اختي وزوجها

السلام عليكم ورحمة الله وبركاته
حبيباتي هذي المرة بسالكم بشي يخص اختي
درعموا وربي يحيكم وكلن يدلي بدلوه لمن بحدود الأدب ربي يعافيكم . الرأي شخصي لكن نبغى نرتقي شوي
السالفة يا طويلات العمر أبوي اتصل علي قبل المغرب اليوم يقول تعالي اختك ريم جايتنا وطالبة الطلاق
😳 انا كذا ، طلاق طلاق ايش يا عّم الحرمة لها 17 سنة مع زوجها واحد من عيالها داخل الجامعة السنة هذي ان شاء الله ايش المشكلة ، قال بس تعالي وانتي تفهمي انا والله مو فاهم من اختك شي لكن هي تقول واحد نزل كرامتي بالأرض والله ما ارجعله.
المهم لميت عيالي وعفشي ورحت لبيت الوالد خواني مجتمعين ما عدا اللي ملكت من ثلاث أسابيع طالعة للسوق ، انا وامي واخواني الاثنين وأختي اللي بالجامعة
المهم أبوي ما قال لريم انه منادينا عشانها ومشكلتها خصوصا ان ما عمرها أبد أبد أبد ما عمرها رفعت السماعة اشتكت زوجها الا مطلعته السماء. فلمن فجاءة تطلب الطلاق أكيد فيه شي كايد .
طيب نجلس وعلى القهوة كلنا ساكتين وفجاءة هي قامت تبكي ، يا عيني عليها هي بكيت وانا ام دميعة على طول نزلت دموعي مني عارفة ايش السالفة لكن يقولك الحامل لازم تشارك قلبا وقالبا.
سألتها قلتلها يا ريم ايش المشكلة مو عادتك ولا هي من طبعك والله يا بنات احسب انها اكتشفت زوجها متزوج عليها او ملك عليها او سوا شي كايد .
قالت الله يلعن الجوال وساعة الجوال والسناب وألواتس ( انا قلت وجاءتنا المشاكل جواة بيتنا )
تقول أمس الحمدلله خلصنا بيتنا الملك ويافرحتنا فيه ، طيب انا عارفة ، وأنتم تعرفوا اني صبرت عليه طول ال17 سنة وحنا من شقة لشقة وكلها ببيت أهله واخوانه وذوقوني الويل والذل ، بس صبرت لأَنِّي احبه ، وطول ماهو يبني خليته يشيد يده من عيالي ومني ومن شغالتي ومن مناسباتي والفواتير وساهر والعلاجات ، حتى دخولية الكهرباء في البيت الجديد 15 الف مع التصريف الصحي والماء 5000 مع إطلاق التيار والمعقب 5000 تقول انا دفعتها من راتبي وحر مالي وكل ما دفعت شي أقول هذا بيتي الملك ، اخيراً انعزيت والنَّاس اللي ذلوني راح تنكسر خشومهم . والبيت للحق الملك لله كل شي فيه روووووعة وراقي من اختيارها هي مو زوجها.
المهم
تقول انا مع اختبارات العيال والتعب بعد الدوام اجي أحط راسي وأنام لي كم ساعة
قمت من النوم اشوف الواتس حقي مليان رسايل خاص والجروب حق سلايفي وأخوات زوجي
ونفس الشي السناب
تقول لسى ما صحصحت افتح الواتس الا تدق علي سلفتي وتقول ، كدي يا حمارة واكلي يا غزالة وهي تضحك
تقول انا مني فاهمة منها شي بس جلست اضحك وافولها ايش فيه قلبتي الآية تقول جرحتني بكلمة
والله هذي اللي استفدتيه من زوجك بدال م يباركلك على العام ينزل من قيمتك ويحط من قدرك ، تستاهلين
وقفلت السماعة وقبل ما تقفل تقول عاد لا تزعلين تراني من جد حسّيت انك مسكينة .المهم تقول دخلت القروب وشيكت ولقيتهم يتكلمون عن مقطع سناب زوجي منزله.
تقول دخلت السناب وليتني مداخلته
لقيت زوجي مصور البيت كله غرفة غرفة الجديد بعد الكهرباء ومنور ماشاء الله تبارك الله تقول قصر لين اخر سنابة
كاتب الحمدلله البيت الجديد وخلص باقي العروس اللي تنوره وحاط صورة قلوب ووردات
وحطها قدام حمولتي كلها وفهمت على ايش يتكلمون .
المهم انا والله انحرق قلبي عشانها وغصب عني زعلت لكن ولله ما قدرت أكلمها او انصحها ، يعني ما اقدر اقولها لا تزعلي يظل اللي حصل شي يزعل ويقهر لانه ما صان كرامتها وبي نفس الوقت حرام الطلاق عشان هالسب