اختي وزوجها وش انصحها

لاحول ولاقوة الا بالله
وش اللي مصبرها عليه دام هذي اخلاقه؟؟؟ليييييييش متمسكه فيه؟
قاعده تعذب نفسها وتعذبكم معاها..
الله يكون في عونها..

وين امج وابوج واخوانج المفروض من زمان تتطلق منه

وووين تفكيرها:|

اللى اوله جذى ينعااااااااااف والحمدالله ملجة بس

الله يرفع عنكم وعن أختك
الخطأ من البداية خطأكم ما سالتوا عنه زين، السالفة مب سالفة حفلة زواج، هذا زواج هذا عمر، بس الي فات مات
لازم أختك تطلب الخلع أو الطلاق، ولازم يتدخلوا الرجال سواء أبوكم أو أخوكم
وجعل أختك ما اقتنعت، لا يكون ساحرها بس، ولا على ايش متمسكة فيه، تحمد ربها انها ما جابت منه عيال بعد، ولا كانت المصيبة أكبر

الله يكون في عونك وعون أهلك

حبيبتي قولي لها الدنيا ما توقف على رجل واحد او بالأصح ما توقف على اي شخص بعينه
يعني هي تنتظر امل مفقود اصلاً
رجل تاريخه ما يشرف
رجل بخيل
رجل عاصي لوالديه
رجل اصبح من اهل السوابق
رجل بذيئ لسان
رجل يطلب منها فلوس وهو مسجون وما سأل نفسه ليه وكيف تعطيني
رجل لما جته الفرصه عشان ياخذها بيته تخلى عنها عشان شيء في نفسه

انصحك يا اختي اتقي الله في نفسك وفي شبابك اللي بيضيع مع رجل ما ستحقك
اكبر خطاء تركتبيه الان هو اصرارك على مساعدة شخص لا خير فيه حتى وان كان من بعيد على حد تعبيرك
الزواج دائماً ما يقدم لنا كل السعاده اللي نرجوها منه
الزواج مشاركه واحترام
الزواج ود ورحمه

انتي تضيعين وحقتك

كلنا طرنا ورى رجالنا اعطينا وضحينا وانتظرنا وبالأخير اندسنا بالجزمه ليه؟
لأننا نقدم ونقدم بدون ما نقول حقوقنا
بدون ما نحاسب على نفسياتنا
شوفي فيه مثل يقول اللي يخلي نفسه قمامه تبعثره الدجاج
وهذا اللي سوينا احنا قبلك سخرنا انفسنا قمايم للرجال وبعثرونا
اصبحنا اهون عليهم من باعوضه
فلوسنا وصحتنا واعصابنا وانتظارنا انداس وما احد حطه بعين الأعتبار
يا الحبيبه
تمني لنفسك احسن الرجال ولا ترخصين حالك
الله يعوضك بأبرك منه
ولو فيه خير ما وصل هالعمر بدون زواج .... عافوه الحريم والحين انتي بتتولينه اتركيه ياخذ اللي تكافئه انتي قدرك غير

والله القرار بيدها

يعني على بالها بيحفظ المعروف لها

ما قدر أبوه يقدرها

لاتسمحون لها حاولوا قد ما تقدرون معها وإنصحوها .

وخليها تشوف مشاكل الحريم بالمنتدى يمكن تقنع

ربي يهديها