اختي وزجها

فيه موضوع يخص اختي واستاذنتها بتنزيله لأنه جدا متعب نفسيتها وضميرها مأنبها بسببه وتبغى ترجع لزوجها وبقول موضوعها بتفصيل واتمنى كل وحده منكم تدعيلها ان ربي يلم شملها لعل فيكم من دعوتها مستجابة والي عندها حل او طريقه لتخلص من مشكلتها او عندها طريقه لإصلاحهم تقولها ربي يسعدها وهل الطلاق يقع علما انه طلقها ثلاث وهو في حالة غضب وفي السجن اختي تحب زوجها وهو يحبها ولاكن دخلت بينهم شيطانه الشيطانه هاذي من جيرانهم اكشفوها اقاربها انها حامل وضربوها بعدين ودوها على المستشفى ...والمستشفى اتصل في الشرطه الشرطه جابت الهيئه بعد معرفو سبب ضربها وقالت حامل من فلان الي هو زوج اختي وتجمعو اقارب الزانيه وهجمو على زوج اختي في الهيئه بعد ماجابوه الهيئه وضربوه وتنوم في المستشفى 3 ايام بعد الضرب..... وسجنوه وحطو عليه في المستشفى حارس عشان مايشرد بعد اسبوعيين راحو اخواني له في السجن قالوله طلق اختي لأن اختي طلبت الطلاق قال ماعندكم ثقه في انا ماسويت شي قالو هي ماتبغاك وتكلمو عليه قالهم تراها طالق بثلاث وبعد التحقيقات مع الكلبه ويوم شافو زوج اختي مابين منه شي في التحقيق هددوها بتحليل نسب الجنين Dna واعترفت انها حامل من ولد خالتها ولاتبغى تعلم عليه وان مالها اي علاقة بزوج اختي وطلع زوج اختي برأه حتى اخوي راح تأكد وقاله مدير الهيئه انه انظلم وقبل امس جاء زوج اختي يشوف عياله واخذ عياله حتى امي مانزل يسلم عليها وبعد ساعتين جاب عياله ونزلهم قابله واحد من اخواني ماهو من الي زاروه في السجن وسلم عليه وتحمدله على السلامة وتكلم معاه شوي وزعلان على اخواني الي زاروه لانهم صدقو الكلام عنه وجرحوه بكلامهم وطلبو طلاق اختي......ويقول لخوي عن الي ضربوه يقصد اقارب البنت والله ماتركهم وراسي يشم الهواء ولا يرتاح بالي غير اقتلهم بعدها خلهم يقصون راسي عادي وطلع له واحد من اخواني من الي زاروه في السجن وراحله من شان يسلم عليه وركب سيارته وفحط ومشى طلبنا من اخواني الي تكلمو عليه في السجن يرحوله يعتذروا منه قالو حنا ماظلمناه الي اظلمته الكلبه المفروض انه يعرف هذا الشي طلبتهم امي انهم يرحون له ويعتذرو منه وقالو خلاص بكره العصر بنروحو اختي قالت تحملو مشكلتي ولاتقولو اني انا الي طلبت الطلاق لاتهدمون بيتي وتفرقون بينا رغم ان القرار قرار اختي بس خايفه انه مايشفع اتهامها له ايش رايكم تروحله ولا تتصل فيه تقول ليش طلقتني وإذا قال انتي الي طلبتي تقول مادريت بحكم انها انظلمت معاه ومكانت تدري ......................................... والبنت الان مسجونه وجابو ولد خالتها وملزمينه يتزوجها