اختي وزوجها

عزيزتي ... إذا كانت هي راضية تعيش وياه ... خلاص مافي داعي تجبرونا في شي هي ما تريده .... وأبغض الحلال عند الله الطلاق ....
وسبحان الله يمكن عقم الزوج خير عليهم ... لإن الله عزوجل دائما يعطينا الأحسن .... بالعكس إنتو المفروض تكونوا واقفين معها و تساندوها .... مش تقولوا لها تترك زوجها ... حرام عليكم ...

والله يوفقهم في حياتهم و يسعدهم ... يا رب .. :27:

انا معاها في كل كلمه قالتها المفروض انكم توقفون معاها وتشجعونها على فعل الخير هذا زوجها وابغض الحلال عند الله الطلااااااااااق ،، وانتو قاعدييييين تحرضونها على الطلاق

لاحول الله ولا قوه الا بالله العلي العظيم


وثاني شي هذي حياتها يعني هي حره في اخذ موقفها او كيف تعيش بحياتها يعني انتو مالكم حق تجبرونها على الطلاق


الله يوفقها ان شاء الله في دنيتها يا رب

لا يا أختي ... أنا اعتقد انه اللي تسوونه وتفكرون فيه غلط
لانه مدام اختك راضية عن حالته ومتعلقه فيه فلا تجبرونها على الطلاق منه (( وعسى ان تكرهوا شيئاً وهو خير لكم))
وصدقيني يمكن هالزوج العقيم يكون افضل ألف مرة من زوج تجيب منه عيال
السعادة الزوجية مو شرط تكون بوجود أطفال
وربي يا أختي انه جارتنا يمكن الحين صار لها أكثر من 20 سنة متزوجة وزوجها عقيم ولله الحمد راضية وسبحان الله
عمرهم ما فكروا بالطلاق بالعكس متمسكين ببعضهم وربك ما ينسى عبده فعوضها عن العيال بالزوج الصالح اللي
يحبها ويخاف عليها ويحترمها ويقدرها
يعني شفايدة العيال مع زوج لا يخاف ربه في نفسه ولا في زوجته ولا في عياله

انا أقول ترضون بما قسمه الله لها وربي يعوضها خير ان شاء الله

والله ان زوجها هذا طالما انها مبسوطه معاه خيرلها من الف ولد وبنت.
وبعدين المفروض ماتتدخلون في حياتها وتضغطون عليها اكيد لو فكرتم بالعكس ان ام الزوج تدخل وتقول اترك مرتك الي ماتنجب ماراح ترضون ابد.
بقول لك عن نفسي ان توني عروس وماكنت اسمح لاحد يدخل حتى بايش او كم شريت بمهري من اهلي ويوم يدخلون كنت اغضب واقول لا احد يدخل وكنت اضيق واتنرفز من هالتدخل مع انه تافه مقارنه بتدخلكم باختك . وشوفي ما اسمح انا الى الان لاي احد بانه يتدخل بخصوصيات الي يحاول بس يعطي نصيحه او شيء فالويل والثبور عليه >>هههههههههههههههههههههه.
_______________
**تغريد**
باين ان فيك خير على اختك فاتركيها انت واهلك تسويي الي تبي ولاتضيقون عليها بشيء ترى هي في نعمه ولله الحمد والله يوفقها يارب.
_______________
للاسف كثير من الناس يفتكرون ان اذا في عوائل مايجوبون عيال فهم مساكين او محرومين من السعاده !!!! بالعكس السعاده كلها عند هذولا لبس وكشخه وجسم جذاب وتسافر على راحتها وزوج يموت فيها .ونفسيتها افضل باذن الله من وحده حملت وولدت وجسمها دوببببببببببببببببببببببب .ويمكن زوجها يغار من ولدها وهي بعدين تغار من محبته لعياله وتقول ليش مايدللني ..................