اختي وطليقها وعيالها

بنات بقولكم قصه اختي مع طليقها
اختي تزوجت واحد متزوج قبل 7 سنوات
طبعا الخطبه كانت عن طريق زوجته لانها صديقه اختي بالشغل
زوجته ماتحمل وزوجها كان مقرر يتزوج ويجيب عيال
تعرفت علي اختي وعجبتها لان اختي مررررره طيبه ومسكينه وقلبها ابيض
واقتنعت اختي انهم راح يكونون مثل السمن علي العسل وان زوجها مافي مثله
اختي وافقت عليه رغم ان كلنا عارضنا علي الزواج بس كل شي قسمه ونصيب
من اول يوم زواج تعذبت
ثاني اسبوع جاب زوجته من عند اهلها بجده وسكنها مع اختي بنفس الشقه بشهر العسل!!!!
عرفنا انه محكوم
قال لازم يعدل كل وحده لها يوم
باختصار زوجته طلعت وحده لعينه وانسانه في قمه الحقاره
كل الهدف من الزواج بس عشان يجيب اطفال ويرمي اختي
اول مااختي حملت رماها عند امي من غير اسباب
ماكان يعبرها نهائيا وكله جالس عند الاولي واختي زي الجدار حتي عندنا مايرضي يجيبها طلعات مايطلعها معه
كل وقته مع الحرمه الاولي
لما قربت تولد رجعها وهي قالت يمكن يعقل ويحن بعد مايشوف ولده
خرب علاقتها مع اهلي وقطعها من الناس لان هو اصلا مايحب الناس
سكنها في نص شقه فوق السطح
ومعطي الاولي شقه ايش كبرها
كان كل شوي يطلع ياخذ الولد من عندها ويخليه معه طول اليوم تحت عند حرمته الاولي
اختي انجنت وخافت يسرقون منها ولدها وقررت ترجع عند امي
بعد سنه رجع راضاها ماجلست شهرين اول ماعرف انها حامل وكنه ماصدق رجعها عند اهلي
ورماها ولاعاد جاها
حتي لما ولدت وعرفت انها بنت ماجا لها ولا شافها
كان كل اسبوع يمر ياخذ الولد بالاجازه ولاعمره قال خلوني اشوف بنتي!!!
بعد سنتين بالزبط قال لبسوا البنت باخذها مع اخوها وخفنا ياخذهم ماعاد يرجعهم
مع العلم كذا مره يوديهم عند اهله بمنطقه ثانيه ويقطع اخباره شهر وشهرين ويحرق قلبنا عليهم
لما يرجعوا الاطفال عند اختي تشوفون عمق الحزن اللي علي وجيهم وهم باقي صغار
طبعا الولد الحين صار عمره 6 سنوات والبنت 4 سنوات
وطليقها كان يهدد اذا وصل عمر الولد المدرسه راح ياخذهم الاثنين ويعيشون عنده
اختي تقدم لها واحد من 3 سنين وكل مره ترفضه عشان بنتها صغيره لين اقنعوها اهلي وافقت من سنه
المهم هي تزوجت قبل شهر من انسان طيب وابن ناس واهم شي عزابي وحرب الدنيا عشان ياخذها
طليقها يوم دري انجن ماندري السبب
بس عصب علي امي يوم دري وقال ليه استعجلت عيالها صغار مان ربتهم اول وبعدين تزوجت!!!!
اخذهم من عند اهلي قبل الزواج بيوم وقطع كل الاتصالات فيهم
وماندري ايش الحل معه مع العلم هو دايم مشغول ويسافر
والعيال اكيد بحطهم عند اهله لان زوجته مستحيل تخليهم عندها وهي موظفه اصلا
وهي تشتغل بمنطقه وزوجها بمنطقه
مدري كيف عايشين فوق العشرين سنه علي هذا الحال
المهم الحين اختي ذبحها التفكير بعيالها
واحنا معها مره منشغلين عليهم ولا عارفين كيف نقنع طليقها نخليهم يكلمون ونطمن عليهم
اخوي سلبي مرره وصغير عمره 22 سنه ومو قادر عليه
اهل كلاب مثله ومستحيل نتصل ويرضون يردون علينا
اخوي سافر عندهم قبل اسبوع عشان يطمن علي العيال ونفس الشي مارضوا يطلعونهم قالو ان ابوهم مانعهم منا
ايش الحل؟؟
تكفوووون حرررريم لاتطلقون لو كان الرجال ابن كلب وخاين وكل الصفات الشينه فيه
عندك عيال استحملي وعيشي معهم وربيهم مهما كانت الظروف لاتخلين اطفال في عمر الزهور يضيعون انتي خلاص صرتي كبيره وتقدري تقاومي الحياه بس هم اطفااااال مالهم ذنب
استحملو عشان اولادكم مايضيعون وتنكسر نفوسهم بعمر الزهور