اختي والخطَاب ... واحنا خايفين من المشاكل ابغى رايكم

السلام عليكم

بنات عالم حواء ابغى مشورتكم لو سمحتوا

اختي خطبها واحد من الاقرباء البعيدين يعني بس لانو ماعندو وظيفه ولعااب شوي ابوي ما وافق عليه
وامي كمان بس هم كانو ملزمين كل يوم يتصلون يبغون الرد
بس ردت عليهم امي وقالت ابو البنت مو موافق اذا ولدكم حصل وظيفه تعالوا وماراح نردكم ان شاء الله
وبعد شهر تقريبا جا ولد عم نفس الولد هذا يخطبون وهم ناس ماشاء الله مافي احسن منهم والولد الكل يمدح فيه وعنده وظيفه
امي وابوي والكل وافق عليه واعينهام كلمة
وجوا الرجال يخطبون وجا معهم ابو الخاطب الاولاني اللي هو عم الولد
بعد اليوم هذا بالصبح اتخيلوا ام الولد الاولاني جات تهاوش مابقى الا تضارب ليش تقولون ان البنت لولدي وتوافقون على غيره !!!!!! وليش تقبلون ولد عمه وانتم شوهتو سمعة ولدي وكلام كثير ماينقال
امي قالتلها بالطيب احنا ماعطيناكم كلمة احنا قلنا اذا ولدك حصل وظيفه تعالوا دحين مو موافقين وابو البنت قلتلك انو مو موافق عليه وهو بلا شغل
علما ان عيال العم مو متفقين من زمان
المهم بعد يومين كذا اتصل خالي ( زوجة خالي اخت الخاطب الاولاني من اب ) وقال انتم بتسوون مشاكل بينهم و.. و... كلام كثير كأن زوجته اللي تمليه بالكلام
وامي فهمت من كلامه كأن الخطاب فسخوا الخطوبة واشاعوا بين الناس
بعد اسبوعين امي اتصلت على ام الخاطب وسألتها هل صدق انكم بطلتوا
قالت مين قالت والله مافكرنا حتى انا نبطل والبنت ان شاء الله السنة الجاية وهي عندنا واحنا ماتكلمنا ولا قلنا شي بس عيال العم يحبون المشاكل ونشروا اشاعه بين الناس ماعلينا فيهم ان شاء الله ربي يكفينا شرهم .. من هذا الكلام
وهم ماشاء الله ناس في حالهم

ودحين احنا خايفين من المشاكل وخايفين بعد ماتتزوج يصير شي

وش رايكم؟؟:09: