اختي مالها الا الصبر الدؤوب

والله اذا بينهم مشاكل وبغض ترا ماراح ترتاح حتى لو طلعت في بيت لوحدها

ماتسلم من المشاكل قولي لها تصبر لأجل زوجها حتى ماتخسره بيكره حياته

معها خاصة انهم ساكنين في شقه فوقهم وراح يشوف مشاكل فوق تحت

قولي لها تبني من شقتها قصر للحياه السعيده اذا كانت ذكيه اما اذا عكس

والله انها خسرانه

وربي يهديها

صبرت 8 سنين وما شاء الله بشقة فوق يعني مو معهم
تبر كمان شوي لين ربي يفرجها ولا من الاول اشترطت تعيش بروحها ما ينفع بعد ما صار فيه عيال تقول ارجع بيت ابو خصوصا اذا زوجها مو مقصر

أتوقع مأخذته وهي عارفه بتسكن معهم

هي الي رضت بالبدايه تتحمل

وراح الكثير وباقي القليل

لا هي كانت لحالها ثم زوجها فصل واشتغل في شركه وسكنت مع اهل زوجها
زوجها يقول طلعه مافيه طلعه الا اذاعمرت على بيت العمر
وهي تقراء ردودكم

شوفي انتي شايفة الموضوع من وجهة نظرك فقط وتبين مصلحتك معليش لاتزعلين من كلامي يمكن جارح

لأنك تقولين اخاف تأثر بحياتي مع زوجي ولا فكرتي بحياة اختك مع زوجها كيف بتتاثر

انا مالوم اختك يوم انها تبي ترتاح السكنة مع اهل الزوج تجيب مشاكل والله لو انهم عسل

صديقتي الي كانت بعيده عنهم كانو بس يتصلون عليها وليه تبطين ويشتاقونلها ويموتون عليها

ولما سكنت فوقهم شانت الانفس وبقوة من الطرفين الحين الناس ماعادت مثل اول

لكن انتي تقولين عمتكم اخت ابوكم يعني لها مكانة خاصة مو مثل ام زوج بعيده

يعني اعتبريها بر بابوك انك متحملة اخته عشان ماتبين تخربين علاقتهم وتظيقين صدره

لكن ممكن تتفاهم مع زوجها انه يستعجل بالبناء مو شرط يخلصة بسنتين لكن بثلاث اربع

لكن يبداء وهي تصبر معاه

وتسكر بابها عليها وماتنزل الا بالاسبوعين مرة وتاخذ قهوتها تتقهوا وتطلع اريح للطرفين

بس ماتروح زعلانة لبيت ابوك بتكبر بشكل مو حلو