولا احد فيكم يقولها لا ضرر ولا ضرار
لا تضر نفسها ولا بيتها ولا زوجها ولا اختها
يااخوات هي ماقصرت مع اختها جابتها بيتها واستقبلتها وغيرت جوها وفرشت لها بيتها وقالت لكم انا مبسوطه معها ومانيب متضايقه منها و ودي تقعد معي بس زوجي بدا يتضايق
حطوا تحت كلمة زوجي مليون خط يعني افهموا الرجال بدا يتضايق وش رايكم يعني تقول لزوجها بالطقاق يطقك مالي شغل فيك تتضايق ولا لا مايهمني اهم شي اختي ؟؟
تقولكم البيت غرفتين بس يعني الرجال يا يقعد في غرفة نومه ولا يطلع برا البيت شهر كامل من يصحى من النوم وهو منطق برا البيت ,, باي منطق تتكلمون ؟
واللي تقولها انتي عياره وماتبين اختك تقعد عندك وتتحججين وانك تقدرين تقومين بواجب زوجك واختك موجوده اقولها معليش الرجال مو كل شي عنده اكل ونوم يعني مو اذا قابلته على الغدا و العشا ونامت معه يعني خلاااص اكتفى
ياناس بيته يبي يقعد مع مرته يسولف معها يطلع معها يتمشون يطلعون يقضون للبيت يسهرون ويحتفلون يسوون اي شي بييتهم بدون تحديد يعني حتى لو جلست معه مايبي يحس ان الوقت محسوب عليه
ثانيا البنت قالت لكم اختي جايه تغير جو وتتونس ,, يعني لو جايه تدرس والله بتحطها فوق راسها ,, لو جايه تعالج بتحطها في عيونها ,, لو جايه متضايقه من بيت اهلها او بتغير جو بتفرش لها بيتها
وهذا اللي هي سوته ماقصرت معها بس معليش يعني كل شي اذا زاد عن حده انقلب ضده
لان اختها واقفت لها على الوحده اولا الاخت عمرها 35 يعني اكبر منها
هي عمرها 20 وزوجها عمره 27
واذا شافت اختها راحت عند زوجها وطولت قالت لها ليش طولتي
واذا شافتها متروشه تقولها ليه متروشه هالوقت
يعني تبون تقنعوني انها ماتفهم ليه تأخرت اختها عند زوجها ولا ليه تروشت ؟؟
والبنت صارت ترفض زوجها ولا تقعد معه عشان تتجنب الاسئله والاحراجات
اسمحوا لي الاخت تستعبط ولا انها عندها صعوبه في الفهم وفي كل الحالتين الحق على الاهل
ولا احد يزعل من كلامي ولا حتى صاحبه الموضوع اني قلت عن الاخت عندها صعوبه في الفهم مااقصد لها الاهانه انا اقصد انه في ناس الله خلقهم عندهم صعوبه في التعلم وفيه ناس عندهم صعوبه في تقييم الامور
واللي احنا نسميهم على نياتهم يعني يمكن الاخت مسكينه عندها صعوبه في تقييم وضعها و وضع اختها ومن جد تحس انها مو مسويه شي غلط
ولا احد يجي يقولي انها ماسوت شي غلط لا معليش
جات وغيرت جو وانبسطت وممكن تجي مرات ومرات ومرات واختها ماراح تقفل الباب بوجهها بس يعني تقصر المده شوي
احنا مانقول الغلط في جلست الاخت عند اختها الغلط في طول المده واللي فهمته من صاحبة الموضوع ان اختها ناويه تقعد اكثر والرجال بدا يتضايق
غير كذا انا ابي اسال كاتبه الموضوع
امك و ابوك عايشيين ,, اذا عايشيين الله يطول بأعمارهم وش موقفهم من الموضوع يعني هل هم عندهم عادي هالشي ولا مثلا هي ماتسمع كلامهم وماتبي ترجع ولا مثلا ماعندها احد يرجعها
اذا متوفيين وين اخوانك لانه بصراحه اذا الموضوع مجرد تمشيه وتغيير جو فالمده طويله والمفروض اهلك مايرضون فيها ولا عمري سمعت ان اخت جلست عند اختها شهر كامل لمجرد التمشيه وتغيير جو
يعني لو متزوجه وجايه مع اولادها في صيفيه مثلا او اجازه منتصف العام او جايه من منطقه بعيده ممكن تتفسر
وممكن حتى الزوج مايتحسس من وجودهم والاخت بتكون متفهمه اذا اختها راحت عند زوجها ولا طولت عنده
مثلا كانت الاخت عايشه بالخارج والسفر يكلف فممكن نقول مايخالف مو كل مره بتقدر تسافر لاختها
بس اذا مجرد من منطقه لمنطقه وانه ممكن تتكرر الزيارات فااسمحي لي المده طويله
ولو الاخت تدرس وجايه عند اختها بالاجازه نقول مايخالف تغير جو من البيت والدراسه وبمجرد ماتنتهي الاجازه بترجع
بس هذي متفرغه ولا عندها مسؤوليات ولا شي وجلست وغيرت جو بما فيه الكفايه وفوق هذا كله حتى مو متفهمه لو انشغلت اختها مع زوجها
واذا اختك ماحست من نفسها ولا اهلك طلبوا منها ترجع
روحي انتي واختك عند اهلك وبعد اسبوع مثلا عشان ماتتحسس ولا تاخذ بخاطرها منك ارجعي لزوجك واذا قالت برجع معك قولي لها مايخالف خليها الزياره الجايه لما اجيكم ان شاء الله اخذك معي
وفي المرات الجايه انتي حددي مدة الزياره
يعني اني جيبيها معك تنبسط وتغير جو وانتي رجعيها بعد اسبوع او عشر ايام مثلا
وخلي هذا الوضع دايما ,, منها ماتزعلين اختك منك وتكسبين فيها اجر انها تنبسط وتغير جو ومنها ماتصير جيتها ثقيله على زوجك وبعدين يكره جيتها عندكم وساعتها بتصيرين بين نارين
وفوق هذا كله انتي لازم شخصيتك تصير قويه وتقومين بواجب زوجك على اكمل وجه واذا اختك طولت عندكم اكثر ولا قدرتي تشوفين حل واستحيتي منها
لازم تخلين زوجك يعيش في بيته بنفس الروتين اللي قبل لا تجي اختك وترى هذا لمصحلتك ولمصلحة اختك قبل شي
لانه مصيبه لو زوجك كره اختك وجيتها والله بتصيرين بمشكله
فاحسن شي انك تمسكين العصا من النص وتحطين حدود من البدايه