زائرة :

بسم الله اختي من تجربتي بقلك ان زوج اختك ما فيه شي لا حسد ولا شئ كل اللي فيه انه عاشق الزوجه الجديده واقولك الحل حتي لو كان متعب وجارح اختي انا انصح اختك انها تشيله من قلبها وعقلها واللي باعني ابيعه ولا افكر فيه صح ذا كلام صعب تنفيذه بس لو فكرت ليش تتصل فيه وهي تعرف انه ما يرد لا تتصل الا اذا كان حياة او موت ولا تعاتبه ولا تتابعه مثل ظله من يجي وهي جنبه كانها حارسه الشخصي اذا كان يجي متأخر تخلص كل امورها من بدري وتحط له كل اللي يحتاجه وتنسحب بهدؤ مو زعل ولا تكشيرة بالعكس تحسسه انه مو فارق معاها وجوده من عدمه لكن منتهي الاحترام حتي يصدق انها استغنت عنه كزوج وتمزح وتضحك ولا تجيب طاري الظرة الا بكل خير و تتشيك بس بدون استعراض و تخلي دمها خفيف وتبعد عن النكد وتشغل نفسها بكل شي اذا حست انها مو بقادره تنفذ وتصبر طبعا مع التوسل لله انه يعينها ويصبرها صدقيني ان ذي الطريقه حتكون لها فايدتين الأولي انها تحفظ كرامتها ما تنهدر بالجري وراه والثانيه انها حتي لو ما اراد الله ورجع لها تكون قدرت تقسي قلبها وتصبر وشويه بشويه صدقيني بتنساه تنسي وجوده بالعكس حتي ممكن يكون وجوده لها ممل وانا ما اتمني الا ان الله يصبرها ويرجع لها زي اول واذكرها ان اهم شئ انها مع عيالها ما انحرمت منهم وان زوجها بيصرف عليها يعني عندها نعم تشكر الله عليها وتقارن نفسها بغيرها وتحمد الله وتشكرة وتصبر علي ما ابتلاها

بسم الله اختي من تجربتي بقلك ان زوج اختك ما فيه شي لا حسد ولا شئ كل اللي فيه انه عاشق الزوجه...

الحمد لك يارب :

السلام عليكم ورحمة الله وبركاته اسمحي لي اختي ماشفت رسالتك كنت مشغوله وايد وبعيده عن النت. سـؤال اوجه لأختك ولكل وحده سواء متزوج زوجها عليها ولا لا،أنتي تبين حياتك ولاحياة زوجك؟ أذا تبين حياة زوجك فأصبري على ماتشوفينه منه من جفاء وهم ونكد . تبين حياتك عيشيها مثل ماهي .زواج زوجك مو معناته انتهاء العالم وانك خلاص متي او انتي ماعدتي انسانه صرت سكراب سيارة ماتصلح للحركه . لا ياعزيزتي انتي انسانه كرمك الله بانه خلقك انسانه وكرم وجهك عن الذل والاهانه وخلاك تنزلين الا له بالصلاة فليش تذلين نفسك بالاتصال بشخص مايرد عليك ؟؟؟ ودي افهم بس شو الحاجه الملحه اللي تخليك تتصلين في شخص مو مهتم يرد عليك اكثر من مره ؟ كلامي اوجهه لاختك ياشادن .. زواج الزوج شرعا من حقه نبي ما نبي اعترضنا انفجرنا خلاص هنيه نقول كلمه وحده في موضوع زواجه "رفعت الاقلام وجفت الصحف" يعني قولي الحمد لله على كل مااصابني هذا من ناحية الزواج من ناحيته انه هو مايهتم فيها ودائم عند الجديده ، الجديده بتقدم وبتصير حالها من حالك أم عيال الحين هو فرحانه فيها مثل الثوب الجديد اللي نفرح فيه وكل يوم نلبسه نبي ندلع فيه ومن يقدم نترك اما نشتري غيره ولا نرجع نلبس من ملابسنا اللي مالبسنها كثير وموجوده بالدولاب . يعني هذي فتره وبيرجع مثل ماكان ولكن ممكن مايرد ابدااااااااا تدرين ليش ؟ لانك انتي بأفعالك بتبعدينه المطلوب منك ...تشلين فكرت انه زوجك بزواجه عليك معناته تركك .ترا اللي تفكرين فيه يجيك ففكري بامور ايجابيه .قولي مثل ماقلت لك فتره وبيرجع مثل ماكان واحسن ولازم ابين له اني انا انسانه رائعه ... احبي نفسك حب خيالي كيف ممكن احب نفسي ؟ مااذلها ابدا يعني مااتصل لزوجي اكثر من مره .والافضل لما يروح عندها ماتدقين ابدا ابداااا .ولو صار شئ دقي مره وحده ما رد .ارسلي مسج باللي حاصل معك وخلاص .رد عليك واتصل اهلا وسهلا مارد مع السلامه المهم وصله اللي تبينه يعرفه . لاتركضين وراه ترا كثرة الركض اما تتعبك ولا تتعبه ويملك .خليه يعيش مثل مايبي هو وعيشي يااختي في دنياك فيها لحظات ماراح ترجع لاتضيعينها بنكد وملاحقة شخص اخذ مسار ثاني لحياته .خليه يعيش جوه مثل مااختاره وصدقيني هو يحبك ويبيك ولو مايبيك لكان ماجاك بليلتك حتى لو ماتاخر وهذا دليل على انه يخاف الله ويحبك بس يخاف بجيته من وقت يصير مشاكل بينكم فيجيك متاخر . في ليلتك اللي هو يومك اعزمي وتوكلي على الله انه كل ماتفعلينه لله سبحانه وان هالانسان ماتنتظرين منه لا حمد ولا شكر وقومي بواجبك على اكمل وجه كلامك ردي عليه طلبك للنوم نامي معه ماطلب منك نوم ارفعي نفسك وقدريها ولا تقولين وانا مالي حق لا عزيزتي هو يدري لك حق بس اسكتي لاتطلبينه اياه الا اذا هو طلبه .ولما ينام معك انسي كل شئ تذكري انك انتي الحين بين احضان حبيبك واستمتعي بحلالك اللي هو من حقك ولاتضيعين وقتك تفكرن فيها تراها مرتاحه ولا تفكر بك ولا شاغله بالها بك . نوعي بأطباقك ورتبي ببيتك وتجددي والله انه كلمه قالها لي زوجي وانا عانيييييييييييييييييييييييييييييييييييييييييييييييييييت منه الامرين قال والله لو انك مش انسانه متجدده لكنت من زمان بعدت عنك التجدد يجدد الروح حتى انتي بترتاحين في تجددك اليوم ابيك تقولين لنفسك هذي فترة نقاهه لي انا وفكري شو ممكن تسوين لنفسك فيها ..عندك امكانيه سوي عمليه تحميل لنفسك علشان تضويق . اعملي رجيم لو شوي مليانه اهتمي بشعرك وجسمك وشوفي كيف ممكن تصيرين انيقه . عطيني مواصفاتك برساله خاصه لون بشرتك /شعرك/عيونك/طولك /ووزنك /وانا بعطيك اللي يناسبك في اللبس . صدقيني ماراح ترتاحين وانتي تنتظرين منه يقدرك هو يشوف انه مادام مو مقصر بالبيت وموفر كل شئ للعيال ويجيك بليلتك خلاص قام بواجبه . انتي انتي انتي قدري نفسك وشوفي الافضل اللي يريحك وارضي بما قسمه الله لك .

السلام عليكم ورحمة الله وبركاته اسمحي لي اختي ماشفت رسالتك كنت مشغوله وايد وبعيده عن النت. ...