عندي اخت اصغر مني كم سنة
ابتلشت بها من يوم وانا بنت معها ف البيت تاخذ اغراضي تسرقها ولاشفتها عندها تقول لاهذي حقتي مو بس أنتي عندك كذا ..وآمي توقف ف صفها تقول أي هي تشتري اغراض وأنا اصير مكلومة فموقفي فوق انها اغراضي الا اني اتعرض للظلم واصير انا تبليت عليها وأنا صدق اغراضها طبعا هي مو بس مرة أخذت شيء من عندي يعني اكثر من مرة وهالشيء يقهر فوق ان الواحد مطفر تاخذ اغراضه زي كذا مواد تجميل مثلا مرة أخذت عدساتي سرقتهم وشفتهم عندها استغربت وش حال عدساتي وبعدين نفس الشيء كل شيء تاخذه مع اني ماقصر معاها لو أخذت لي شيء اخذ لها زيه واعطيها اياه هدية ولكنها كذا حاقدة علي وتغار مني مهما اسوي خير لها ..ومرة وصل فيها الى انها تسرق راتبي اللي راتبي سرقته😭
كنت طالعة معاها ومعي بوكي ولما رجعنا لقيت بوكي اختفى وأنا توي شفته في الكيس وجلست ادور وبلغت عنه انه ضايع وكذا وكلمت شيخ اني ضايع لي شيء مهم في البيت وعطاني اشياء اقراها وبعدها لقيته هي طلعته ورمته لاني جلست اخوفها ان الايات والادعية اللي قريتها تأثر على السارق وهي فعلا اثر عليها وحتى ماجاها نوم مدري جاها فزع.. والحمدالله طلعت فلوسي ومرة تضايقت لاني كنت ع نياتي طالعة معاها واسالها وش تبغي كانت تقول ماتبغى شيء ... حتى جوالي سرقته كان عندي جوال مخصصته لمشروعي كان عندي مشروع وخسرته لما ضاع جوالي هو بالشريحة أنا طلعت من بيت اهلي ماخذت اغراضي كاملة وجا كورونا وسوو حجر كامل وطولوا واهلي كلهم مصابين ماقدرت ازورهم وقتها..ولما رحت اسالها مالقيتي جوالي أنا نسيته هنا في الغرفة اللي هي فيها لانها كانت غرفتي وتقول لا وأنا للحين ادوره مالقيته.
والحين كنت زايرة اهلي ولقيت عندها لصقاتي الجل حقات الهالات السوداء أنا اشتريتهن لان عندي هالات واضحة وهي الغبية مدري ليش سارقتهم وعرفتهم لان ماهم متوفرين الا نادرا واخذتهم من موقع اجنبي وياما كنت اسالها عنهم لقيتيهم حقاتي لصقات عليهم خضراء وبالشاي الاخضر أنا نسيتهم هنا تقول لا بكل ثقة ..لقيتهم عندها الكذابة وهي تقول مااعرفهم ولاشفتهم حسبي الله مدري أنا اللي ابتليت باخت كذا والا كل الناس عندهم وحدة كذا تاخذ اغراضهم وترى امي مو مقصرة معاها ابد عكسي أنا راضية بالطفرة اللي أنا فيها.. وماخذتهم اللصقات خليتهم لها وهي طبعا مو موجودة طالعة مع امي بيت اختي وأنا رحت صدفة كان القاهم على سريرها ..يعني حتى الواحد وهو يحاول يعالج هالاته السوداء وياخذ منتجات تجي وحدة غبية ماعندها هالات وتاخذهم حسبي الله على الخوات اللي كذا .