اختي وخطيبها

بنات هذه مشكلة بنت خالتي وانا اعتبرها اختي( ولهذا بسميها اختي) احب اطرحها واتمنى اسمع ارائكم ::

اختي تملكت على رجل مطلق عمره تقريبا 43 مطلق قبل 3 سنوات وعنده بنت فقط وعمرها 3 سنوات ..

في البداية البنت كانت عند امها وكانت بتزور ابوها يومين بالاسبوع وكان كل شي تمام والامور عادية واختي كانت كثيير فرحانة لانه انسان خلوق ومثقف ويخاف الله واحنه كمان سالنا عنه وعن اهله والكل مدح فيه ..واسباب الطلاق هوخلافات بينه وبين زوجته السابقة وادت الى الطلاق.

الحين طليقته وقبل ستة شهور اعطت الطفلة وتنازلت عنها بحجة السفر الى دولة ثانية والطفلة الحين مع ابوها عايشين بروحهم .

المشكلة اختي بتقول ان الطفلة كثييير متعلقة ب ابوها وماتقبل حد يكلمه او حتى يلمسه ..اختي بتقول انه في يوم حطت ايدها على كتف خطيبها الطفلة مسكت ايد اختي وقالتلها بالحرف الواحد (بابا لاااء )..والاتعس منه ان خطيبها يشوف هالشي عادي ومايقبل احد يناقشه بموضوع البنت حتى امه واخواته بطلو يتكلمون معاه اوينصحوه لان كثيير مدللهاوكل شي تريده يسويه ..الطفلةكثير عصبيةوتعاند صحيح صغيرة بالعمر بس كثير عنيدة وتصارخ ..طبعا اختي وخطيبها مايطلعون بروحهم الا والبنت معاهم ..الشهادة لله اختي تحب الطفلة كثير ودايما تشتريلها هدايا لكن انا ووالدتي شايلين هم من نشوف معاملة الاب مع بنته لما بيجو عندنا عالبيت ..هم الحين فترة الخطوبة ..اختي ماتقدر تطلع للمكان اللي تريده لان المكان لازم يلائم الطفلة اولا ..وماتقدر تروح سينما ولا مطعم حتى لان الطفلة ماتكعد تبقى بس تركض وتحب تلعب وطبعا ابوها يركض وراها ودائما ترجع اختي وهي مامفتهمة شي من طلعتها معاه ,,ولا تقدر اختي تسهر مع خطيبها لان الطفلة لازم تنام من ساعه 8 بالليل . ولاجل هالشي اقصى وقت للبقاء خارج البيت هو ساعة 6 ونص المساء وبترجع .واحيانا كثيرة تكون متواعدة معاه علشان يطلعون ويشترون تجهيزات العرس هو بيعتذر لان البنت تحب تبقى وتلعب بالبيت ..
حتى من بعد ماتنام الطفلة اختي ماتقدر تتواصل مع خطيبها ولاتقدر تتكلم معاه لان بيكون مشغول بتحضير حاجات بنته ويكتبلها عالواتس اب بس 10 دقايق وقبل ماتخلص ال 10 دقايق بيكون نام من كثر التعب

حتى مافي يوم حاول يخلي البنت عند عمتها او عند جدتها ويجي بروحه على اختي ..ولما اختي حاولت تقوله بطريقة غير مباشرة انه يبقي البنت مثلا عند امه او اخته علشان هي تحب تروح معاه للسينما او يسهرون برا ... قاللها آسف مابقدر لان بالي بيكون مشغول والطفلة ماتنام الا بحظني(طيب كيف بعد الزواج ؟؟الطفلة تنام معاهم ولا !!)
الوالدة خايفة على اختي وتكلمت معاها وقالت لها حاولي تكلمين رجلك وتتفاهمين معاه لان انت ايضا عندج حقوق وواجبات ..اختي بتقول ان شخصيته كثير قوية وهي تخاف تتكلم ويفهمها بشكل خاطيء وخاصة هو عنده بنته الها الاولوية

انا اسفه لان طولت في الكلام ويمكن بعض الاخوات يشوفون الموضوع سهل لكن اللي عايشه هذا الواقع تختلف عن اللي بتسمع فيه فقط

اكيد بتقولون انها طفلة ..لكن الخوف مو بس من الطفلة ..الخوف من ابوها اللي عنده طلبات بنته بالدرجة الاولى . ومايقبل يستمع لنصيحة احد ...صحيح اختي مو صغيرة لكن والله مثقفة و طيبة ورائعة الجمال وكثيييير خطبوها وكانت ترفض واحنه مامصدكين كيف وافقت على المطلق ومعاه البنت

اعتذر عن الاطالة وبانتظار سماع ارائكم

تقبلوا مروري