اختي ماتبغا زوجها وهو يبغا يشوف بنته وعلشان ارسلتله رساله تعال شوف بنتك/استوفى الرد

السلام عليكم  كيفكم حبيباتي واخواتي انا انقطعت فتره عن المنتدى وماشاركت فيه بسبب إنشغالي باأمور الحياه إسمعو  القصه   اختي الي اصغر مني مخلصه الثانوي  كانت متزوجه واحد  يصير ولد عم ابويا   يعني من جماعة ابويا  تزوجته وجلست معاه سنتين وذحين عندها بنت منه   وذحين هيا عند نا     شارد منه معد تبغاه  لها   تقريبا  إسبوعين  هيا تقول إنه ضربها  ع فمها  بالشبشب  وحاطلها لي  فوق الدولاب   وهو  يقول  لسانها طويل   ومن يوم ماتزوجو  وهما في مشاكل   وهيا  مهي مرتاحه  معاه  نحفت مره  نحفت  وشكلها معد تبغاه كرهته    انا  كنت دايم   اتواصل مع اخته   ف الواتس واسولف معاها  عادي زيها زي باقي الناس   وقام هوا   طلب رقمي جوالي من اخته   واعطته اخته رقمي  وإستلمني بالاتصالات صار يتصل عليا   كل بعد يوم  ويطلب مني اختي يقول ابغا زوجتي وبنتي  سألته مين اعطاك رقمي قال اختي اعطتني الرقم  وقمت انا  نصحته وتكلمت معاه  وجالسه افهمه واقله إني ليش يتعامل مع اختي زي كذا  وليش يضربها  قلتله حرام صغيره   المفروض تحن عليها   وتشتري خاطرها   وقلتله بينكم بنت   المهم إني نصحته  والله العظيم   إني كل الكلام الي قلته بحسن نيه  وأنا قصدي أصلح بينهم    وانا ع نيتي   قلت يمكن ربي   يرجعهم لبعض ويسخرهم ويوفقهم    واليوم  الثاني قام  هوا    زوج اختي ارسلي رساله من تانقو   قلي ابغا زوجتي وابغا أشوف بنتي   قمت انا   قلتله  طيب خلاص تعال شوف  بنتك  عند اهلي   بس   قصدي اسوي خير   ﻹني قلت لأختي حرام خلوه يشوف بنته      وهوا   لمن دق عليا قبلها   وكلمني   قلت   لاأهلي وعطيتهم خبر  قلتلهم زوجها دق ع جوالي وكلمني   تناقشو  في موضوعم قالو خلاص معد نبغاه   وهيا تقول لايصلحلي ولا اصلحله  معد ابغاه   وجاء  هوا  بعد  ماأرسلته الرساله  ودق الباب واقف عند باب بيتنا    ومحد فتحله  واهلي قالو  لحد يرد عليه  ولاتقولو له مين     وصار واقف عند باب بيتنا  نصف ساعه وجاله رحيمنا  وجلس يتكلم معاه   واصواتهم  عليت عند الباب   وهما   يتناقشو عند الباب   وقله رحيمنا مين قلك اصلا تجي  البنت معد تبغاك   قام قله إلا   هذي اختها  شوف رسالتها    تقول تعال شوف بنتك عند اهلها   وهذا  رقمها؟؟؟      امي كانت برا     هيا واختي وابويا    وأول مادخلت البيت فتحت باب غرفتي   وقامت ××××××××
مخالف .. تم الحذف
الاشراف
 وتسب   وتكلمت عليا    وتقلي هاتي الشريحه وجيبي جوالاتك ومين قلك اصلا يا  ؟.......  تروحي ترسليله رساله  وش دخلك   قامت امي زعلت هيا وابويا   زعلو علشان ارسلتو  رساله  قلت تعال شوف بنتك عند اهلي  بس هوا ذا  الي قلته  ماقلت شي ثاني غير كذا    ونسينا الهرجه ونمنا    وصحينا  اليوم الثاني  وبرضه رجعت  امي دقت باب غرفتي وتتكلم عليا  وقامت تجرحني بكلامها  وتقلي اصلو ربي ماوفقكي  ودايما  تقلي زي كذا   وانا مطلقه ليا ثلاث سنوات   والله إني دايما وصار لي فترة  كانت تشتكيىمن الم برجولها  إني كنت ادهنها  واكبسها برجولها   ومرخت جسمها كله  واحيانا  اشوفها  تعبانه اقوم اسوي الغداء   وماني مقصره معاهم بشي  بس هيا   قامت سوتلي مشكله كبيره  علشان زوج اختي والرساله  إشرايكم ف الموضوع   كل وحده تقلي  وجهة نظرها  ورايها