اختي وما ادرااااااك ما اختي

انا تعبت من اختي اي نعم اختي اللي كلنا طلعنا من بطن واحد
تعبتني واننغصت حياتي حاولت اتصالح معاها ابني معااااها علااااقه جميلة علاااقه الخوات الحقيقيات مااااينفع معاها شى
اختي كارهتني وانا ابكي ووانا اقول كارهتني الكلمة قوووويه بين خوووات قووويه بس هذي اهي الحقيقه
مواقفنا بين بعض كثيرة وكلها بينت لي انها حااااقده علي وكارهتني وحاسدتني وكل شي
كانها عدوووي بس جاء من نفس البطن اللي طلعت منه
اعوذ بالله منها والله حياتي اقل منها وانا واقسم بجلال الله اني فرحاااانه بحياتي ومقدرة كل النعم اللي عندي وماعمري حسيت بالنقص وهي الا تنغص بحياتي ماتحب ابوي يمدحني ابدااا مررة ابوي مدحني وكان يقول انتي راكده مع زوجك وعلاقتك انتي وزوجك حلوة ماعمري شفته زعلان منك ولا انتي زعلانه منه ( لاننا مخلين مشاكلنا بالبيت وقدام الناس متفقين نكون كاننا عصافير حب حتى لو اننا نازلين من السيارة متهاوشين ) وابوي كان يمدح علاقتي مع زوجيء قدامها وقدام خواتي وكاااانت السالفه عااااديه جدا الا هي كانها ملدوغه وانا يا ابوي وانا قال انتي الله يعينه بسسس على شخصيييتك قااامت تقول هي ماعندها فلوس ولا وظيفه ولا دخلت جامعة وانا دايم ادلع زوجي واعطيه هدايا واعطيه من فلوس وظيفتي وما ابخل عليه قال ابوي هو على علاقه الزوجين انتي لو تشوفين امك ترا مامعاها شهاده روضة بس من غلاها تسوى الدنيا عندي وهيييي قامت زعلاااانه
انا انصدمت ليش تزعل !! طيب وش اللي يزعلك !!! مو الواحد يفرح لما يشوف اخته عايشه سعيده؟؟؟ ليش ماتفرح هي لي ؟
ولااااحظت حتى عيالها لما كبروا شوووي وصاروا يفهمووون الكلام صاروا مايبووووووني ومرة كانوا جايين من السفر وقللللت لواحد من عيالها تعال يلا يلا عط خاله ضمة وكنا قدام خواتي وزوجات اخووواني وناظر لي ولدها وقال لا انتي مابغى اضمك ضحكت وقلت يمكن شقاووووه وبعدها بكم يوم كنت رايحه لبيتي وزوجي كان برا وكان احد عيالها واقفين عند باب الشارع قلت يلا تبي تروح معانا بيتي ناظر فيني وقال لا مابي اروح معاك امي تقول لا تروحون معاها
صدمني ان حتى عيالها تقولهم لا تقربون منها والله العظيم وهذا ااااكد لي اكثرررر
منقهره ان عيالها صغارررر توهم على الكره والحقد وشحن النفووووس
ويااااكثر ما تغاررر من لبسي واثاثي ومرة لبست لبس كشخه واعجبوا بشكله خواتي الا هي قالت لا مو حلوووو وصارت تجيب فيه عيوووووب
فجاةةة القاها جايبه نفس شكل الفستان بس اختلااااف بسيط بالتصميم واختلاااف باللون وقلت لها نفس فستاني قالت لاااا مو نفسسسه وتتحجج حتى خواتي كانوا يقولون نفسي وصممملت الا انه مووو نفسه
حتى اثاثي مرررة كنا متحمعين خوااااتي وقلت بنات وش رايكم بهذا الكنب ابغاااه لصالتي واوريهم الا هي نقزت لا تاخذينه لا فكرتي لا تقلديني وانا اناظرها كيف اقلدك؟ قالت انا مفكرة فيها من زمان وشوفي وتوريني محادثاتها مع البائعين والمحلاااات
اعوذ بالله فيها هووووس ان احد يقول لها قلدتي فلانه او الطاااامه يقول لها انها قلدتني
لاحظت مرة قلت لها انتي قلدتي اخت زوجك طااااارت تقول انا ما اقلد ما اقلللد وصارت تبرر وتوريني كله علشان ما اقول لها انتي تقلدين وانها صاحبه الفكرة الاووولى ومخترعتها ههههه
طيب السلعه هذي موجووووودة بالسوووق كل واحد يقدر يشتريهااا ماهي خاصه فييييك ليش مرعوبه كذا
انا وخواتي يا ما جبنا نفس بعض ونفس الصواني والاثاث ببيوتنا ولا عمرنا قلنا قلدتيني لاااان هذي الموضضة وهذا ذوق كل وحدة فينا هي تبدع باللمسات بس هي لما احد يشتري نفس اللي عندها تذبحه بكلااام انتي قلوده انتي قلدتيني انتي اخذتي افكااااري وتقعد تعيدها وتكررها علشان تبين انها راعيه ذوووق والكل يقلدها
وتخااااف لما احد يجيب الشيي قبلللها علشان ماحد يقولها قلوده لانها تنفجر عليه
وياااكثر ماكانت تقووول لنا اخت زوجي جابت نفس الاثاث اللي ابغاه فماراح اشتريه قلنا طيب عاادي قالت لاااا خييرر بعدين تقول قلدتني !!!
انا وخواتي الثانيات مابيننا هالكلاااام ولا عمرنا قلناه لان كل وحدة فينا لها لمستها وهذا السوق وهذا الموجود فيه
امي تخاف منها وتراعيها كثيييير وصارت تخاف تمدحني قدامها علشان ماتزعل
انا ما امدح نفسي بسس انا دايييم اللي اساعد اهلي وبكل موقف اساعدهم ومااااهو كرم مني لاااا هذا واجبي لاهلي اني ارعاهم حتى وانا متزوجة وهي لما يصير الموقف الجد لاااي شيء تدق على زوجها وتهررررب لبيتها وتجي بعد اسبوعين
ودايم تقول عند خواتي انا اغلااا وحدة عند امي وابوي انا الغاليه انا اللي يفقدوني انا اللي يدقون علي كل شوي انا اللي اساعدهم انا اللي بكل موقف موجودة وانا وانا وانا
في حيييين ان حتى امي تتذمر منها ان في المواقف ماتلقاها عندها وتتحج بعيالها علشان ماتتحمل مسوولية اهلي
تعرفوووون اني ماعرف عن وظيفتها شي لان هي تخاف مني تعتقد اني حاسدتها على وظيفتها وماتتكلم بفلوسها قدامي ولا بعمرهاااا مع ان خواتي يقولون لي انها عادي تسولف لنا عن وظيفتها عااادي بس قدامي لااا
تعررررفووون انها تخاف تتكلم بوظيفه زوجها قداممي تخاااف احسده لانه ضابط وانا زوجي معلم ماعرررف وش الفرررررق كلها ارزاق بيد رب العالمين ويهبها لمن يشااااء وانا سعيده واعتبر زوجي وزير مووو بس معلم
والله لا حسدت ولا حقدت ولا غرت ربي كريم مجيب الدعاء وفرحااانه بكل النعم اللي ربي معطيني اياها
ومواقف كثير لو تكلمت فيها يشيييب راسي بعد فيه موقف مرة راحت هي لحفله عند اهل زوجها وطلع فيه واحد منهم كورونا وكانت تبغى تجي لاهلي
دقيت عليها قلت يافلانه لا تجين خذي فحص كورونا لان احنا متجمعين عند اهلي الحين وامي وابوي مناعتهم مو قوية والاطفال بعد مناعتهم ضعيفه
قعدت تصيح وتصارخ وش دخلك وتبين تحرميني من اهلي ما اجيهم الا بعد اسبوعين وانا ترا مافيني الا العافيه
قلت الاعرااااض ماتبااااان الا متاخر وهاوشتها وقلت لااا تجييييين خذي فححص وعاااد كيفك
راااحت كلمت اخوووي الكبير وقالت هي تحرمني من ابوي وامي هي تظني بضر امي وابوي هي وهي وهي
راح اخوي دق علي وهاوشني وانا ماسكت له ومشيييت رايي وخليتها ماتجي لان لمصلحه الجمييييع فينا اللي مريض سكر ومريض ربو ومريض ضغط وكبار سن
بعدها بفتره لما صار فيني كورونا انا وزوجي وانحجرت ببيتي وماجيت لاهلي ابددا ولا فكرت اجيهم
دقوا خواتي يسالون عن احوااالي ويونسوني وهي دقت علي تخيلوا ايش قالت ؟؟ قالت انتبهي لا تجين انتي فيك كورونا يلا احجزي احجزي فحص تراني بروح لاهلي اخاااف القااااك وتقعد تضحك وقالتها بمزح بسسس انا وهي نعرررررف انها دققققة
اعوذ بالله منها اعوووووذ بالله
ورب العزه والجلال اني ماضرتها ولا بعمري ولا بحياتي ضريتها هييي من يوم كنا صغاررر وهي تتهاوش معاي وكبر معااانا هذا الحقد
حتى خوووااااتي يعتبرونا مو خوات يعتبرونا اعدااااء وبيننا حررررب باررررده
انا ارد عليها ما اسكت لهااا وهي تخاف مني بس انا اراعيها وهذا اللي يخليها تتمادى وماحد يوقف لها واخاف على امي تروح تقول لها وهي مايسوى عليها كبيرة سن وتعبانه وبتتعب اكثر لما تشوفنا متهاوشين
هي حتى تتبلى علي عند خواتي تقول هي تضرب عيالكم انتبهوا منها وصار بيني وبين احد خواتي مشكله راحت هي قالت لها هي تضرب عيالك ترا انتبهيي منها ووصلني الكلام
انا رحت لها قدااام خواتي قلت اسالكم بالله عمركم شفتوووني حتى اضرب ولدي ؟
قالوا لا بحياتنا ماشفناك تضربينه
قلت اذا انا ماضربت ولدي كيف اضرب عيالكم
انا تعبت وانا اكتب مواقفنا لا تحصصصصى
وكلها حقد بحقد وحسد بحسد وغيره بغييييره وانا والله العظيم كنت احاول واحاول امد بيننا جسور المحبه والاخوة واحاول اعرف المشكله اللي كانت بيننا من واحنا صغار والى ان صرنا امهاااات وباقيه مجهوووله
صرت اقتنع انها عدوتي خلاااص وهذا يكسسسر قلبي لان هي اختي ماعمري شفت اخت تعتبر كعدوووه
اخاف اني اظلمها واخاف ربي يغضب علي
احيانا قبل انام اقول انا وش مسويه لها ؟ يمكن انا مسويه شيء بس ما اتذكر
يمكن انا غلطت عليها ونااااسيه يارب ذكرني يمكن سوء ظن مني يارب مابي اظلمها
لان هي تتحمس تنتظر مني اي زله علشان تستهزء فينييي
قولوولي شسوي معاها
انا ترا ارد علييييها وهي تخاااف تنرعب مني لا وريتها وجهي الثاني انا مو ضعيفه رد
انا اخاف بعد ان امي تدري وتزعل لان هي ماتنتظر على طوووول تكبر المشكلة وتوصلها لامي وامي لانها تخاف منها تجي تهاوشني وانا اخاف على امي تتعب اقول خلاص ماراح اقولها شي
وامي تقول لي كبري عقلك عنهااا
تعبت تعبت منها ماعرف وش اسوي معها حاطه دوبها من دوبي وتناظر لي بنظره اني حاسدتها وغيرانه منها ومن وظيفتها وزوجها  وهي تلاحق وراي وانا ماعمري ناظرت لحياتها
اعذرووووووني عللللى التطوييييل