اختي لها شهر ماتكلمني

بكل صراحه اختي باول كليه معتبرتني عذوتها
اللدوده والسبب اني خايفه عليها
بقولكم الموقف اللي حصل ومن بعدها اختي مقاطعتني
لها شهر ماتكلمني وخنا بنفس البيت الله لايوفق
صديقة السوء
اختي تعرف بنت سمعتها استغفر للله حقت عيال ومكالمات
كم مره نحاول نبعدها عنها لكن متمسكه فيها
وهذيك ذكيه عارفه وشلون
تحبب اختي فيها بالهدايا والكلام الحلو
حنا سكتنا وقلنا وش نسوي يعني اذا بالكليه معها
ومن ايام الثانوي معها وحنا محافظه مافيها
الا كليه وحده
صارت اختي تعزمها ببيتنا قلنا كيفها قدام عيوننا
لكن المصيبه صارت هالبنت تطلع من بيتنا
ولما نسال اختي وين راحت ؟
تقول عندها موعذ بالمستشفى الحين بترجع
نص ساعه وهي راجعه يارب مابي احط بذمتي
بس واضح زي الشمس
قبل شهراختي بالموت وافقت امي تطلع معها كوفي
ومع صديقات ثانيات مودبات ونعرفهم
لما خلصت الكوفي دقت علينا. قالت بروح مع فلانه
للمول حنا رفضنا وانا مره عصبت واتصلت قلت
لو تتعدبن باب الكوفي بجي اسحبك مع شعرك قدام الناس
يالله جيناك بالطريق
اول مافتحت باب السياره تنفجر بكي انتم ماتثقون فيني
واذا هي صايعه انا شدخلني فيها
انتم تبون اصير مثلها صايعه عشان ترتاحون
حابسينني امي قالت روحي مع اللس تبين مع بنات
اقاربنا ماراح نحاسبك بس هذي لا
فجاه اختي منقلبه من بعد السالفه هذي
وكانها وحده ثانيه دايم كانت تجلس معنا
وتجي تاخذ رايي بكل شي
الحين حذفتنا انا وامي من السناب
تاكل لحالها بالغرفه ولا تاكل الا خبزه اذا ضربها الجوع
بالموت تاكل تنزل
ماتهرجني ولا تهرج امي ونفسيتها زفت زفت
معنا ولا تناظرنا اصلا وهي تدري ان امي ضغطها
مرتفع وفيها امراض الدنيا قبل تخاف عليها
الحين والله لو تموت ماذرت عنها
تكفون وش الحل فكرت اذخل الغرفه واضربها
كم كف بس مابيها تكرهني زياده
حاولت بالطيب فيها تزيد وتعاند