اختي وتصرفاتها

السلام عليكم ورحمه الله وبركاته
كيفكم يابنات وش مسوووين ان شاء الله كلكم بخير
عندي مشكله ان شاء الله انها بسيطه بس ابي اخذ رايكم لأننا مو عارفين كيف نتصرف مع انه الموضوع بسيط بس اختي حساسه جدا
احنا كل يوم سبت نجتمع بشقتي انا و2 من خواتي وبنات خالتي جمعه بنات وانا صايره شقتي قريبه للكل فيتجمعون عندي اختي الكبيره الله يهديها دايم في يوم الجمعه حقتنا تجيب معاها اكل وتطبخه عندي وانا الصاله مفتوحه علي المطبخ ومااقدر اقعدهم بالمجلس لانه صغير جدا علينا فتخيلو نتجمع كلنا كاشخين ولابسين وريحتنا عطر وبخور شوي الا ريحه بصل ولحم وشوي واحيانا ثوم والكل يتضايق وكذا مره أقول لها لا تتعبين نفسك بنشتري جاهز او كل وحده تسوي طبقها ببيتها ولا حياه لمن تنادي تعبنا واحنا نقول لها بشكل لطيف بس مافي فايده واختي هاذي حساسه لو قلت لها ماابيك تطبخين عندي بتسويها زعله ويمكن ماتجي وبعض الأحيان صاحباتي يجون بنفس هاليوم بس باللليل ويكون ريحه الشقه طبخ واحسهم يتضايقون حتي لو سويت بخور تضل ريحه الطبخ شويه وصراحه اختي هذي اكبر وحده فينا كانها امنا وماحد يقدر يزعلها لو بربع كلمه لانها طيبه وعسل بس ماادري كيف نتصرف ابي خطه لو شي يخليها ماتطبخ لا تجمعنا
وثاني نقطه انها دايم تحاول تتحكم فينا انا واختي الي اصغر منها يعني مثلا اليوم الفلاني بنزور خالتي وهذا اليوم بنروح بيت عمي واذا قلنا مانقدر او مشغولين تزعل كثير وتقعد بالايام ماتكلمنا ونقعد نراضي فيها ومو بس كذا في كذا موقف احسها تبي تتحكم حتي بعض الأحيان بلبسنا او طلعاتنا او تسال وتستفسر كثير ماادري كيف نتصرف معاها للمعلوميه هي عمرها 48 سنه وانا واختي بالثلاثينيات وهي احسها ماخذه دور الام معانا من بعد وفاه امي الله يرحمها فنبي حل يخفف من تحكمها فينا واصرارها انها تمشي رايها بكل شي بدون لا نجرحها لأننا نحبها كثير