اختي مب مقتنعه ياااااااناس قولولها(الفزعه)

سلام الله عليكم
ياااااااا بناات لحقوا على اختي انا بحكي لكم وانتواحكموا و ردوا بحسب ما قريتوا
وبامانه حطوا نفوسكم بمكانها وقولوا رايكم
اتمنى انكم تفيدونها .....اليكم قصتها
اختي تحب لها واحد من معارفنا وهو يموت فيها وكلنا كنا عارفين ليمن جوا امه وخواته وتكلموا عليها عند امي (يعني مو خطبه رسمي بس كلام ليمن يخلص مده سنه شغل ناقلينه بعييد من المدينه اللي حنا فيها و المده تقريبا سنه ونص)
وصاروا يتكلمون بعض مو دوم بس يتكلمون وكان يذكرها بكل صغيره وكبيره هي كانت تسويها لمن كان يشوفها وهي داخله بيت فلان او رايحه السوق او طالعه من الكليه يعني عينه عليها من زمان

المختصر المفيد ان اختي وايد تعلقت فيه وكان مبين انهم يحبون بعض لدرجة انه مرة صار ما بينهم سوء تفاهم وكان موجود بالمدينه وكانوا متزاعليين طبعا اختي كانت في حاله يرثى لها وهو كمان كان مش هو اللي اهله متعودين عليه... وبعد محاولات من اختي وبمساعدة خواته رجعوا زي العسل

الحيين من 17يوم زمان وهو ما يكلمها ولا يمسجلها،،، اول ما قطعها حاولت تتصل فيه ما رد عليها بس بعد يومين ومع كثرة اتصالاتها رد عليها بمسج

يقولها (انا حيل متضايق ،صاحبي توفىالله يرحمه وما ابي اكلم حد انا اسف بس غصبا عني)
طبعا عزته وحاولت تخفف عنه بس هو ما رد ، و على هالحال ليمن انفجعت مرارتها

وارسلت له (حرام عليك انا صابره ولا ادري على شو ، اذا كان صاحبك توفى فلله يرحمه شوف حياتك ولا تهمل ناسك انا مب قادره اتحمل)

رد عليها (انا مقدر شعورك بس ما بيدي شي ،ولا اريد اصادر حرية حد ولا استغل طيبة احد) قالتله (والمعنى)

رد(المعنى يفسره كلامك انك مب قادره تتحملي)

قالتله (انت لو ما تبيني قوللي مو تسوي كذا، ابسألك انت تحبني و تبيني او لأ)

رد يقول( العقل يقول اخليها فحالها والقلب يقول غير كذا، انتي شو رايك....؟؟)

انصدمت اختي وردت(انا لو ادري شو مشكلتك بالضبط مو مشكله انتظر وانا مو وحده غريبه،بس ما ادري شو صاير عندك انت فهمني وانا اقرر) طبعا ما رد

واخيرا امس رسلها بالغلط وهو دوم يغلط لمن يرسل حج اخوانه او اهله المهم انه رسل

(الله يحميكي من كل شر من الفرحه طار النوم ،مب قادر اتخيل انها تذكرني في وصيتها الله يرحمها ، اذا احتجتي اي حاجه انا في الخدمه يا الشيخه . احلامك عسل والسموحه)!!!!!!!!!!!!!!!!!؟؟؟؟؟؟؟؟؟؟؟؟؟؟

اختي ما انصدمت لييييييييييييييييييييش؟؟
لأنها من الاول قالت اللي متوفي مو رجال هذي مره اكييييد والا واحد بيحزن لوفاة صاحبه كذا بالعكس المفروض يلجألي انا حبيبته عشان اواسييه مو يبعد!!؟؟:(

بس ولو انا قلتلها هذا ما يبيك هي تقول: ممكن بس هو من النوع اللي اذا يبي شي بيقول واذا لأ هم بيقول وما يهمه احد وانا ادري انه يكلم بنات بس انا بنتظر ليمن يرجع ويشرحللي وما ابي اتخذ اي قرار راح اندم عليه!

يا بنات هذي قصة اختي عطوني آراكم وقولولها شو رايكم

يبيها والا:44:

مشكورين واسفه لأني طولت عليكم