اختي وصديقتها/ يمنع طرح أكثر من موضوع في اليوم

اشكر صاحبة المعرف على كتابة موضوعي .
اكتب موضوعي لأي انا بهم لا يعلم فيه الا الله .
أختي عندها صديقة وبالجامعة وانا اداوم بالجامعة وهناك شفت بنات يراقبوني ويراقبون تصرفاتي وتعرفت على وحدة وكانت تمشي معي مثل اختي وسوالفنا مرة عادية ميكب اب والأزياء والدراسة مع انه افضل اجلس لوحدي عن المشاكل .
جيت البيت الا أختي هجمت علي أنتي من وين جاية ؟؟ قلت الجامعة قالت كذابة نازلة من وين ومع من ؟؟ تركت اختي وتجاهلتها قلت نزلت من الباص وتشكين فيني ليه وانا اختك تبقين أسألي الجامعة اذا انا حاضرة اولا .
صديقة أختي عندها أخت واختها بالجامعة معنا بس اقسام مختلفة واللي صار اخت صديقة أختي صارت تنقل سوالف كذب عني واشياء ما تتنصدق مثل انه انا اهرب من الجامعة واروح اتمشى وارجع ووقت ما يحلو لي .
واختي مصدقة صديقتها واخت صديقتها لدرجة شادة شعري على الفاضي وتبقى المشاكل وتحرض ابوي علي وصار يشك أكثر وانا ما سويت شيء . ومعدلي حلو وممتازبالجامعة ومن المتفوقات , صديقة اختي واختها جالسين لي شوكة بحلقي جالسين يحرضون بنات يراقبوني ويتجسسون علي وحتى صديقاتي واقفات معي وجالسين لهم ضرس ويقولون لصديقاتي اتركوها ترى هالبنت ماهي بزينه واختها تقول عنها كذااا وكذاا والترك احسن حل تجنبوها .
جت البنت وقالت ترى فلانه بنت فلان قالت كذا عنك وقوالوا يعرفون أختك طبعا البنت هي صديقتي وموقفة معي وما صدقتهم وتدافع عني اللي صار كذبوا كلام قوي على البنت والبنت عطتني بلوك بالواتس اب وانا صرت وحيدة وماعندي صديقات وكل ما صادقت جت اخت صديقة اختي وقالت لهم كلام وانتوا متخييلن انها جامعة كبيرة وعندها اخت صديقة اختي شلل يشوفون مع مين امشي ويمسكونها ويخلونها ما عاد تمشي معي, اختي صارت شكاكة وتشك انه انا اكشف وجهي بالباص راحت قالت لأبوي واخوي بس تجاهلوا وابوي عارف انه ما اكشف لأحد.
صديقة أختي واختها اكبر شياطين ما يحبون لي الخير ويتهموني عند الناس والبنات اللي جو قالوا لي عنهم صديقاتي تركوني وما يبقون مشاكل لمن قلت لهم اعترفوا انه فلانه تكلمت عني عند أختي وبعدها مامنهم خير ,
الكل ناقد علي لا صديقات ولا احد صرت لوحدي ومع هذا الشك قاتلهم انه انا عندي صديق اطلع معه من الجامعة واخر كلام قالته صديقة اختي واختها انتبهوا منها لاتوطي راسكم خلي ابوك ياخذها البر ويقتلها وانها تحب أختي وتخاف على سمعتنا وامي عرفت بالموضوع ؟؟ اختي صاحبتها وتجلست تتحسب على صاحبة اختي واختها .
وانا انسانة من البيت للجامعة وماعندي أحد صرت وحيدة ولي 4 سنين على الحال وصابرة عليهم بس وش تنصحوني فيه ها الأنسانه فرقت بيني وبين أختي وتنتقم فيني وفي سمعتي واختي في صفهم ضدي .
واشكر صاحبة المعرف على سماحها لي بكتابة الموضوع .