اختي والشات

السلام عليكم

مراقبة
الكمبيوتر في الصالة
محاولة تقليل الدخول في هذة المواقع
معرفة الاب والام بهذا الشي
النصيحة والقدوة الحسنة
والله المستعان

جزاك الله خيرا
ولكن اختي من النوع الذي لا يحب النصيحه وتتنرفز على طول اذا نصحها احد
اما ان يكون في الصاله فهذا مستحيل لان سلك الاتصال لا يصل الى الصاله لكن الجهاز في غرفتي
اما المراقبه فانا ارقبها من وقت لاخر ولكن عندم ادخل الغرفه تغلق الصفحه بسرعه
اما القدوه فزميلاتها في الكليه الله المستعان والله يكفي بنات المسلمين شر رفاق السؤ

والله مادري ايش اقولك بس مستغربة من قولتك عصبية يعني العصبية خلاص تترك على كيفها وين دور الاب والام والاحتى هم تعصب عليهم لازم انك توعيها وتبينيلها انه الشات مضيعة للوقت والمال والصحة وصدقيني اذا استمرت متعلقة فيه موزين واحتمال كبيييير انها تتعرف على شاب فيه وتتطور العلاقة لاكثر من انهم يلتقون في الشات والله يهديها ويصلح شأنها.

اختي..
انا كنت زيها تقريبا.. بس مو لهالدرجه..
تخيلي الجهاز بالصاله..واخواني ماشاء الله داخلين طالعين.. لكن اذا سمعت احد يرقى مع الدرج.. اسكر ولا كان شي صار..مع ان واحد من اخواني شافني برمضان.. ونصحني اني اسجل بمنتديات..وقلت ان شاء الله وماخليته..
لكن مع بداية الدراسه بما اني في الجامعه محد فيه..كنت جالسه الصبح عليه ..وجاء اخوي الثاني.. وماسكرت على اساس يدري اني ولله الحمد ماعمري دخلت خاص..وغير كذا داخله اسم ولد.. وخليته يشوف بس عشان يتأكد..
وانهبل يوم درى اني ادخل شات.. وقال سكريه قلت لحظه شوي بس بقول باي.. قال سكريه .. وانا من هنا وهو من هنا.. وفصل الجهاز..
وانا دخلت غرفتي ومع الهواش قامت امي ..وقلتلها السالفه من اولها لاخرها.. وبما اني الصغيره في البيت والوالد مايرفض اي طلب..
قال يرجع الجهاز بشرط ماتدخلين الشات ابد..ووافقت.. لكن ادخل احيانا اذا طفشت..
واخوي الكبير نصحني وبين لي مخاطره والاي بي والبلاوي .. وقالي انه هو واصدقائه جابوا اسم بنت جيراننا..تخيلوا..
ومن ذاك اليوم وانا بقدر المستطاع احاول مدخل والهي عمري بشي ثاني..
واذا دخلت باسم ولد ولادخل الخاص..وكلامي عاقله ..ومشاركاتي شويه..

بالاخير..
ارجوا اني ماطولت عليك..
لكن انتي ساحريها.. وعلميها بالمخاطر وانهم يقدرون يجيبون من انتي بنته..
وخليها تشارك بكذا منتدى..

صراحه مشكورين وما قصرتو والله يجعله في ميزان حسناتكم
بس عندي سؤال وشلون يقدرون يجبون اسم البنت