اختي وانا/ مكرر في القسم

السلام عليكم ورحمة الله وبركاته
ابغا اطرح موضوع عن اختي مدري وش فيها تعبت منها
كل شي تقولي انتي غيرانة
لو قالت ابغا اروح للمشغل اصبغ شعري وانا رحت بس اقص شعري ما اصبغه تقول غرتي طيب متى اروح اذا بس اهلي ياخذوها هي لأي مكان ما يودوني أنا
ولو قمت من النوم اكلت وهي كانت صاحية من قبل تبغا تاكل تقولي وش ذي الغيرة يلي عندك
لو جا عندنا احد ولبست أنا بنطلون اسود لو هي لابسة لابسة تنورة سودا مو بنطلون تقول غرتي تبين اللون الأسود زي
ولو هي سجلت بجامعة وانا يوم خلصت الثانوي سجلت تقول غرتي اجل أنا وش اسوي اعيش بدون دراسة
لو دخلت تستحم وانا بعدها بيوم تقولي غرتي هي كل يوم تسوي تستحم اجل أنا اجلس بدون استحمام
واحيانا نروح للسوق هي تشتري مثلاً عطر وانا اتذكر أني كنت ابغا عطر ابغا اهديه لصديقتي تقولي غرتي
أمس هي دهنت شعرها زيت أنا كنت من قبلها داهنة كريم للشعر شعري جاف لازم ادهنه قبل التمشيط وهي ما شافتني تحسب أني دهنته يوم هي دهنت قالتلي على طول غرتي
وبعدين معاها وش اسوي مع ذي الأخت اجل يوم تنخطب وش بتقولي تبين تاخذي العريس ..
قولولي وش اسوي مع ذي الأخت يلي عندها جنون العظمة أو مرض نفسي ثاني مدري عنها ..