ملاااااك روحي @mlaaaaak_rohy

محررة برونزية

اختي وزوجها واهله

المهم اختي حامل والوحام مكرها حياتها تعبان وماله نفس في احد المهم هي سكنت بيت ملك ماشالله ربي يبارك لهم المهم زوجها يبغى يسوي عزومه وحوسه وازعاج هي مالها خلق ماتبغى هو امه وابوه يقولون له لازم تسوي عزومه هو يقول لاختي ماقدر الغي العزيمه انا اعطيت كلمه لاابوي وامي اني ابي اسوي عزومه قالت روح قولهم في بيتي لا انا ماقدر وراح قال لابوه وامه قالو خلاص نسويها باستراحه امي حتى ماتبي التعب على اختي وربي ناس اعوذبالله الا يجبرون الواحد وزوجها كلمه توديه وكلمه تجيبه من اهله وربي قهرني 😡

يلزم عليك تسجيل الدخول أولًا لكتابة تعليق.

تسجيل دخول

الحور العين🕊 • 6 سنوات

طيب ليش معصبه خلاص بيسوونها باستراحة واجرو عاملات خدمة واختك ان شالله ماراح تتعب وتظل مرتاحه

يدويات • 6 سنوات

حتى لو حطها ببيتها ترا العزيمة يوم مو شهر ،،

وانتم ساعدوها والعشاء من الطباخ ،،

الامور سهالات ماله داعي تضخيم الامور ،،

واهله من فرحتهم ببيته يبونه يعشي اهله فيه

إسواره ورود • 6 سنوات

حلو دام وافق باستراحه
تجيب شغالات وتحجز ضيافة بدري
وصلّى الله وبارك.

Nora2018 • 6 سنوات

التمسي لهم العذر يمكن ما كانو يتوقعون اختك الوحم متعبها لهذي الدرجة والحمدلله قدروا الوضع وغيروا مكان العزومه وتيسرت وتسهلت ..
اختلافات عاديه جداً تصير بكل بيت وبسيطه تنحل ما تحتاج عصبيه ونرفزه يمكن اختك تحكيك وهي معصبه بسبب هرمونات الحمل وانت عصبتي معاها 😂

الله يتمم حملها على خير وتسون سابع البيبي 🌸

شفاءه • 6 سنوات

يعتمد هل دايما هم اهله يتحكموا فيه؟! اذا دايما فلها الحق تزعل منه لانه هو خلاص تزوج واستقل بحياته

اما سالفه العزيمة فيمكن عادات عندهم ان الواحد اذا انتقل لبيت يسوي عزيمة وهم فرحانيين له لكن يقهر انهم هم اللي يحددوا وقت العزيمة
المفترض زوجها هو يشوف اوضاعه ولم يحس ان زوجته خف وحامها وبدت ترجع حياتها طبيعي ذك الساعه يسوي عزيمة وطبعا يجيب اكل مطاعم وتقديمات...هي عليها الاشراف