اختي كثيرة الشكوى والتذمر صارت تتعبني نفسيا

مرحبا بنات ..
بصراحه انا خواتي 4 و رايحه لديرة اهلي بعد اسبوع و هناك انبسط كثير الحمدلله خصوصا اني اطول مازورهم ..
المهم اني اذا زرتهم وحده من خواتي تلصق فيني و سوالفها تجيب لي كآبه و اصير عصبيه و اتنرفز من اي شي ؛ لان كلامها عباره عن (تشكي +سلبيه +تذمر + حسد وغيره من الناس)
صراحه مليت نصحتها مانفع و مابي اتجاوب مع كلامها لانه مايعجبني ابد و بعد سلبيتها وكرهها للحياة مايجي الا لاشافت وجهي !
يعني اي موقف بسيط بطريقتها تحوله موقف فضيع صعب ماحد يتحمله و اي شي حلو تخليه مو حلو ... يعني مثلا تقول زوجي جاب لي هديه وععع مو غاليه و ادري جايبها يغطي على عمله من عمايله المعفنه ، والرجل بريئ من كل ذا ، بس اختي و ارحمها من تفكيرها اللي بيمرضها ويكره اللي حولها فيها ..


طبعا طول فترة جلستي عند اهلي و هي تشحني طاقه سلبيه و يضيق خاطري واصدق كلامها غصب عني واتعاطف معها و امي تزعل علي تقول هي طبعها التشكي ولا بحياتها شي من اللي تقوله !
وانتم تعرفون ان ماحد في هالدنيا ماعنده هموم ومشاكل لكن التشكي يزيد الهم اكثر ،و ابي انبسط باجازتي مابي اتنكد والله احب شوفتها بس ماحب تشكيها وسلبيتها ..


بنات كيف تعيشون مع قرايبكم السلبييين واللي يحبون الشكوى ولا تتاثرون فيهم !
المناصحه و الدعاء لها يعلم الله اني ماتركتهم لكن ابي حل يريحني ويخليني ماتاثر فيها ..
جتني ايام وهي تتكلم اقطع كلامها واسولف بشي حلو دقايق الا هي راجعه على تذمرها 😓