اختي وزوجها

السلام عليكم
بقولكم سالفه اختي وقولولي شنو رايكم
عندي خواتي ثلاث وحدة اختي من أمي وأبوي
وثنتين من خواتي من أبوي
وحدة منهم طيبه
ونتواصل مع بعض ودايم تزورنا وفيها الخير
والثانيه
متزوجة واحد ممشيتة على كيفها اذكر اول زواجها توها عروس
راح وضرب اخته عشانها
وكل سالفه والثانيه تقول اختك وخواتك ونفس الشي
يروح يضرب خواتة وكانت تقول قدامنا صح هي مو غلطانة
تقصد اخت زوجها وانا وخواتي كنّا نقول حرام عليك ليش تتسببين بالمشاكل لها
وتظلمينها والله كانت تقول كلام يشيب الراس
ونقول لها الظلم ظلمات يوم القيامه
والمهم اختي الي من ابوي الي هي شقيقتها
راحت ومسكت زوج اختها وقالت له الحقيقه
وقالت لاترد على اختي تَر اختك طيبه ولا تسبب
مشاكل ولا ترد ومن هالكلام وان اختي
بس تتبلا عليها علمته الي صار
توقعون شنو ردت فعله وربي طردها 😏
ولا سمع منها وصدق زوجته عاد حنا قلنا لها انتي
سويتي الي عليك ودافعتي ووضحتيالحقيقه
هو الي مايبي يصدق
وراحت سنين وهي تفرق بين الولد وأمه واخواته
وورتهم نجوم الظهر وقالت يحط لها بيت مو شقه
ماكملت سنه عنده الا وهو حاط لها بيت
والمشكله أذاها وصل عندنا وقاطعت اختي الكبيره
الي هي بنت أمها ووصلت فيها آذت اختي الثانيه وظلمتها وطلعت عليها كلام
وزوجها الظالم معاها يتبعها بكل خطوه لو تقول له
الشمس تطلع مو الغرب بيقول لها صح تطلع من الغرب
وخلت زوجها اداه تظلم فيها الناس تاكل فلوس غيرها
عادي عندها والي تعاديهم من الناس هو بعد يعاديهم معاها
مره تهاوشت مع اخو زوجها
حماها الكبير تخيلو قاطع اخوه عشانها ويكلمه برسميه يعني زعلان
عشان مرته
والي ماتحبة من الناس هو مايحبة
والظالم والمتكبر تصادقهم وهو بعد ورآها
تروح تاجر استراحة وتدق على صاحب الاستراحة
وهو ماله علم وبعد ماتحجز وتروح وكون داق عليها تقوله
اي تَر حجزت استراحة بالمكان الفلاني وشوفني فيها
عاد هو عادي عنده يضحك وتتفق مع صاحب الاستراحة
وهو اخر من يعلم ومستانس وراضي عنده
بتقولون شخصيته ضعيفه بقول لكم لا والله وهذا الي مخلينا نستغرب
تطلع بدون ماتخبرة من البيت وقلنا لها حرام مايصير لازم تخبرينه
قالت لا عادي زوجي على كيفي أصلن مايقدر يرد لي طلب
معودتة مايقولي كلمة لا يعرف شنو عواقبها 😣
واذا تبي مشوار لو هو تعبان وميت من التعب راح وداها
ودايم ماسك خطوط يوديها من منطقه لمنطقه
الحين اختي الكبيره زعلانه عليها لانها تسببت لها بمشكلة
ونقلت كلام عنها لأهل زوجها تخيلو راحت عند أهل زوج اختي
وقالت لهم كلام بعدينعرفو ان اختي هذي ظالمه
وأنها بس تبلا عليها
وكانت وحده وحنا بمجلس حريم ونسولف راحت نقلت السوالف
وطلعت كل كلامنا وخصوصيتنا زين انا اختك ليش تروحين تطلعين سوالفي
واذكر كانت اختي الصغيرة كان حماى اختي الصغير يبيها يبي يخطبها
وهي كانت ماتدري ولا حنا ندري وكان يسمع عنها وعن أخلاقها وجمالها
وراح قال لأخته انه يبي فلأنه الي هي اختي من أمي وأبوي
وجات اخته كنّا مسيرين عليهم وجلست بجنبي وكلمتني بالموضوع
وشوفي عيونها شلون صارت شر وشرار
حتي اخته كانت ماتبي اختي تدري
لانها تعرفها ماتحط يدها بشي الا تخربه
وسمعتها وهي تقولي فلان يبي فلأنه ويقول اذا ماتزوجتها بموت وخته فرحانه
وهي تخبرني هو مرسلها تقولي
والحين ابيك تأخذين رايها عشان نجي ونخطبها رسمي وأختي الصغيرة معاي بس ماسمعت
الكلام قاعدة بالاخر المجلس مع البنات الي كبرها
ونقزت اختي شنو شنو وتحط يدها على خصرها
انا مادري شنو دخلها وحماتها تغمز لي يعني سكري على الموضوع قالت سمعت سمعت كل
شي وسكتت ولا تكلمنا وربي مادرينا الا بعد ساعتين
الا استغفر الله الا القيامه قايمه بالبيت وصوت ضرب ورياجيل
يتضاربون وقمنا مفزوعين الا الاخوان ماسكين ببعض بيتذبحون
وأخوهم الكبير تدخل وقام يفرق وبالخير قام هو بعد
يضرب ماقدر عليهم وصارت حرب البسوس
آثاريها طلعت من عندنا ودخلت بالغرفه ودقت على زوجها وجاها وصكو
باب غرفتهم وعلمته عن ان اخوه يبي اختي عاد هي تغار منها موت مع انها اختها
ودايم تقول انتم خواتي من أبوي ماحبكم ردت عليها اختي الكبيره اي هي اختها من أمها وأبوها
وانا بعد اختك ولا تحبيني وحطيتي لي مشاكل
دايم تكرهنا وخصوصن انا وأختي
وربي الرياجيل تهاوشو قدامنا وطلعت قايله لزوجها والله لو اخوك يأخذ اختي
ماقعد عندك دقيقه عاد هو راعى مشاعرها وراح بيخرب الخطبه
وأختي الصغيرة تقول وش فيهم يتضاربون ماتدري انهم متهاوشين عشانها
المسكينه عاد امهم مسكينه تدري بولدها ومرت ولدها وتدري كل مصيبه
ورآها اختي وربي استحينا من الناس مع انهم من عمانا يقربون لنا
وقالت والله ثم والله فلان تقصد حماها مايخذ فلأنه قدامنا كلنا والرياجيل قاعدة
تضارب قدامنا الحقد والغيره عمت عينها والحمد الله اختي تزوجت وجاها ولد
ومازال ظلم اختي متجدد لنا ومازال زوجها يمشي ورآها
ويسفرها والحين زوجها مأيكلم اختي الكبيره
ولا انا ولا يحبنا عشان مرته تكرهنا والله
دايم ندعي لها بالهدايه لنا سنين وهي
كل مالها تزيد ودايم ادعي ربي هي
ليش كذا ودعي ربي يمكن يهديها
وتكف أذاها وتغير من نفسها بس والله كل مالها وتزيد تكبر
وظلم واخر خبر لهم تهاوش مع رجال معروف ويخاف الله من
المسجد للبيت مايسلم عليه ولا يكلمة بالمجالس وسأله قاله عسي ماشر يابو فلان
ماتسلم قال مرتك شافت مرتي بعشي ولا سلمت عليها وانت مافيك خير
مثل مرتك يقولون الرجال مذهول لحد الحين
والله مانبي شي نبي بس ربي يكف أذاها عني وعن خواتي