اختي وتدخلها .. في حياتي وبيني وبين وزوجي

بدخل بالموضوع علطول
عندي اخت من امي علاقتنا كانت حلوة وقوية بس تزوجت معدد وظروفه صعبة بدات تتغير علي الموقف الاول
انا اروح لاهلي كل شهر ونص تقريبا ونطلع انا وياها وامي لمول او حديقة وزوجي اعطاني ١٠٠ للطلعة وهي زوجها يعطيها ٥٠ احيانا ٨٠ المهم طلعنا وانبسطنا وفي رجعتنا للبيت قالت مره ثانية اذا جيتي جيبي معاك فلوس كثيرة مية ما تسوي شى ورجعنا البيت وصارت تمدح في سلفتي تقول كيف طلعت الفلوس من زوجها وعرفت له مع ان عائلتهم بخلاء تقصد زوجي واخوانه
انا قلت زوجي مو بخيل ما يقصر بعدها قالت ما غيرتي جوالك قلت ليش اغيره وسكت وبعدها رجعت لمدينتي الا امي تكلمني تقول ان زوجي بخيل وما يعطيني شى ولازم يوم اجيهم اجيب اقل شى معي ٥٠٠ ريال ولازم اغير جوالي لانه جالكسي انا قلت ان شاء الله وبعدها صارت تقول زوج اختك يقول زوجك مقصر وبخيل انا عرفت انه كلام اختي لان زوجها ما يعرف زوجي ابدا كل واحد من عايلة غيرر بس قالت انه زوجها عشان امي تقتنع انا قلت خلاص يمه ابشري لا تشيلين هم
جوالي جالكسي لان انا احب الجالكسي اكثر من الايفون والفلوس اروح عندهم باستمرار صعبة ٥٠٠ في ٣ ايام يعني ما يقصر معي المهم عرفت انه اختي اقنعت امي بهالكلام وامي شالت همي تحسب ان زوجي مقصر معي
زمان كنت اروح لاهلي بالف او الف و٥٠٠ وكلها تروح بالطلعات والكوفيهات وادفع عن الكل واختي هذي بس تشتري لنفسها ولبنتها بعدين يوم شفت كذا مسكت فلوسي حتى زوجي كان يتضايق ويستغرب وين تروح هالفلوس


واذا جلست معي ترفع في زوجها وانه يحبها اكثر من زوجته الاولى وانا اقول الله يسخره لك وانا تحط زوجي اخس الناس ومقصر ووش مصبرني عليه ما عندي مشكلة امدحيه بس مالك دخل في زوجي وحياتي ومو مرره بس اغلب روحتي لاهلي تفتح الموضوع
جتني قبل فترة والله ما خلينا فيها مكان انا وزوجي اسواق مولات حتى لو زوجي توه جاء من الدوام وبس رجعت بيتها امي ثاني تكلمني ان زوجي مقصر معي ولازم اتفاهم معه مرره زعلت هذا جزاء ضيافتنا لها واحترامنا لها


يعني مدري وش تبغى مني وتقلب راس امي علي واقنعت امي بهالكلام نفسي اعرف ليش قلبت فجاه وليش تسوي هالحركات