اول شي ان شاء الله ربي يسهل لها وتولد طبيعي
ثاني شي البرد جاي وخليها تلبس البناطيل القطنيه وشراب ثقيل
ابدآ لاتقعد كذا تقول حر ومدري شو والله العظيم راح يضرها بعدين
اخس شي الحرمه وقت النفاس اذا مااهتمت بنفسها خلاااص تقول
على نفسها السلام..تلبس بنطلون قطني وشراب وياريت اذا جت
ترضع وسط الحريم تحط ايشارب ولا طرف طرحتها ترى الحريم
مايعطون خير تجلس تقارن ومدري شوه ..
تاخذ ارواب نوم تكون اكمام طويله وكل روب اذا حابه تاخذ له
طرحه لايقه معه وكمان حملات الصدر لاتنسنها خليها تاخذ شي
مريح مو ترص نفسها بالقديماات , والبيبي خذو له كفولات ثقيله شوي عن البرد
والبيبي يحتاج رضعات ( سكر نبات مع مويه ) رضعه او رضعتين باليوم .
وكمان ينسون وحلبه , ونعناع كلها مع سكر نبات .
واختك خليها تداوم على شرب الادويه على قد ماتقدر
في قهوة قشر مرره ممتازه للنافس وكمان بوقت الدوره
عندي تحويجتها اذا تبغينها خبريني اتأكد منها واكتبها لكي
تنظفها وتظيقها بعد , ولاتكون مسدوحه طول اليوم خليها تطلق رجلينها شوي
والله من كثر اللي براسي احسه طار واحس ان الكلاام مرره ملخبط
ولي عوده بإذن الله اكتب لك اللي جربته انا او اخواتي ونفعنا بعد الله
واذا عندك اي استفسار اسئلي < خبيرة اعشاب
اول شي ان شاء الله ربي يسهل لها وتولد طبيعي
ثاني شي البرد جاي وخليها تلبس البناطيل القطنيه وشراب...
الغداء : تختار الي تبي مرقة لحم وخضار (بس انتبهي من الباميا والملوخيه والشمام والجريش ) هذولا ما ينوكلون بالنفاس مو زينه تخرب الرحم,
أو قرصان مع خضار ولحم , سلطة مشكله مع البقدونس مفيد للنفاس يدر الحليب , مرقوق او مطازيز
العشاء: زي الفطور او الغداء أو كبده وفول ومعكرونه بس اهم شيء تبعد عن (البيض مو كويس لنفاس يبب غازات ويفتح الرحم)..
اشياء لازم تحذرها :
1 احذري المأكولات التاليه (الملوخيه +الباميا + الشمام + البصل اخضر والكراث + الثوم بكثره+ اليمون (اليمون مو زين ينشف الدم وخطيربالنفاس وبالدوره)
2احذري المشي حافيه على ارض بارده
3احذري كثرة الحركه او الانحناء او جلسة(التربع)تفتح الرحم , واحذري كثر طلوع الدرج..
4احذري من الاكثار من القهوه والشاي والافضل شرب قشر القهوه ينظف الرحم طريقته (يحمص على النار قشر القهوه وموجود بالعطارات ثم يطبخ بدون طحن مثل القهوه العاديه بدون هيل )
5 احذري من الاستحمام بكثره ينبغي كل يومين وبماء دافي وبسرعه ...
6احذري الاكلات المقليه والشطه والغازيات والمشروبات البارده
*** هذه الاعشاب هي المفيده للنفساء
*( الرشاد ولايكثر منه تاكل منه بس 10 الايام الاولى مع التمر بالصباح فقط وتوقفه )
*(الحلبه تؤخذ العشرة الايام الاولىفقط من النفاس في الصباح مع الحليب )
*( قشر القهوه ابحثي عن طريقته فهو جيد بدل القهوه العاديه).
*(اليانسون يدر لحليب يؤخذ كل يومين كاس لكي لايرفع هرمون الحليب في المستقبل) و (اليانسون مع سكر النبات ,مفيد للاطفال خذي منه ملعقه صغيره واغسليه وحطيه بترمس صغير نظيف ومعقم وحطي عليه ماءمغلي عذب مع قطعتين سكر نبات كسرتين صغار واتركيه لحد مايدفئ ثم تعطيه للطفل في اليوم مرتين بالظهر مثلا وبالليل او عند مغص البطن للطفل )
*( الفلفل الأسود لكن انتبهي منه في وقت الرضاعه لأنه حار على الطفل ويجي طعمه في الحليب ويكره الولد ثدي امه , لكن اذا ماترضع مو مشكله ينحط مع الشوربه او المقه ولاتكثر منه)
* (النعناع مفيد في الليل او المغرب ويهدي ويساعد على لنوم)
*( الكمون مفيد لشمم ينحط في كوب ويصب عليه ماء مغلي ويشرب عند الاحساس بالوجع في الجرح او صداع في الراس ..
* (المره) تنقع في ماء في علبه صحه وتترك وكل يوم تاخذين مقدار فنجان او اكثر شوي وتتغسلين به من تحت في اليوم مرتين بالصباح وعند اللزوم او بالليل لأنه مطهر..
يعني الاعشاب اللي لازم تاخذينها من العطاره :
(الحلبه + اليانسون للحرمه وللطفل +الرشاد+ الكمون+سكر نبات للطفل +قشر القهوه +نونخه تنحط مع القهوه+ مره )
هذي الاشياء لمهمه
********
وممكن تدخلين قسم الحمل والولاده وتستفيدين من مواضيع لبس الطفل والتقديمات وهدايا المواليد والمفارش وكل شيء
وبالنسبة للنفاس تشتري لها (كريم جليسوليد مع جلسرين وليمون وتحط منهم كل يوم على يدها ورجها والاماكن الغامقه من الجسم والابط اذا حبت كويسه وتفتح المناطق وتنعم)
للطفل : كريم سودو (لالتهاب الحفاظات ) + بودرة السره يحطونها على سر الطفل مر باليوم
وابي منك دعوه حلوووه