اختي لما توظفت شافت نفسها علي وذلتني ونست معروفي معها

السلام عليكم ورحمة الله وبركاته
بنات انا اكبر اخواني وانا الحمدلله من توظفت وانا اساعدهم ومو مقصره معهم ومع امي، كنت ما اريد يحسو انهم اقل من غيرهم، اي شي يريدوه اقولهم عادي اطلبو سوا فلوس او اي شي ومن عيوني، وهذي اختي كنت اخذ لها الي تريده من عبايات وشنط وغيره وهي تخجل انها تطلب بس انا أصر عليها.
طبعا انا وحده نحسه من ناحيه طلعات خارج منطقتي، بسبب زوجي وطبيعه عمله الي ما تخلص..
حظي ما يقوم من ناحيه السفر والطلعات لكن الله كريم.
توفقت اختي بوظيفه وبراتب اكثر مني من اول شهر. ولكنها بخيله جداً وعمرها ما عطتني شي الا بالقوة ومالها نفس.. بخيله بشكل فظيع. ولما اقول لها انتي بخيله تثور ثائرتها وتعمل مشاكل فانا اسكت..
طبعا هي على طبيعه عملها تتطلب تسافر تاخذ دورات وهكذا. هذاك الاسبوع طلعت دورة ولما رجعت خذت اغراض لاختي الصغيره، ولعيالي كل واحد 2 قميص. وكانه مش من قلبها خذته بس عشان ما نتكلم ونقول ما جابت حتى لعيالي.
امس قلتلها ما جبتي لي شنطه لاني بصراحه بغيت شنطه من برع وانا كل اغراضي من نفس المنطقه لاني ما اقدر اسافر..
قامت القيامه وعصبت علي على هذا السبب وذلتني على شنطه وحده بس خذتها لي من فتره. ووقالت انتي تستاهلي ان ربي عطاج زوج ما بطلعج مكان تسافرو..
قلتلها الحمدلله اني تزوجت مب مثلج لحد الحين ما تزوجت.. وقالت كلام اخجل اقوله ما توقعتها وقحه لها الدرجه عشان تقول لي اختها الكبيره وبدون احترام وبكل وقاحه قالت اني افكر بالجنس اول شي عشان كذا تزوجت بسرعه.. والله بغيت اقوم واعطيها طراق على وجهها بس سكتت ما بغيت ازيد النار حطب. وقبلها بعت تمد ايدها علي. وين احترام الكبير. كل هذا لاني قلتلها بخيله بمزح.. حسبي الله عليها.. وقلتلها انتي من عصبيتج من راح يتزوجك.. قامت تدعي علي ان زوجي بيطلقني بثلاث حسبي الله عليها..
وامي جالسه وساكته ما سوت شي غير انها قالت بس سكتو بالهداوه وكانه عاجبها الوضع ..
وبدل عن تدافع عني جلست تدافع عن بنتها وهي كذي وكذي وانا نسو معروفي كله كله ونسو الاشيا الي سويتها والأشياء الي خذيتها لهم.. هذا جزائي اني كنت طيبه زياده..