السلام عليكم
ارجو من الاخوات اللي يقراون مشكلة اختي اعطائي الحلول لحل مشكلتها
اختي تبلغ من العمر17 سنه
ودرست بمحو الامية المرحلة الابتدائية لانها عادت سنه اولى وطلعت من المدرسة ودخلت وعادت سنه ثاني
وقالو انها كبيره على المرحلة الابتدائيو وحولوها على محو الامية
والسبب كانت معلمتها وهي باول ابتدائي عصبيه وتصرخ عليها وتهزئها فصارت تخاف من المدرسة وسببت لها مشكله انها تكره الدراسة والمدرسة
وبعد اقناعها بالدراسة كملت الابتدائية فقط بمحو الامية
وفي هالسنتين اصبحت انطوائية ودايما تصيح ولا تكلم احد وتقطع شعرها واذا دخلت دورة المياه تكرمون تظل ساعه او ساعه ونص
وكله تقول تشوف احد يطلع لها ويكلمها ويخوفها ويقول انتي بتموتين وتسمع اصوات
طبعا محافظه على صلاتها وقراءة القران
الحين حتى صوتها صار واطي ويلا تسمعينه
واذ صاحت وسالتيها ليش تقول مافيني شي
وطلعت لها حبوب كثيرة بجسمها ولمن عرضوها على دكتور جلدية قال فيها اكتئاب وعطوها دواء وخفت حالتها وقطعت العلاج ورجعت لحالتها
طبعا انا متزوجه والفرق بيني وبينها بالعمر13 سنه وعندي اختي مقاربه لها بالعمر واخت ثانية بالابتدائي
وابوي واخواني كانو يصرخون عليها اذا ماسوت الليي يبونه وكانت تصيح اذا صرخو عليها وتروح غرفتها
شرو لها جوال ولاب توب وام بي6 عشان تتغير نفسيتها
وكل اهتمامها قناة طيور الجنه وكراميش وتفكيرها تفكير اطفال
امي لمن تشوفها كذا تتعب
ودوها للشيخ وقرا عليها بس مافيه فايدة
البارح رحت وطلعت منهم ورجعت الا واشوفها تصيح تقول قلبها وخايفه
وتناظر فيني كل شوي وتناظر وقلت لها اذكري الله واقري سورة البقرة وتعوذي من الشيطان
والله من البارح وانا احاتيها تكسر خاطري حتى ضعفت كثير وشعرها تساقط وصار جسمها هزيل
حلو مشكلتها الله يجزاكم خير وعطوني حلول لها
واسفه عل الاطالة
ربيع الأمس @rbyaa_alams
محررة ذهبية
يلزم عليك تسجيل الدخول أولًا لكتابة تعليق.
سوسو111
•
الله يشفيهااااااااااااااااااااااااااااااااااااااااااااااااااااااااااااااااااااااااااا
يااااااااااااااااااااااااااااااااااااااااااااااااااااااااااااااااااااااااااااااارب
يااااااااااااااااااااااااااااااااااااااااااااااااااااااااااااااااااااااااااااااارب
الله يشافيها و يعافيها
غيروا جوها اخذوها العمره ولا غيروا مسكنكم يمكن تتغير نفسيتها
ياربي يشافيها
غيروا جوها اخذوها العمره ولا غيروا مسكنكم يمكن تتغير نفسيتها
ياربي يشافيها
الصفحة الأخيرة
الله يشفيها ويخليها لكم