اختي وظلمها لي وتاثيرها على شخصيتي

سلام. صباح الخير اول شيء انتم تعرفون علاقتي مع اختي. اختي هذا اكبر مني بعشر سنوات. متزوجه وعندها اطفال. أنا متزوجه بس ما عندي اطفال. جدا مسالمه بس احد يدوس لي على طرف هنا اتغير اصير.قطه شريره. اختي من وانا صغيره ما تحبني. دايم تحرش امي عليه. دايم تبي تحسسني بالنقص. المهم هي درست لين 3 متوسط. وانا كملت الثانوي. أنا كنت با اول متوسط. مسكت كتابي القواعد وقطعته ورمته بالزباله. لانه اصعب ماده. بس عشان ما نجح. الحمد لله ربي وفقني ونجحت. طبعا اخذت كتاب جديد ورجعت حليت التدريبات اللي فيه. الما عرفت أني نجحت. احس مره عصبت. وبنفس السنه مسكت شهادات تقويم القران وقطعتهم. أنا ما كنت ادري انها هي. بس مره لقيت قطع منها في الزباله. المعلمه ما كانت تعطني الاصل. كانت تعطينا نسخه المهم هي تزوجت وفتكيت منها. صارت تحرس امي عليه وامي تسمع لها. دايم ادا قلت شيء تبيء تطلعني كذابه قدام امي اي صديقه اتعرف عليها من قريبنا صارت تدخل بيننا وتفرقنا عن بعض. إذا احد مدحني ما يعجبها تروح هي تسب فيني. وما تقول لي ان احد مدحني. لكن لما احد يسبني على طول تجيء تقول لي. االحين دخلت بيني وبين اهل زوجي وتهرج فيني عندهم. أنا ما ادري وش دخلها با اهل زوجي. جت عند اخته واخذت ارقامهم وتروح تحش فيني عندهم. مع ان أنا من قبيله. وزوجي من قبيله ثانيه. إذا تقبلنا عند امي تقعد تتكلم با اهل زوجي تبيء تستفزني. وامي تقعد تتكلم معها. الحاجه الثانيه اللي تقهر. امي ما تخبيء عن اختي شيء كل شيء تقولها لها. اختي تروح تعلم الناس با اسراري. كذا مره كلمت امي ما تقولها شيء بس امي الله يهديها ما تغيرت الحين امي مره متغيره وقالبه عليه وتهاوشني بدون سبب وتقعد قدامي وتعطيني ظهرها. وادا جيت ما تقوم تسلم عليه. واذا جيتها ترمي اغراضي بالارض زي شنطتي ونقابي واذا قلت ابسهر عندكم وشوي اخوي يوديني تقول لا خليه يوديك الحين احنا نص الليل ومره كانوا امي واختي جالسين جيت أنا بجلس معاهم وامي تخبي شيء وراء ظهرها مدري وش واختي تقعد تضحك وتضحك وتضحك وتضحك وانا مره انحرجت. سكت ما تكلمت. أنا عارفه ان كل هذا من تحت راس اختي. بس ليه امي تسمع لاختي نحنا كلنا بناتها. وهي إذا شافت اختي تقعد تهاوشني. وتصارخ عليه. واختي تضحك. اختي تحسدني وما تحبني. فكيف إذا كانت اسراري عندها وربي كنت احب اختي. كنت افرح إذا جابت طفل احسه لي أنا. أنا لما تزوجت. اختي تقولي لا تفرحين. وتقولي زوجك. مروح. وبعد زواجي تجيء وتفتش بيتي بدون ما تستاذن. ودائم تطلع الشينه فيني قدام الناس. وهي تسوي نفسها ملأك. ودينه وطيبه المشكله امي واختي الحين يمشن ويهرجن فيني وانا إذا رزت امي ما تهرج معي. وما تتكلم. وصارت إذا جيت تجمع حريم اخواني وتقعد تهرج معاهن. وانا بالطقاق. أنا ادري ان كل هذا من تاثير اختي عليها. طيب أنا وش ذنبيء. ليه تبيء تفرق بيني وبين امي. ليه تحرش امي عليه. امي تسوي اشياء احسها مو مقتنعه فيهأ. بس واضح ان احد موصيها. امي تسمع لا اختي كثير مره مره إذا اختي قالت لها شيء على طول تسويه بدون ما تفكر. وربي انها تاخذ قرار. إذا اختي كلمتها او جتها تغير قرراها اللي اخذته. امي كل مالها وتزززززيد قسوه عليه. تكلمت. ونقشتها وجبت لها. بس ما تغير. احسها تزيد. يعني مثلا دقيت عليها وعزمتها تطلع سبب وتقول ليه تعزميني بهذا الوقت. مره ما كان عندي رصيد ارسلت لاختي الصغيره قلت قولي لامي تجيء تتقهوا ،،، شويات الا اختي ترد عليه تقول امي تقول اللي يبيها يدق عليها. قلت ما معي رصيد. بعد ذا السالفه بيومين وانا اروح لامي وزوجه اخوي ترسل لاختي. قالت قولي لعمتي تجيء تتقهوا. وامي تقوم وتروح لها. أنا وزوجه اخوي سوينا نفس الحركه ليه تهاوشني أنا وزوجه اخوي لا. أنا ما ادري وش اسوي. اختي الحين مبسوطه لانها تشوف امي وتعملها معي. ودي اكسب امي اختي ما عليه منها ربي بيحسبها. بس امي. بتقولون كلميها وربي كلمتها. عزمتها. حتي زواجات اهل زوجي قلت يا امي باخذك معنا تنبسطين. قالت لا. حسبي الله على من فرق بيني وبين امي. فيه اخت تسوي با اختها كذا. امنا وحده. وابونا واحد. الحين شخصيتي احسها تغيرت صرت افهم واعرف صرت افكر. بس اخاف اقابل اختي عند امي الحين اتحاشي اروح وهي هنا.ك. يعني ما اروح الا ايام الدراسه لان عيالها يدرسون. اما الويكند ما اروح كله عشان ما اقبلها. وربي احسها تفرح إذا شفتني تقعد تقط حكيء وبعدين فيها ذكاء مو طبيعي. اول ما تشوفني تقعد تتكلم عن زوجه طليقي. لانها حملت. وجابت بنت. حتي لو الموضوع مو يمها بس تبيء تقهرني. وتقعد تتكلم عن اهل زوجي. مثلا تقول يمه أنا بروح لفلانه هي ولدت. هذا تصير من اهل زوجي. وتقعد تعزم حريم اخواني على زواج اخوان زوجي شفتوا وين وصلت حقرتها معي. المشكله أنا عنزه ما اعرف اتصرف. وفيني كميه غباء. الحين لها علاقه مع كم وحده من اهل زوجي ودايم تقول هم يقولؤن ويقولون. ودايم تبيء تبيني لي ان الناس ما تحبني وتحبها مره اتزوج واحد ومن اخواني. أنا شريت فستان قالت بشوف فستانك قلت لأ. لما رحت للحمام وهي تروح وتفتح دولاب ملابسي وتشوف فستاني. هذا الكلام قبل زواجي. ومره راحت السوق وشريت بيجامه مره تجنن اخذتها غصب عني. با الاول قلت لا. وبالاخير سكت. وربي للحين حازه بخاطري سالفه البيجامه. للحين اتذكر لونها ودايم إذا احد مدحني تحاول تغير الموضوع بأي طريقه. استغفر الله وش ذا الاخت. المهم اول ما تزوجت اختي. فيه حرمه شفتني وتبيء تخطبني لولدها. اختي رفضت تعطيها رقم امي. وتقول لي زوجي اللي قال لأ. ودايم تسالني تقولي زوجك يغار عليك. اقول ليه تسالين وش عليك. زوجك عندك. مالك شغل بزوجي. يوم زواجي تكتب التوبيك حقها عن خواتي الصغار ، ولا قالت اكتب عن اختي بس تبيء تقهرني من جد ما ادري وش اقول وش اسوي معها. تحب تحطمني. تحب تعلق على كل شيء يخصني يليت تعليقها ايجابي. كلها تعليقاتها سلبي. ويحطم لو الموت بيدها يمكن ذبحتني من زمان. مثلا لو اسوي لها حاجه حتي لو تافه كل امه محمد تدري عنها. اللي أنا اسوي حرام. وهي حلال عليها وليه يوم تدخل بكل موضوع يخصني ما ادري وش تبيء فيني. وليه يوم هي وامي يتعاونون عليه وياذوني أنا مهما صار اصغر منهم. ليه يسؤؤن لي كذا المفروض يصيرون قدوه لي. وربي ي بنات إذا قبلتها عند امي. احس اتنرفز تنشد اعصابي من اول ما اشوفها. امي تشوف كل شيء تسويه فيني. ما ادري ليه امي تسكت عنها. ليه ما تهاوشها. وليه إذا امي شافت اختي. تتغير معاملتها لي. وتقعد تتكلم وتهاوش. وليه اختي تقعد تضحك. ليه يبوني اتحطم. ليه يبوني يموتوني. ليه يشوهون سمعتي. مع اهل زوجي. ليه يكذبون عليه. ليه امي تسبني قدام زوجي. ليه اختي تذمني قدام خوات زوجي ليه قتلوني وانا حيه. ليه. يتكلمون واذا جيت سكتوا. ليه يحسسوني انهم يتكلموني فيني ليه يتهموني أني اكلم شباب قبل زواجي. ليه إذا يبغون شيء مني يجوني . واذا اخذوا حجتهم مني تركوني حتي اموار زواجي تدخلت اختي فيها. وخلت امي تغير رايها ،،، امي تقول لي زوجك ما اخذك الا عشاني. طيب أنا وش نقصني وش العيب اللي فيني بالاخير اكتشفت ان اختي هي اللي قالت لامي كذا. تقول زوج فلانه ( اللي هي أنا ) ما اخذها اللي عشانك. احس أني بموت مقهور فيني غبن. أنا مو عدوتهم وربي انأ اصغر منهم كلهم. ليه ينزلون نفسهم لي. ليه يكبتوني ويحطموني ليه كل موضوع يخصني يسؤؤن سالفه منه. يحطن غصب مشكله. امي ليه تستسلم لاختي وتسمع كلامها. ليه تشهد شهاده زور. عشان أنا اطلع كذبه واختي صادقه. ليه احس ان امي تخاف من اختي. نفسي افهم ليه امي تقول اسراري لاختي. يا ناس حتي إذا الدوره جتني تقولها لاختي كل شيء كل شيء كل شيء تقوله لها. قبل زواجي سؤن لي سوالف وقصص ما يعلم فيها الا الله. امي تقول لاختي أني اصور خواتي وارسل صورهن لولد عمي. وربي أنا اصورهم بس لعب لاني اول مره اشتري جوال كاميرا. ومبسوطه فيهم وهم كان اعمارهم 10 سنوات. امي تقول لاختي أني اكلم شباب وتقول أني اكلمهم وادا مليت منهم. اعطيء ارقامهم لاخوي. واختي كل امي ما قالت لها شيء. ،، وصلت لي كلام امي. ما ادري وش صار فيني اليوم. صحيت مقهوره من اختي. ومغبونه امي فرقت بيني وبينها. بس ترى حتي امي تسمعع لها المفروض امي تكلمها تقول هذا اختك وعيب عليك. اختي مع الوقت راح تنطم. بس امي تهرج معها وتقول كل شيء. اختي كذا اتمادت. أنا خايفه على حياتي على مستقبلي. بكره إذا حملت ؤلدت اختي بتعبيء راس امي وامي ما راح تهتم فيني مين بيقوم فيني فتره نفاسيء المشكله الحين امي كل مالها وتزيد وتتغير تسمعني كلام زي السم. وتقول لي اشياء تبيء تغيضني فيها. فيه ناس قالوا لي اكيد اختك ساحره امك. ما فيه ام تسوي ببنتها كذا الا بسبب. والله أني احب امي. بس تصرفاتها تجرحني كلامها سكين يدخل قلبي. أنا ما ادري اختي وش تقول لها يوم تقلبها عليه زمان لما كانت علاقتي مع اختي كانت تسب في امي. وتتكلم في شرف امي وتقول كلام كبير عن امي. ...................!!!بس أنا خفت اقول لامي. لاني اعرف لو قلت شيء اختي بتلف كل الكلام عليه. وامي راح تصدقها. وانا اللي بروح فيها. أنا اخترت السكوت في اشياء كثير خفت من امي واختي. أنا الحين عمري 27. متزوجه ما عندي عيال. امي ما تدخل بيتي لها سنه. وحريم اخواني ما يجوني واكيد اختي لها دور خواتي الصغار واضح انهم يحبوني. بس يخفون من امي واختي. اهل زوجي تغيروا عليه. صح محد يسوي لي شيء بس اشوف خوطرهم محد صار يجينيء منهم. احسهم يقولون امها واختها وش يقولون عنها الشخص مع كثر الكلام يصدق غصب. وربي ي بنات احس امي واختي علاقتهم مع اهل زوجي وخواته وحريم اخوانه اكثر مني. أنا صارت اخاف من المستقبل. صارت اخاف من اشياء كثيره. صدق أني تغيرت وتعلمت. بس باقي خوف بداخلي. انصحوني وش اسوي. وهل حركات اختي معي تعتبر ظلم لي ؟ والله ي بنات ما كذبت عليكم في شيءبالعكس فيه اشياء كثيره نسيتها عندك رد يغث خليه لنفسك بروحي منغثه ومندبله كبدي.