اختي وزوجها

بغيت استشيركم في موضوع اختي طبعا الله يسلمكم اختي هذه متزوجه من ١٩ سنه وزوجها قبل شهر خطب وزواجه بعد اسبوعين
وازين شيء ان اختي الحمدلله الموضوع مو هامها بالعكس فرحانه انها بتفتك منه لانه جد معقد جننها كل ذي السنين وتقول اصلا احس اني عفته لدرجه زواجه ماهزني ابد بس شاغلها موضوع وحابه تستشيركم فيه وهو انها ودها تتنازل عن يومها وعن المبيت واصلا ماتبغاه يجي عندها تقول خلاص كفايه السنين اللي فاتت وتبي تتفرغ لنفسها وعيالها وتقول تبي منه بس انو يصرف عليها وعلى عيالها مقابل انها بتعيش مع عيالها وترعاهم وهو اصلا بيتهم ملك واختي ساكنه في الدور اللي فوق وزوجته بتكون في نفس العماره في الدور السفلي يعني بيكونون عيالها قريب من ابوهم بس خايفه من شغله وحده وهي انه يجحدهم ويميل لزوجته الثانيه ويصير ماعاد يهتم فيهم او يصرف عليهم
لانها تقول ماعاد اتخيل نفسي اني بجلس اسعى وراه وادور رضاه لانها اصلا من كبر ولدها هو اللي صار يسوق فيهم ويوديهم مشاوريهم وابوهم شايل يده من كل شيء اللهم انه بس يعطيهم مصروف وخلاص لها على ذا الحال تقريبا سنتين وتقول اني مبسوطه بهالوضع لانه كان يضيق عليهم ومايخليهم يطلعون ولا يروحون بس مع ولدها صارت ماشاء الله ماتبقي مكان
وتقول اصلا كل مااتخيل اني راح ارتاح في رمضان وافتك منه ومن عزايمه ودي ازوجه اليوم قبل بكره وهي بكيفها خليها تبتلش فيه ههههههههه لانه مايعجبه العجب
فهل اللي بتسويه يجوز شرعا طالما برضاها ؟ وهل هالشيء ممكن يخلي الزوج يقسى عليهم وينساهم ؟