صدقيني مدام الكل ضدها ممكن تجيها حالة نفسيه لا سمح الله وتتدمر على الأخير
خلي اختج تتلاحق على بنتها باين أنها تجئ بالزين والكلام الطيب
بذكر لج قصة بنت عمتي الله يعينها ويشفيها من اللي فيها يارب يارب
يوم كانت بعمر صغير كانو بنات الممدرسه يعايرونها ويكرهونها جداً ويتهمونها بالسرقه والكسل وكل شي
وبالبيت كانت عمتها ساكنه معاها لما أتخطبت عمتها بدت تعاير بنت عمتي لأنهم بنفس العمر وتقهرها وتقول لها سويت جي وجي مع زوجي وووو وإنتي ماتزوجتي مسكينا بنت عمتي سافت أنواع المعايرات من الأهل والصدقات الممدرسه لين يتها حاله نفسيه وآلام كانت تأخذها لدكاتره نفسيين بس من يقولون لها لازم تتنوم الأم ماترضى وتطلع بنتها لين مازادت بنت عمتي حالتها النفسية وقامت تضرب الأم والأبو يوميا إذا كانت متضايقه
وكانت تطلع بروحها برع واحيانا بدون ماتتغطى لان مش فوعيها وتركب التكاسي وكانت مش فوعيها أبدا والحين حالتها يارب تغمض وايد وايد وايد عمرها الحين فالثلاثينات وأتوقع تطورت حالتها لدخول ألجن فيها والمهدئات بعد ما تفيدها لان كله تكلم نفسها وتسمع أصوات وكله فغرفتها ما تطلع إلا تأكل او تضرب أمها وأبوها
والحين الأم ندمانة اشد اندم أنها ماعالجتها من اول
هذا كله بسبب اللي صار لها وهي صغيره والله حرام الظلم شوفي لي وين وصلها
خبري اختج قصة بنت عمتي يمكن يحن قلبها على بنتها
البنت تفهم وااعيه وتعرف شو يصير حولها محتاجه حب واهتمام حتى لو عنيده تأخذها بالزين واتادبها إذا استدعى الوضع ترا إذا تمت تشل فخاطرها وكل مره تنجرح وتنكسر وتحس نفسها مش مرغوبة راح أيأثر عليها مع الأيام
الله يهدي اختج

في أمهات كذاً مايحبون البكر إذا كان بنت 
كلمي أختك تغير معاملتها للبنت وعلميها بكلام بنتها يمكن تحس وتتغير مو شرط تحبها أهم شيء تغير معاملتها معها وتستمع لها وتتقرب خصوصا إنها داخلة مرحلة مراهقة وتحتاج حنان ومعاملة حسنه

يا ويلها من الله أختك محطمه بنتها ومحطمه شخصيتها
وأحس أسلوبها بالتربيه قديم تخلي الأولاد يستقون على إختهم
المفروض تكون عادله بتعاملها معهم
و مو عذر إن البنت تغثها كلنا يغثونا عيالنا بس ماتوصل لإنه نتعامل معهم بهالطريقه
ونحدهم لإنه يتمون يغيرون أهلهم
أنا لو بمكانك بمسك إختي وبتفاهم معها بهدوء ما فاد بمسح فيها البلاط
وبقولها كم كلمه جامده لعل وعسى تصحيها من غفلتها
حرام تكسر في البنت بهالطريقه الله لا يقسي قلوبنا
بنت إختي كانت مدلعه مره عكس بنت إختك وكانت إختي مفسدتها بالدلال
والبنت صارت قويه ومايهمها أحد وصار بيني وبين الصغيره موقف وأدبتها مثل بنتي
أعتبرها ومسكت إختي ونفضتها قلت لا يتحول الدلال لوقاحه وقلت أدب
وقلت لها تراك بتندمين لو ماسيطرتي عليها من هالحين الزود أخو النقص
والله سمعت مني وبدت تهتم بتعديل سلوك بنتها وصارت البنت لبقه وتحترم إلي أكبر منها
يعني حاولي بإختك ولا تيأسين كثري عليها من النصايح و خوفيها من العواقب
قولي بنتك بكرا تكبر وتتعقد من جفاك معها يمكن تصحى وتتأثر

ياعمري ذكرتيني بنفسي 😢
امدحوها دايم وقولي لها ترى امك تحبك بس انتي ماتسكعين كلامها بسرعه
وامدحي بنت اختك عند امها قولي بنتك هذي تجننن انبسطنا معها وهي عندنا خليها تجلس الى اخر الاجازه
ودايم احسني ذكرها عند امها
الله يسخرهم لبعض ويحنن قلب الام ع بنتها 😔

ااااخ كسرتي خاطري حيل تكفي حلي الموضوع تككككفين
وين أبوها لا تقولي يسوي نفس سوات أختك ...،
اخ بس