اختي وصديقتها وصديقتي عطوني رايكم تكفون

السلام عليكم ورحمة الله وبركاته

هلا خواتي
عندي مشكله ومضايقتني ولي اكثرمن السنه افكر فيها ومدري وش اسوي
المشكله هي

ان اختي عندها صديقه كانت معها لها اكثرمن اربع سنوات وشفتها معها مره بمناسبه من اكثر من سنتين ها السالفه وتعرفت عليها يعني سلام وساليف سطحيها
وبعدين شفتها مره ثانيه مع اختي بمنتزه ومعها اختها وسولفنا بعد
وبعدين شفتها عند صديقتي صارت تعرفها
المهم خلال هاالمقابلات هي تتقرب لي وتسولف معي وانا بطبيعتي احب الناس واحب اسولف مع اي احد ماعندي مشكله
المهم والمشكله

انا تقربت مني وصارت تكلمني بالتلفون تقريبا يوميا واذا طولت ثلاث ايام وتقعد معي بالساعات احيانا
اختي بطبيعتي تختلف عني
يعني انا احب صديقاتي واحبهم يجوني واحب نجتمع واناديهم وينادوني وزي كذا جمعات في يوتنا طبعا اكثرها نادر ما نجتمع برا
عكس اختي تماااااااااما ماتنادي صديقاتها ببيتها وقليل تجتمع معهم وهي من النوع الكتومه يعني مستحيل تقول وش اللي بخاطرها لو زعلان ولا تفضفض عكسي طبعا
واذا بغت تشوف صديقاتها تناديهم بملاهي او زواج بس

المهم صرت اقول لصديقت اختي تعالي اذا كان صديقاتي مجتمعين عندي وتجي وانادي اختي بعد معنا اختي للعلم عادي تروح وتجي عندي مع صديقاتي لاكن بيتها لا ما تحب احد يجيها وما ادري وش السبب

والمهم وخذت صديقت اختي اللي اعتبرها صديقتي بعد على بيتي تجيني واجيها

للعلم >>> صديقت اختي عمرها ماشافت بيت اختي طول صداقتهم اللي اربع سنين >>>> غريبه موب صح
وصارت تجييني واجيها واتي طبعا ماطبت عليها ابد طول ها الفتره الا يوم تعرفت عليها انا نادتها معي وبعدين صرت اروح ولا تناديها معي وانا ما اقدر اقولها نادي اختي صعبه شوي

صارت دايم تتصل ويعني صارت تشتكي لي يعني صارت تدخلنيفي خصوصياتهاوانا بعد
وبصررررراحه طول فتره تعارفي معه احس بضيقه في خاطري بسبب انها تعلقت فيني واختي بعدت عنها فاضطريت مره اني اقولها انك صديقت اختي وماابي اخسر اختي ولا ابيها تزعل علي وهي تقول لي بالعكس ان ارتحت لك انتي اكثر وانها صارت تغليني وتعزني وحتى اختي بعد بس تقول انتي اكثر وانها عادي لويعني قعدت مده عن اختي بس انا لا وبصراحه انحرجت من كلامها وقلت طيب انتي صديقتها قبل قالت صداقتنا سطحيه ماهي مرررررره ومانشوف بعض ولا نكلم بعض الا في السنه حسنه
وانا والله مدري وش اسوي بين نارين البنت تقول انها مرتاحه معي وانا علاقتها غير مع اختي لان اختي ماتتعمق بعلاقتها كل صداقتها سطحيه
وانا خايفه اختي تشيل علي يعني اختي صراحه اهم شي عندي ومدري وش اسوي

ولمحت لها كم مره بس مافيه فايده
وكنت عندها من كم يوم وعرفت ختي اني رايحه لها وقالت ليه ماقلت لي وانا تضايقت في نفسي مابيها تفكر شي ثاني وقلت لها عشان ماتزعل على صديقتها انيانا اللي عازمه نفسي بس اختي وما ادري وش في خاطرها
بالله عليكم وش اسوي
البنت غلطت معي ولا شفت منها الغلط واختي غاليه عندي وتسوى حياتي كلها طيب وش اسوي

اقولكم صداقتي معها بدت من سنتين تقريبا للعلم بس

ها لاتطنشون عطوني وش اسوي تراني من زمان ابي اسالكم وكنتمتردده يعني يالله قدرت اكتب السالفه
انا ما احب اجرح احد ولا احب اضايق احد وفينفس الوقت احب الناس وكل صديقاتي غاليات عندي بس هذي وش اسوي فيها عشان اختي يعني وش اسوي وش السوات يارب مابي تحط بالها اني سرقت صديقتها وانا واللههي اللي دخلت نفسها بحياتي وهي اللي تعرفت علي وتقربت اكثر اجل اقولها لا صعبه شوي او بالاصح عيب وشق جيب

يالله لاتقول المشكله بسيطه لاوالله تراها مطيره النوم من عيني وخاصه عقب اخر مره وانا افكر:(